Karmanu Computer Part 2 3

SR No.: 008957
Original Sutra Author: N/A
Author: Meghdarshanvijay
Publisher: Akhil Bharatiya Sanskrutirakshak Dal
Total Pages: 226
Language: Gujarati
Classification: Book_Gujarati & Karma
File Size: 5 MB

Page 167

(૧૦) કરામત શરીરની
(૩-૪) આતપ અને ઉદ્યોત નામકર્મઃ સૂર્ય આકાશમાં ઘણે દૂર છે. દૂર રહીને તે સૂર્ય આપણી ધરતી ઉપર ગરમી ફેલાવે છે.
- આટલે બધે દૂર રહેલો સૂર્ય પણ જો ઉનાળામાં આપણને આટલી બધી ગરમી આપતો હોય તો તે પોતે કેટલો ગરમ હશે?
આવી ભયાનક ગરમી ધરાવનાર સૂર્યના વિમાનમાં રહેનારા દેવો બળી ન જાય? તેઓ પોતાનું જીવન કેવી રીતે જીવતા હશે?
વળી આકાશમાં રહેલાં ચન્દ્ર, તારા વગેરે ઘણો પ્રકાશ આપે છે. જે પ્રકાશ આપે તે તો ગરમ જ હોયને? તો ગરમચંદ્ર તારા વગેરેનો પ્રકાશ પણ ગરમ હોવો જોઈએ. તેના બદલે ચંદ્ર - તારા વગેરે ઠંડો પ્રકાશ કેમ આપે છે? તેમની હાજરીમાં આપણને ઠંડકનો અનુભવ કેમ થાય છે?
હકીકતમાં સૂર્યનું વિમાન દેદીપ્યમાન, સ્ફટીકમય ઠંડા પૃથ્વીકાયનું છે. એ વિમાનને સ્પર્શવામાં આવે તો એ ખૂબ ઠંડું લાગે છે. પરંતુ તેમાંથી નીકળતા કિરણો જેમ જેમ દૂર જાય તેમ તેમ ગરમ થતા જાય છે. આમ, ઠંડા વિમાનમાંથી ગરમ પ્રકાશ નીકળે છે, તેનું કારણ તેમાં રહેલાં દેવો નથી; પણ તે વિમાન જેમાંથી બન્યું છે, તે પૃથ્વીકાયના જીવોના શરીરો છે!
પૃથ્વીકાયના જીવોને જો આપ નામકર્મનો ઉદય હોય તો તેના પ્રભાવે તેમને ગરમ પ્રકાશ ફેંકનારું ઠંડું શરીર મળે! સૂર્યનું વિમાન તેવા આતપ નામકર્મના ઉદયવાળા પૃથ્વીકાયના જીવોના શરીરોથી બનેલું છે. તેથી તે વિમાન પોતે ઠંડું છે, પણ તેમાંથી નીકળતો પ્રકાશ ગરમ છે. પોતે ઠંડુ હોવાના કારણે તે વિમાનમાં વસનારા દેવો બળી જતા નથી. તેઓ મસ્તીથી પોતાનો જીવન વ્યવહાર કરી શકે છે. તેમાંથી નીકળતો ગરમ પ્રકાશ પૃથ્વી ઉપર ગરમી પેદા કરે છે.
વળી, ચંદ્ર ભલે તેજસ્વી છે, પણ તેનો પ્રકાશ જરાય ગરમ નથી. જે જે તેજસ્વી હોય તેનો પ્રકાશ ગરમ જ હોય તેવું જરૂરી નથી. ચન્દ્ર તથા તારાઓના વિમાનો પણ પૃથ્વીકાયના જીવોના શરીરમાંથી બનેલા છે, પણ તે જીવોને ઉદ્યોત નામકર્મનો ઉદય ચાલી રહ્યો છે. આ ઉદ્યોત નામકર્મના ઉદયથી પોતે ઠંડા હોઈને ઠંડો પ્રકાશ આપનારા બનાય છે.
આગીયો, રત્ન, હીરા, કેટલીક ઔષધીઓ વગેરે ચમકે છે, તેજ ફેકે છે, છતાં તેઓની ગરમી અનુભવાતી નથી, કારણ કે તે બધાને ઉઘાતનામકર્મનો ઉદય છે.