Karmanu Computer Part 1

SR No.: 008956
Original Sutra Author: N/A
Author: Meghdarshanvijay
Publisher: Akhil Bharatiya Sanskrutirakshak Dal
Total Pages: 188
Language: Gujarati
Classification: Book_Gujarati & Karma
File Size: 4 MB

Page 173

આપવાના સ્વભાવવાળા બની જશે ! - દુઃખ દેવાના સ્વભાવવાળા કેટલાક કર્માણુઓ જો તારી સદાચારિતાના ઝપાટામાં પૂરેપૂરા ન આવી જાય તો તેનો દુ:ખ આપવાનો સ્વભાવ ભલે ઊભો રહે, પરંતુ તારા જીવનની સુંદર આરાધનાના પ્રતાપે તેની સ્થિતિમાં તો ફરક પડી જશે, વીસ વર્ષ સુધી દુઃખ આપવાના બદલે હવે તે કર્માણુઓ કદાચ બે જ વર્ષ દુઃખ આપીને અટકી જશે.
વળી ધર્મની આરાધનાનો પ્રભાવ જ એવો વિશિષ્ટ છે કે જેના કારણે તે કર્માણુઓ જોરદાર ચીસો પડાવનારું દુઃખ લાવવાને બદલે હવે હળવું દુ:ખ આપીને ચાલ્યા જશે.”
આમ, કર્મવાદ ખરાબ કામ કરનારની થઈ ગયેલી ઘણીબધી ભૂલોને ધોઈ નાંખવાનો અને ઘણું સુંદર સદ્ભાગ્ય પામવાનો સરળ રસ્તો બતાવે છે.
તે કહે છે કે, ““સુખ દેવાના સ્વભાવવાળા કર્માણના શાંતિકાળમાં જો જીવ ધર્મારાધનાનો ભવ્યપુરુષાર્થ આદરે તો તે શુભ કર્માણુઓ વધુ બળવાન બને. લાખોપતિના જીવનનું સુખ આપવાનો તેનો સ્વભાવ હવે સંભવ છે કે અબજોપતિના જીવનનું સાત્ત્વિકતાપૂર્ણ સુખ આપે.”
તે જ રીતે જીવનના પૂર્વકાળમાં જેણે સદાચારિતાભરેલું જીવન જીવ્યું છે, પણ હવે પૈસો આવતાં કે ખરાબ મિત્રોની સોબતે જેનું જીવન વિલાસી અને દુરાચારી બન્યું છે, તેને આ કર્મવાદ ગાલ ઉપર તમાચો મારે છે.
કર્મવાદ કહે છે કે “ભૂતકાળના શુભ કર્માણુઓનો શાંતિકાળ પૂર્ણ થયો હોવાથી આજે તું મોજમજા કરી રહ્યો છે. પણ યાદ રાખજે કે ભૂતકાળમાં ધર્મમય જીવન અને સદાચારિતાના કારણે તે જે સુંદર કર્માણુઓ બાંધ્યાં છે, તેમાંના જેમનો શાંતિકાળ હાલ ચાલી રહ્યો છે, તેમાં તારી વર્તમાનકાળની દુષ્ટકરણીથી ધરખમ ફેરફાર થઈ જશે. જે સુખ આપવાના સ્વભાવવાળા કર્માણઓ છે તે તારી વર્તમાનની દુષ્ટકરણીથી દુઃખ આપવાના સ્વભાવાળા બની જશે. વળી એવું પણ બને કે જો તારાં દુષ્ટ કાર્યોમાં તને વધુ આનંદ આવે તો તે કર્માણુઓ વધુ સમય સુધી, વધુ ચીસો પડાવે તેવું દુ:ખ આપનારા બની જાય.
ભૂતકાળના તે શુભ કર્માણુઓ કદાચ તેનો સુખ આપવાનો સ્વભાવ ચાલુ રાખે તો ય હવે ખૂબ જ સામાન્ય પ્રકારનું ઓછા કાળનું સુખ આપીને અટકી જશે.”
આમ, જૈન શાસનનો કર્મવાદ કહે છે કે ““સારા કર્માણુઓના શાંતિકાળમાં થતી આત્માની એકાદ ભૂલ, જીવનની ધરખમ કમાણીને ધૂળમાં મેળવી દે.
૧૬૪
] કર્મનું કમ્યુટર