Karmanu Computer Part 2 3

SR No.: 008957
Original Sutra Author: N/A
Author: Meghdarshanvijay
Publisher: Akhil Bharatiya Sanskrutirakshak Dal
Total Pages: 226
Language: Gujarati
Classification: Book_Gujarati & Karma
File Size: 5 MB

Page 142

(૬) ટ્રાફીક વ્યવસ્થા
(૧૪) આનુપૂર્વી નામકર્મ :- આપણી દુનિયામાં જીવો હાથીની મલપતી ચાલે કે કાગડાની વિચિત્ર ચાલે ભલે ગતિ કરતાં હોય, પણ તેમને ગતિ કરવા માટે સ્પેશ્યલ રસ્તાઓ છે. ક્યાંક નાની કેડીઓ છે. ક્યાંક મોટા રોડ તો ક્યાંક નાની નાની પગદંડીઓ છે.
વળી નિશ્ચિત જગ્યાએ જવા માટે રસ્તામાં માર્ગદર્શક બોર્ડ હોય છે. ગમનાગમન વ્યવહારનું નિયમન કરવા ટ્રાફીક પોલીસ અને સીગ્નલ વ્યવસ્થા પણ હોય છે, જેના કારણે એક્સિડન્ટ થતાં નથી. જેમણે જ્યાં જવું હોય ત્યાં તેઓ સુખપૂર્વક જઇ શકે છે. માનવે પોતાની બુદ્ધિનો ઉપયોગ કરીને માનવો તથા વાહનોના ગમનાગમન માટે વ્યવસ્થાતંત્ર ગોઠવી દીધું છે, જેના કારણે બધો વ્યવહાર સરળતાથી ચાલે છે. છતાં ય ક્યારેક કોઇ ભૂલો પડે છે. ખોટા રસ્તે વળી જાય છે. કોઇકને એક્સિડન્ટ પણ થાય છે. ક્યારેક સીગ્નલ બગડી જાય છે. ચાલનાર કે વાહન ચલાવનાર ક્યાંક ચૂકી જાય છે. તેવા પ્રસંગોએ કોઇક ગરબડો પણ થઇ જાય છે. આ બધા આપણા બધાના અનુભવો છે.
તેથી મનમાં પ્રશ્ન પેદા થાય કે આપણો આત્મા એક ભવમાંથી બીજા ભવમાં જ્યારે જાય ત્યારે તે ક્યા રસ્તે જાય ? તે ક્યા વાહનમાં જાય ? તેણે જ્યાં જવાનું હોય ત્યાં તે કેવી રીતે પહોંચી જાય ? તે વચ્ચેથી ખોટા રસ્તે વળી ન જાય? એકી સાથે અનંતા આત્માઓ એક ભવમાંથી બીજા ભવમાં જાય તો તેઓ પરસ્પર અથડાઇ ન જાય ? ત્યાં કોઇ ટ્રાફીક પોલીસ જેવી વ્યવસ્થા છે કે નહીં?
મર્યાં પછી બીજા ભવમાં જવા રૂપ તથા પૂર્વભવમાંથી નવા ભવમાં જન્મ લેવા આવવા રૂપ ગમનાગમન વ્યવહારનું સફળતાપૂર્વક સંચાલન કોણ કરે છે ? શું કોઇવાર એક્સિડન્ટ થાય કે નહીં ? થાય તો આત્મા મરી જાય? તેને કોઇ ફેકચર થાય ? તેની સારવાર માટે હોસ્પીટલની જરૂર ખરી ? તે કયાં હોય? ત્યાં તેને કોણ લઇ જાય ? આવા ઢગલાબંધ સવાલો આપણને પેદા થાય તો પણ મુંઝાવાની જરાય જરૂર નથી કારણ કે આપણને અદ્ભૂત જિનશાસન મળ્યું છે. સચરાચર સૃષ્ટિના સમર્થ જ્ઞાતા સર્વજ્ઞ ભગવંત મળ્યા છે. કેવળજ્ઞાનના પ્રકાશ દ્વારા તેમણે જોયેલી વાતો જણાવનારું તત્ત્વજ્ઞાન મળ્યું છે. હવે આપણે શું ચિંતા કરવાની ?
જો જિનશાસનના અદ્ભૂત તત્ત્વજ્ઞાનને સ્પર્શીએ તો કોઇ મુંઝવણ ઊભી ન કર્મનું કમ્પ્યુટર ભાગ-૩
૪૩