Page Text
________________
શ્વાસોશ્વાસ વર્ગણાના પુદ્ગલોને ગ્રહણ કરે છે. શ્વાસોશ્વાસ રૂપે બનાવે છે. એટલે કે શ્વાસ લેવા-મૂકવા માટે યોગ્ય બનાવે છે. પછી ઉચ્છવાસ દ્વારા તે પુગલોને આકાશમાં પાછા ફેંકી દે છે.
આવી આ શ્વાસોશ્વાસ પતિ રૂપ શક્તિ તો પતિ નામકર્મના ઉદયે મળે છે, પણ આ શ્વાસોશ્વાસ પર્યાપ્તિ રૂપ શક્તિનો વપરાશ ક્યારે કરવો ? કેટલો કરવો? તેનું નિયંત્રણ આ શ્વાસોશ્વાસ નામકર્મ કરે છે. કયા જીવને અમુક સમયમાં કેટલા શ્વાસોશ્વાસ ચાલવા જોઈએ? તે નક્કી કરવાનું કાર્ય તે તે જીવના શ્વાસોશ્વાસ નામકર્મનું છે.
(૮) નિર્માણ નામકર્મ બધા માણસોને આંખો આગળ જ કેમ છે? એક આંખ આગળ અને એક આંખ પાછળ કેમ નહિ? પાછળ પણ આંખ હોત તો પાછળનું પણ જોવા મળતા ને? બે કાન બે સાઈડમાં કેમ? નાક, આંખ અને હોઠોની વચ્ચે જ કેમ? હાથ ખભા પાસે જ કેમ? કમર પાસે કેમ નહિ? પોપચાં આંખ ઉપર જ કેમ? કાન ઉપર કેમ નહિ! કાન ઉપર પણ હોત તો કોઈ શબ્દો સાંભળવા ન હોય ત્યારે કાન બંધ થઈ શકત ને?
જીભ મોઢામાં જ કેમ? પગ નીચે જ કેમ? શરીરના જુદા જુદા અવયવો જુદા જુદા પણ નિયત સ્થાને જ કેમ? કોણ તેમને તેમના નિયત સ્થાને ગોઠવે છે? મમ્મી તો પોતાના પેટમાં હાથ નાંખીને ગર્ભકાળમાં બાળકનું શરીર બનાવતી નથી ! તે કાંઈ શરીરના જુદા જુદા અવયવો નિયત સ્થાને ગોઠવવાનું કામ કરતી નથી ! તો પછી આ બધું કાર્ય કોનું?
શરીરના જુદા જુદા અવયવોને જે તે નિયત સ્થાને ગોઠવવાની કરામત “નિર્માણ નામકર્મ કરે છે. નિર્માણ નામકર્મ કડીયા જેવું છે. મકાન બનાવતી વખતે ઈંટો, બારી, બારણાં વગેરેને યથાયોગ્ય સ્થાને ગોઠવવાનું કાર્ય જેમ કડીયો કરે છે, તેમ શરીર બનાવતી વખતે જુદા જુદા આંગોપાંગને તેના યોગ્ય સ્થાને ગોઠવવાનું કાર્ય આ નિર્માણ નામકર્મ કરે છે.
આ નિર્માણ નામકર્મના પ્રભાવે તમામ મનુષ્યોનો દેખાવ એકસરખો લાગે છે. તમામ વાઘ એકસરખા, તમામ કૂતરા એક સરખા, તમામ બિલાડીઓ એક સરખી. આમ, જુદા જુદા - પ્રાણીઓનો પોતપોતાના જાતભાઈઓની સમાન એક જ આકાર રહે તેવી શરીરના જુદા જુદા અવયવોની ગોઠવણ આ નિર્માણ નામકર્મ કરે છે.
કોઈ સુંદર મકાન બનાવવું હોય તો આર્કટિક સૌ પ્રથમ તેની ડીઝાઈન તૈયાર કરે. તે ડીઝાઈન પ્રમાણે જરૂરી બારી - બારણા - દિવાલો વગેરે બનાવવા માટે જરૂરી માલનો ઓર્ડર આપવો પડે.
ઝાડ ૭૦ જ કર્મનું કમ્યુટર ભાગ-૩ માં
| SR No. | 008957 |
| Book Title | Karmanu Computer Part 2 3 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 226 |
| Language | Gujarati |
| Classification | Book_Gujarati & Karma |
| File Size | 5 MB |