Karmanu Computer Part 1

SR No.: 008956
Original Sutra Author: N/A
Author: Meghdarshanvijay
Publisher: Akhil Bharatiya Sanskrutirakshak Dal
Total Pages: 188
Language: Gujarati
Classification: Book_Gujarati & Karma
File Size: 4 MB

Page 85

એક વાર કોક ગામ ઉપર તે ત્રાટક્યો. લોકોમાં નાસભાગ થવા લાગી. તે પહોચ્યો કોક ગરીબ બ્રાહ્મણના ઘરમાં...તપાસ ઘણી કરી પણ ગરીબના ઘરમાં તેને મળે છે?
બાળકો માટે બનાવાયેલી ખીર તરફ તેનું ધ્યાન ગયું. ખીરનું પાત્ર લઈને તે ભાગ્યો. રડતાં બાળકો તેની પાછળ દોડવા લાગ્યા. નદીએ સ્નાન કરીને પાછા ફરતાં બ્રાહ્મણે ખીરનું પાત્ર લઈને જતાં દૃઢપ્રહારીને અને તેની પાછળ ખીર વિના રડતાં ટળતાં પોતાનાં બાળકોને જોયાં. તેનાથી પોતાના પુત્રોનું દુઃખ ન જોઈ શકાયું. તે દૃઢપ્રહારી પાછળ મારવા દોડયો. દૃઢપ્રહારી સામે બિચારા આ બ્રાહ્મણની તાકાત કેટલી ? એક ઘા ને બે ટુકડા ! દઢપ્રહારીના પ્રહારે બ્રાહ્મણને લોહીલુહાણ બનાવી દીધો !
તેટલામાં બ્રાહ્મણની ગર્ભવતી પત્નીએ આ દશ્ય જોયું. તેનાથી ના રહેવાયું આક્રોશભર્યા શબ્દો તે દૃઢપ્રહારીને કહેવા લાગી. દૃઢપ્રહારીથી શી રીતે આ કડવા શબ્દો સહન થાય? માર્યો ઘા અને લોથપોથ થઈ ગઈ બ્રાહ્મણીની કાયા ! પેટ તેનું ફાટી ગયું. દઢપ્રહારીના શસ્ત્ર બ્રાહ્મણીના ગર્ભને પણ છોડ્યો નહોતો. અંદર રહેલ ગર્ભ ચીસાચીસ કરતો બહાર પડયો. ક્ષણમાં ખતમ થઈ ગયો.
દૃઢપ્રહારી હવે નાશી રહ્યો છે, પણ તે બ્રાહ્મણના ત્યાં ઊછરેલી ગાય તેના રસ્તામાં વચ્ચે આવી. ક્રોધથી આંધળા બનેલા દૃઢપ્રહારીને વળી ગાયની તે દયા આવતી હશે? તલવારના એક જ ઝાટકે તેણે ગાયના બે ટુકડા કરી નાખ્યા.
આજે એક જ જગ્યાએ તેનાથી થઈ ગઈ ત્યારે ચાર પ્રકારની હત્યા (૧) બ્રહ્મહત્યા (૨) ગૌહત્યા (૩) સ્ત્રી હત્યા (૪) ભૃણ (ગર્ભ) હત્યા. ક્રૂરતાભરેલી ચાર ચાર હત્યાના આ ભયાનક દૃશ્યને જોઈને બ્રાહણના બાળકો અતિ કરુણ આક્રંદ કરવા લાગ્યાં.
તેમના છાતી ફાટ રુદને દઢપ્રહારીને અટકાવ્યો. તેણે પાછળ નજર કરી. ચારેને લોહીલુહાણ હાલતમાં નિહાળ્યાં.... ચાર ચાર હત્યાએ દૃઢપ્રહારીને આજે ઊંડા વિચારમાં ગરકાવ કરી દીધો. પોતે કરેલી આ ચાર હત્યાઓ અને નિર્દોષ તથા માસૂમ બાળકોની પેદા થયેલી દયનીય પરિસ્થિતિએ તેનામાં પશ્ચાત્તાપના પાવક અગ્નિને પ્રદીપ્ત કર્યો. હૈયામાં પસ્તાવો પુષ્કળ થવા લાગ્યો.
ગામ બહાર પહોંચ્યો તો ખરો... પણ તેનું મન બેચેન છે.... ઉચાટમાં છે.... ઉદ્વિગ્ન છે. કયાં ય શાંતિ નથી. પસ્તાવાનો પાર નથી. ત્યાં સામે મળ્યા જૈન મુનિરાજ. મુખ ઉપર પ્રસન્નતા ઊભરાઈ રહી છે. લલાટ ઉપર તેજ ઝગારા મારી રહ્યું છે.
૦૬ ] કર્મનું કમ્યુટર