Karmanu Computer Part 2 3

SR No.: 008957
Original Sutra Author: N/A
Author: Meghdarshanvijay
Publisher: Akhil Bharatiya Sanskrutirakshak Dal
Total Pages: 226
Language: Gujarati
Classification: Book_Gujarati & Karma
File Size: 5 MB

Page 166

વળી, પરાઘાત નામકર્મના પ્રબળ ઉદયવાળી વ્યક્તિની વાત બધા સ્વીકારતા હોવાથી તેને અહંકાર આવવાની પૂર્ણ શક્યતા છે. તેણે સ્ટીમરોલર બનીને બીજાને કચડવાનું ન બની જાય તેની કાળજી લેવાની છે. પોતાના કારણે બીજાને નુકશાન ન થાય તે માટે જાગ્રત રહેવાનું છે.
વળી, પોતાનો ખોટો નિર્ણય થવા છતાં ય લોકો સામે બોલી શકવાના નથી. પરિણામે પોતાની ભૂલ સમજાવી મુશ્કેલ છે. તેથી તેણે ખાનગીમાં, પોતાની ગેરહાજરીમાં પોતાના માટે લોકો શું વિચારે છે? શું બોલે છે? તેની માહિતી મેળવવી જોઈએ. તે વાતોને પ્રામાણિકપણે વિચારીને, ભૂલ હોય તો સુધારવા પ્રયત્ન કરવો જોઈએ. પરાઘાત નામકર્મના પ્રબળ ઉદયવાળી વ્યક્તિઓની આસપાસ ખુશામતકારો ભમતાં હોય છે. તેમની વાત ઉપર વિશ્વાસ મૂકવાની ભૂલ ભૂલેચૂકે પણ કરવા જેવી નથી.
આ કર્મનો પ્રબળ ઉદય થવાથી માણસ સફળતાના સર્વોચ્ચ શિખરને સર કરી શકે છે; પણ તેથી અહંકાર કરવા જેવો નથી. આ કર્મનો પ્રબળ ઉદય કાયમ ટકતો નથી. જ્યારે તેનો ઉદય દૂર થાય છે ત્યારે સફળતાના શિખરે પહોચેલ વ્યક્તિ ક્ષણવારમાં ઊંડી ખાઈમાં ગબડી પડે છે. જેની વાતો કરોડો લોકો વિના વિરોધે સ્વીકારીને વાહવાહ કરતા હોય તે જ વ્યક્તિની સાથે રહેવા એક બચ્ચો પણ તૈયાર ન થાય, તે બધા લોકો હટ હટ કરે તેવી પણ પરિસ્થિતિ પેદા થઈ શકે છે. જો આ વાત ધ્યાનમાં રહેશે તો પ્રસિદ્ધિમાં આસક્તિ પેદા નહિ થાય. પરાઘાતના પ્રબળ ઉદયમાં અહંકાર નહિ જાગે. નમ્રતા રહેશે.
તીર્થંકર પરમાત્માઓને પરાઘાત નામકર્મનો ઉદય ઉત્કૃષ્ટકક્ષાનો હોય છે. તેથી તેઓ ધર્મના સિદ્ધાન્તો અનેકોના હૃદયમાં ઉતારી શકે છે. અનેકોના જીવનને ખોટા રસ્તેથી સાચા રસ્તે લાવી શકે છે.
બીજાઓને ધર્મ માર્ગે જોડવા માટે, ખોટા માર્ગે જતાં જીવોને ત્યાંથી અટકાવીને સાચા માર્ગે લાવવા માટે આ પરાઘાત નામકર્મ ઉપયોગી છે. તેના દ્વારા આપણે ઘણાના કલ્યાણ મિત્ર બની શકીએ છીએ.
ઘર ઘરમાં તત્ત્વજ્ઞાનનો પ્રકાશ ફેલાવતું ઘેર બેઠાં તત્વજ્ઞાન (માસિક) આઇવન લવાજમ ઃ ૧. ૧૦૦૦
રિલીઝઃ ૨, ૨૦૦ આજે જ ગ્રાહક બની જઈને તત્ત્વજ્ઞાની બનો.
લવાજમઃ ચં. કે. સંસ્કૃતિભવન, ગોપીપુરા, સુભાષ ચોક, સુરત. આજના
૬૭ કર્મનું કમ્યુટર ભાગ-૩