Page Text
________________
સમતાના સાગર જણાય છે. શાંતિના સમ્રાટ જણાય છે. દુ:ખનું નામ નિશાન જણાતું નથી. સુખના સાગરમાં ડૂબેલા જણાય છે. સાક્ષાત શુદ્ધિના સરવરીયાને સામે જોઈને દઢપ્રહારી તેઓના ચરણોમાં ઝૂકી ગયો. બનેલા પ્રસંગને જણાવીને પોતાનાં પાપો બદલ ચોધાર આંસુએ તે રડવા લાગ્યો. જીવનને શુદ્ધ બનાવવાનો રસ્તો તે પૂછવા લાગ્યો.
મુનિવરે સંયમજીવનનો ઉપદેશ આપ્યો. પાપની શુદ્ધિ માટે ચારિત્ર સહિતના તપની વાત કરી. પ્રતિબોધ પામેલા તેણે મુનિશ્રી પાસે સંયમજીવન સ્વીકાર્યું.
ડાકુ દઢપ્રહારી હવે સાધુ દઢપ્રહારી બન્યો. પાપના ઊભરતા પશ્ચાત્તાપે તેમના હૃદયમાં શુદ્ધિની તલપ લગાડી.
જલદીથી શુદ્ધિ મેળવવા તેમણે પ્રતિજ્ઞા કરી કે, જયાં સુધી મને મારા પાપો યાદ આવ્યા કરે અથવા તો કોક મને મારા પાપો યાદ કરાવે ત્યાં સુધી મારે આહાર-પાણી કરવા નહિ.
પ્રતિજ્ઞા કરીને, ગામની બહાર તેઓ કાયોત્સર્ગ ધ્યાનમાં લીન બન્યા. રસ્તે જતા-આવતા લોકો તેમને જોઈને ક્રોધથી ગાળો આપતા.... - આણે મારી પત્નીને મારી નાંખી છે. પકડો આને, આણે જ મારી મિલકત લૂંટી લીધી છે વગેરે વાક્યો બોલીને દઢપ્રહારી ઉપર પ્રહારો કરતા.
પરંતુ મુનિવર દૃઢપ્રહારી તો સમતારસનું પાન કરતા હતા. પોતાના પાપો બદલ પશ્ચાત્તાપ કરતા હતા. આવતા દુ:ખોને-વચન પરિષહને-સમતાભાવે સહન કરતા હતા. બધાને ક્ષમાના પાણી છાંટતા હતા. ક્રોધનું નામનિશાન નહોતું. બધું જ ક્ષમાથી સહન કરતાં પુષ્કળ શાતા વેદનીયકર્મ બંધાયું.
લગાતાર છ મહિના સુધી ક્ષમાધર્મમાં લીન બનીને તેઓએ કેવળજ્ઞાન પ્રાપ્ત કર્યું. પોતાના આત્માનું કલ્યાણ સાધી લીધું. - પેલા મેઘકુમારે પણ પૂર્વના હાથીના ભાવમાં સસલાની દયા ચીંતવી. આ જીવદયાના પ્રભાવે પુષ્કળ શાતાવેદનીયકર્મ બાંધ્યું. શ્રેણિક મહારાજાના પુત્ર મેઘકુમાર તરીકે જન્મ્યા. પુષ્કળ શાતા મેળવી. પરમાત્મા મહાવીરદેવના શિષ્ય બનીને સાધુઓના સાચા સેવક બન્યા,
મહાબળરાજા વ્રતનું પાલન કરીને, શાતા વેદનીય બાંધી દેવલોકના સુખના ભોકતા બન્યા.
ઓલો સંગમ નામનો રબારી ! માસક્ષમણના તપસ્વી મુનિવરને, રડીને પોતાના માટે બનાવરાવેલી ખીરને
વેદનીયકર્મ p. oo
| SR No. | 008956 |
| Book Title | Karmanu Computer Part 1 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 188 |
| Language | Gujarati |
| Classification | Book_Gujarati & Karma |
| File Size | 4 MB |