Page Text
________________
(૯) પ્રભાવ
(૨) પરાઘાત નામકર્મઃ ક્લાસરૂમમાં અનેક વિદ્યાર્થીઓ ભણતાં હતા. એક શિક્ષક પીરીયડ લેવા આવ્યા પણ છોકરાઓ તેમની વાત સાંભળવા પણ તૈયાર નહિ. વાતો કર્યા કરે. પરસ્પર તોફાન - મસ્તી પણ ચાલુ. ભણાવનાર શિક્ષકની વાતો તો ન ગણકારે પણ તેમની મશ્કરી પણ કરે. તે શિક્ષક પણ કંટાળીને પોતાનો પીરીયડ પૂરો કરી દેતાં. તેમને પણ મજા નહોતી આવતી. વારંવાર તે વિદ્યાર્થીઓની ફરિયાદ કરી સિવાય તેમની પાસે કોઈ વિકલ્પ રહેતો નહોતો.
તે જ વિદ્યાર્થીઓ જયારે તેમના ક્લાસમાં બીજા એક શિક્ષક ભણાવવા આવતાં, ત્યારે શાંત થઈ જતા. જરાય ધમાલ-મસ્તી કરતા નહિ. અરે ! શિક્ષક આવતા પહેલાં જ તેઓ ડાહ્યા -ડમરા બની જતા. આખો પીરીયડ શાંતિથી સાંભળતા. આ શિક્ષક પ્રત્યે બધાને માન પણ જાગતું. અરે! પ્રિન્સીપાલ પોતે પણ તેમની વાત આદરથી સાંભળતા.
મનમાં સવાલ થાય કે વિદ્યાર્થીઓ તો તેના તે જ છે, છતાં બે શિક્ષકો પ્રત્યેના તેમના અભિગમમાં ફરક કેમ? જૈન શાસનનું કર્મ વિજ્ઞાન એનો જવાબ આપતા કહે છે કે બીજા શિક્ષકનું પરાઘાત નામકર્મ પ્રબળ હતું.
દરેક વ્યક્તિનું પરાઘાત નામકર્મ જુદા જુદા પ્રકારનું હોય છે. જેનું પરાઘાત નામકર્મ પ્રબળ હોય તેનો પ્રભાવ ઘણો ફેલાય. તેને જોતાં લોકો ઝુકવા લાગે. તેની વાતને જલ્દીથી સ્વીકારી લે. તેના ગુણગાન ગાયા કરે. તેના અસ્તિત્વ માત્રથી લોકો શિસ્તમાં આવી જાય. તેની વાતનો વિરોધ કરવાની સામેનાની હિંમત ન ચાલે. તેની સાથે લડવા આવેલો તેનો ભક્ત બની જાય. આ બધો પ્રભાવ છે. પ્રબળ પરાઘાત નામકર્મના ઉદયનો!
- જે વ્યક્તિનું પરાઘાત નામકર્મ નબળું હોય તેનો પ્રભાવ ન પડે. કોઈ તેનાથી અંજાય નહિ. તેની વાતનો વિરોધ નાનો છોકરો પણ કરવા લાગે. પોતાની વાતનો તે અમલન કરાવી શકે. પ્રથમ શિક્ષકનું પરાઘાત નામકર્મનબળું હોવાના કારણે વિદ્યાર્થીઓ શાંત રહેવાના કે તેમની વાત સ્વીકારવાના બદલે તેમની મશ્કરી કરતા હતા.
જે વ્યક્તિને આ પરાઘાત નામકર્મનો ઉદય ખૂબ પ્રબળ હોય તે વ્યક્તિનો સ્વભાવ ખરાબ હોય તો ય તેનું નાવ રેતીમાં ય સડસડાટ દોડે. તે વ્યક્તિ વાતવાતમાં કોઈનું અપમાન કરી દે, તોછડાઈભર્યો વ્યવહાર કરે, તોય લોકો તેની સામે તો કે ચાન કરે. હા! તેની ગેરહાજરીમાં લોકો તેની નિંદા - ટીકા કરે તેવું બને. તેનો વિરોધ પણ કરે.
૪ ૬૪ જો કર્મનું કમ્યુટર ભાગ-૩ ૪
| SR No. | 008957 |
| Book Title | Karmanu Computer Part 2 3 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 226 |
| Language | Gujarati |
| Classification | Book_Gujarati & Karma |
| File Size | 5 MB |