________________
તો...દુઃખ આપનારા ખરાબ કર્માણુઓના શાંતિકાળમાં કરેલું એકાદ સુંદર કાર્ય પણ કદાચ ભાવિમાં જાગનારી ભયંકર આપત્તિઓને ચિનગારી ચાંપીને ખતમ કરી નાંખે.”
જૈન શાસનના કર્મવાદને બરોબર સમજીને સદાચારના પંથે પ્રયાણ કરવાનું. તપ-જપની સાધના કરવાની. બહ્મચર્યનું પાલન કરવાનું. સદ્દગુરુની સેવામાં પરાયણ રહેવાનું. પરમાત્માની ભાવભરી ભક્તિ કરવાની. સર્વજીવો સુખી થાય તેવી સતત ભાવના ભાવવાની.
ભૂતકાળમાં જે અગણિત ભૂલ થઈ ગઈ છે, અને તે વખતે જે કર્માણુઓ આત્મા ઉપર ચોંટ્યાં છે, તેનો જયાં સુધી શાન્તિકાળ ચાલે છે, ત્યાં સુધીમાં તે કર્માણુઓ દ્વારા આવનારી ભયાનક હોનારતને દૂર કરવા કે છેવટે તેને હળવી બનાવવા માટે મળેલા આ માનવજીવનની પ્રત્યેક પળને ઉત્તમ વૃત્તિ-પ્રવૃત્તિથી ભરી દેવી જોઈએ
શાંતિકાળમાં ફેરફાર ન કરી શકાય તેવા કર્માણુઓ બહુ ઓછા હોય છે. કારણ કે તેવા કર્માણુઓ બંધાવનારા તીવ્ર ભાવો આપણને ક્વચિત્ જ આવતા હોય છે. બાકીના મોટા ભાગના કર્માણુઓના શાન્તિકાળમાં ફેરફાર શક્ય હોવાથી આજથી જ તેવો ફેરફાર કરાવનારો પુરુષાર્થ સતત કરવાનું શરૂ કરી દેવું જોઈએ.
જૈન શાસનના કર્મવાદને જેઓ બુદ્ધિસાત્ કરે છે, તેને પુરુષાર્થવાદ આત્મસાત્ થાય છે.
આઠ કરણ ૩ ૧૫
