Page Text
________________
દેવવંદન, જિનપૂજા, અસત્યત્યાગ, નવકારવાળીનો જાપ, તે તે પદની પ્રશંસા - ગુણગાન, છેલ્લે ઉજમણું વગેરે.
વીસસ્થાનક તપની આરાધના કરતી વખતે જેમ ઉપરોક્ત વાતોનું પાલન કરવું જોઈએ, તેમ સાથે સાથે વિશ્વના સર્વજીવોને તારી દેવાની ભાવના પણ ઉછળવી જોઈએ. સ્વાર્થનું વિલોપન કરવું જોઈએ. પરાર્થરસિક બનવું જોઈએ. સતત બીજાનો વિચાર કરવો જોઈએ. જાતનું ગુમાવીને પણ જગતનું કલ્યાણ કરવા તત્પર થવું જોઈએ.
વિશ્વના જીવમાત્રને તારવાની ભાવના સાથે ઉપરોકત વીસસ્થાનક કે તેમાંના કોઈપણ ૧- ૨ પદોની આરાધના કરવાથી પૂર્વના ત્રીજા ભવમાં તીર્થંકરનામકર્મ બંધાય છે, નિકાચિત થાય છે.
શ્રેણિક મહારાજા ધર્મ પામ્યા નહોતા ત્યારે શિકાર કરીને તેમણે નરકગતિનું આયુષ્ય નિકાચિત બાંધી દીધું હતું. પણ ત્યાર પછી પરમપિતા પરમાત્મા મહાવીરદેવનો સત્સંગ થતાં તેમના જીવનનું જોરદાર પરિવર્તન થયું હતું. તેઓ પરમાત્માના પરમભક્ત બન્યા હતા. તેમના રોમે રોમે પ્રભુભક્તિ, પ્રભુ પ્રત્યેનો બહુમાનભાવ ઉછળતો હતો. તેમની આ અરિહંતપદની આરાધનાએ તીર્થંકર નામકર્મ બંધાવ્યું. પરિણામે તેઓ ત્રીજા ભવે તીર્થકર ભગવાન બનવાના છે.
શ્રેણિક તરીકેના પૂર્વના ત્રીજા ભવમાં તીર્થકર નામકર્મ બાંધીને તેઓ પછીના ભવમાં પહેલી નરકમાં ગયા છે. ત્યાં ૮૪000 વર્ષનું આયુષ્ય હાલ ભોગવી રહ્યા છે. દુઃખોને પ્રસન્નતાપુર્વક સહન કરીને અનંતાનંત પાપકર્મો ખપાવી રહ્યા છે. નરકગતિ પણ તેમના માટે તો પાપકર્મોના નાશની સાધનાનું મંદિર બન્યું છે. સમ્યગ દર્શનની હાજરી હોવાથી ત્યાં તેઓ દુઃખમાં દીન બનતાં નથી. પરમાધામીઓની પણ કરુણા ચિંતવે છે. નરકનું આયુષ્ય પૂર્ણ કરીને છેલ્લા ભવમાં તીર્થકર રૂપે તેઓ આ ભરતક્ષેત્રમાં પધારશે.
આ અવસર્પિણીનો પાંચમો તથા છઠ્ઠો આરો પુર્ણ થયા પછી આવનારી ઉત્સર્પિણીનો પહેલો - બીજો આરો પુર્ણ થશે ત્યારે ત્રીજા આરાના સાડા ત્રણ વર્ષને આઠ મહિના પસાર થતાં તેઓ જન્મ લેશે. પદ્મનાભ સ્વામી નામના પ્રથમ તીર્થંકરભગવંત બનશે. દીક્ષા લઈને કેવળજ્ઞાન પામશે ત્યારે શ્રેણિકકરાજા તરીકેના ભવમાં બાંધેલું તે તીર્થંકર નામકર્મ ઉદયમાં આવશે. ચતુર્વિધ સંઘની તેઓ સ્થાપના કરશે. ઉત્સર્પિણીકાળમાં મોક્ષમાર્ગની શરૂઆત કરશે. સર્વત્ર ધર્મનો પ્રસાર કરશે. અનેક આત્માઓને સાચા સુખની કેડી બતાડશે. મોક્ષ સુખના ભોક્તા બનાવશે. તીર્થકર નામકર્મની--પૂર્વના ત્રીજા ભવે -નિકાચના કર્યા પછી તે આત્મા કાળધર્મ
૬૧ કર્મનું કમ્યુટર ભાગ-૩ માં
| SR No. | 008957 |
| Book Title | Karmanu Computer Part 2 3 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 226 |
| Language | Gujarati |
| Classification | Book_Gujarati & Karma |
| File Size | 5 MB |