Page Text
________________
જરૂરી માલ આવ્યા પછી સુથાર બારી, બારણા વગેરે તૈયાર કરે. કડીયો ઈંટ - સીમેન્ટ, બારી – બારણા વગેરે ગોઠવીને મકાન તૈયાર કરે. જરૂર જણાય ત્યાં ફેવીકોલ, સીમેન્ટ વગેરે વડે સાંધા પણ કરવા પડે. મકાન જેવું મજબૂત બનાવવું હોય તેવો હલકો - ભારે માલ લાવવો પડે. મકાન તૈયાર થાય ત્યારે તેને યોગ્ય કલર પણ કરવો પડે,
તે જ રીતે આત્માએ પોતાને રહેવા માટે શરીર બનાવવું હોય ત્યારે પણ ઉપર પ્રમાણેની અનેક પ્રક્રિયાઓમાંથી પસાર થવું પડે.
ઔદારિક શરીર વગેરે નામકર્મનો ઉદય થાય એટલે શરીર બનાવવાનો ઓર્ડર અપાય. શરીર બનાવવાનું શરું થાય. સંઘાતન નામકર્મના ઉદય પ્રમાણે તે તે શરીર માટે જરૂરી માલ ભેગો થાય. બંધન નામકર્મના ઉદય પ્રમાણે શરીર માટેના જરૂરી તે તે માલ વચ્ચે જોડાણ થાય.
સંસ્થાન નામકર્મ રૂપી આર્કીટેકે નક્કી કરેલ ડીઝાઈન પ્રમાણે શરીર બનતું જાય. સંધયણ નામકર્મના ઉદય પ્રમાણે તે શરીર તથા તેના હાડકા વગેરેની ઓછી - વત્તી મજબૂતાઈ નક્કી થાય. આંગોપાંગ નામકર્મના ઉદય પ્રમાણે શરીરના જુદા જુદા અવયવો તૈયાર થાય.
તૈયાર થયેલા તે તે અવયવોને તે તે નિયત સ્થાને ગોઠવવાનું કાર્ય નિર્માણ નામકર્મ કરે . વર્ણ – ગંધ, રસ - સ્પર્શ નામકર્મના ઉદય પ્રમાણે જુદા જુદા અવયવોને જુદા જુદા રંગ મળે. જુદા જુદા ગંધ – રસ – સ્પર્શની પ્રાપ્તિ થાય.
-
વિહાયોગતિ નામકર્મના ઉદય પ્રમાણે તેમને સારી કે ખરાબ ચાલ મળે. શ્વાસોશ્વાસ નામકર્મનો ઉદય તેના શ્વાસોશ્વાસનું નિયંત્રણ કરે. અગુરુલઘુનામકર્મ જે તે શરીર પોતાની ક્રિયાઓ વ્યવસ્થિત કરી શકે તેની કાળજી લે. પોતાને પીડા આપે તેવા અવયવો જો શરીરમાં તૈયાર થાય તો તેમાં ઉપઘાત નામકર્મ ભાગ ભજવે. કરડાકી કે પર્શનાલીટી પેદા કરવાનું કાર્ય પરાઘાત નામકર્મ કરે.
આમ, માત્ર એક શરીરને બનાવવામાં આવા તો અનેક કર્મો પોતપોતાની રીતે ભાગ ભજવે છે. તૈયાર થયેલા આ શરીરનો ઉપયોગ જો આરાધના - સાધના માટે કરવામાં આવે તો આ માનવજન્મ સફળ થયો ગણાય, પણ જો મોજમજા, એશ આરામ અને જલસા કરીને જીંદગી પૂરી કરવામાં આવે તો જીવન નિષ્ફળ બન્યા વિના ન રહે. આ શરીર દ્વારા અશરીરી બનવાની સાધના કરવાની છે. કર્મોએ બનાવેલા શરીર વડે કર્મોનો જ નાશ કરવાની આરાધના કરવાની છે, તે વાત કદી પણ ભૂલવી નહિ.
નામકર્મના ૧૪ પિંડપ્રકૃતિના ૭૫ પેટાભેદો અને ૮ પ્રત્યેક પ્રકૃતિઓને સમજ્યા પછી હવે આપણે ત્રસ દસક અને સ્થાવર દસકને વિચારીએ.
૭૧ એ કર્મનું કમ્પ્યુટર ભાગ-૩
| SR No. | 008957 |
| Book Title | Karmanu Computer Part 2 3 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 226 |
| Language | Gujarati |
| Classification | Book_Gujarati & Karma |
| File Size | 5 MB |