Page Text
________________
પરંતુ તેની સામે પડવાનો પ્રયત્ન કરનારા પણ જ્યાં તે વ્યક્તિની હાજરી થાય ત્યાં તેનું શરણું લેવા માંડે. તેને મસકા મારવા લાગે !
પરાઘાત નામકર્મના પ્રબળ ઉદયવાળી વ્યક્તિ લોકો પાસે પુષ્કળ દાન પણ અપાવી શકે. જે માણસ બીજાને ૫૦ - ૧૦૦૦ રૂ. નું દાન આપવા તૈયાર ન હોય તેવી વ્યક્તિ પાસેથી પણ આ વ્યક્તિ જો ધારે તો ૨૫-૫૦ હજાર રૂપિયા વાત-વાતમાં લઈ આવે. એ પણ આજીજી કે કાકલુદી કરીને નહિ પણ આદેશ કરીને! “આ કાર્યમાં તમારે ૫૦ હજાર રૂપિયા આપવાના છે એમ રોફથી કહે છતાં સામેવાળો ના ન કહી શકે. અરે ! તરત જ પૈસા આપી દે. પછી ભલે તેની ગેરહાજરીમાં તેને ખુબ ગાળો આપે ! પણ તેની સામે તો કાંઈ જ કહી ન શકે.
આવી વ્યક્તિઓનો રૂઆબ એટલો બધો હોય કે કોઈ તેની સામે બોલી ન શકે. અરે ! તેની હાજરીમાં મોટા અવાજે બોલતાં પણ બધાને ડર લાગે. આપસમાં ખૂબ ધીમા અવાજે વાત કરે પણ જોરથી બોલવાની કોઈની હિંમત ન ચાલે.
પરાઘાત નામકર્મના પ્રબળ ઉદયવાળી વ્યક્તિ મુનિમ હોય, કોઈની આશ્રિત હોય તો ત્યાં પણ તેનું વર્ચસ્વ ઘણું હોય, તેના શેઠને તે પ્રિય હોય. શેઠ પણ તેની વાતો સાંભળતા હોય -સ્વીકારતા હોય. વાતે-વાતે તેની સલાહ લેતા હોય. તેને નાખુશ કરવા શેઠ પણ તૈયાર ન હોય. આ બધો પ્રભાવ પ્રબળ પરાઘાત નામકર્મના ઉદયનો છે.
પણ જો નબળું પરાઘાત નામકર્મ ઉદયમાં હોય તો અબજો રૂપીયાના આસામીની પણ કોઈ નોંધ ન લે. તેની વાતને કોઈ ગણકારે પણ નહિ. અનેકોની મશ્કરીનું તે પાત્ર બનતો હોય. તેનો કોઈ રૂઆબ પડતો ન હોય. તેની વાતની બધા ઉપેક્ષા કરતા હોય. બધાની વચ્ચે ઠેકડી ઉડાડતાં હોય, છતાં ય તે કાંઈ કરી શકે નહિ કે કહી શકે નહિ! કહે તો તેનું કાંઈ ઉપજે પણ નહિ.
પ્રબળ પરાઘાત નામકર્મના ઉદયવાળી વ્યક્તિ પોતાનું ધાર્યું કરાવી શકે છે. પોતાના વિચારો અનેકોના હૃદયમાં ફીટ કરી શકે છે. નેતૃત્વ આપીને લોકોને માર્ગ ચિંધી શકે છે. પણ આ પરાઘાત નામકર્મનો પ્રબળ ઉદય સજ્જનો કે સંતોને જ હોય તેવો નિયમ નથી. દુષ્ટ વ્યક્તિઓને પણ આ પરાઘાત નામકર્મનો પ્રબળ ઉદય હોઈ શકે છે. તેવી વ્યક્તિઓ પોતાના આ પરાઘાત નામકર્મના પ્રબળ ઉદયનો દુરુપયોગ કરે છે. તેનાથી સમાજને દેશને ઘણું નુકશાન થાય છે.
આવી વ્યક્તિઓ પોતાનો સ્વાર્થ સાધવાનો પ્રયત્ન કરતી હોય છે. તે માટે બીજી બધાને મુશ્કેલીમાં મૂકવામાં તેમને હિચકચાટ થતો નથી. ગમે તેવા ખરાબ કાર્યો કરવા
કર્મનું કમ્યુટર ભાગ-૩ માં
| SR No. | 008957 |
| Book Title | Karmanu Computer Part 2 3 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 226 |
| Language | Gujarati |
| Classification | Book_Gujarati & Karma |
| File Size | 5 MB |