________________
પાંચે મિત્રોએ ભેગા થઈને જયેશને પરલોક પહોંચાડી દેવાનું નક્કી કર્યું. ખરેખર તો દુશ્મનાવટને ખતમ કરવી જોઈએ. દુશ્મનને ખતમ કરવાથી શું વળે ?
પણ જૈન શાસનના તત્ત્વજ્ઞાનને નહિ સમજેલા તે પાંચે મિત્રોએ પરસ્પર વિચારણા કરીને, પોતાની રીતે એક યોજના ઘડી કાઢી.
પરિણામે જયેશ ખરેખર યમસદન પહોંચી ગયો.
કોર્ટમાં કેસ ચાલ્યો. જજે જજમેન્ટ આપ્યું, જેમાં તેમણે રમેશ તથા મહેશને છ વર્ષની જેલ સહિત ફાંસીની સજા ફરમાવી તથા સુરેશ, નરેશ અને પરેશને રોજ ૧૦૦-૧૦૦ હન્ટરના ફટકા સહિત બે વર્ષની જેલની સજા ફરમાવી.
પરંતુ કોર્ટના આ ચુકાદાથી તેમને સંતોષ ન થયો. ઉપલી કોર્ટમાં જવાનું નક્કી કર્યું.
ઉપલી કોર્ટમાં લાંબા સમય સુધી કેસ ચાલ્યો બંને પક્ષની વાતો સાંભળ્યા પછી, નીચે પ્રમાણે ચુકાદો આવ્યો.
(૧) સુરેશની રોજ ૧૦૦-૧૦૦ હેન્ટરના ફટકા સહિતની બે વર્ષની જેલની સજા નીચલી કોર્ટે જે ફટકારી હતી, તે કેન્સલ કરીને તેને નિર્દોષ જાહેર કરવામાં આવ્યો
(૨) પરેશનો ગુનો વધારે જણાતાં, નીચલી કોર્ટે તેને જે રોજ ૧૦૦-૧૦૦ ફટકા સહિતની બે વર્ષની સજા કરી હતી, તે વધારીને ૨૦૦-૨૦૦ ફટકા સહિત પાંચ વર્ષની જેલની સજા જાહેર કરવામાં આવી.
(૩) નરેશનો વાંક ઓછો લાગતાં, નીચલી કોર્ટે તેને જે ૧૦૦-૧૦૦ ફટકા સહિતની બે વર્ષની સજા કરી હતી, તે ધટાડીને ૫૦-૫૦ ફટકા સહિતની છ માસની જેલની સજા જાહેર કરી.
(૪) રમેશ અને મહેશ મુખ્ય ગુનેગાર તરીકે ફરી સાબિત થતાં, તેમની છ વર્ષની જેલ સહિત ફાંસીની સજા ઉપલી કોર્ટે પણ ચાલુ રાખી.
પરંતુ રમેશ અને મહેશને આ સજા માન્ય નહોતી. તેઓ હાઈકોર્ટમાં ગયા. હાઈકોર્ટ પૂર્વેની કોર્ટના ચુકાદામાં ફેરફાર કરી શકવાની શક્તિ ધરાવતી હોવા છતાંય પુરાવાને આધારે તે બંને ગુનેગાર સાબિત થતા હોવાથી હાઈકોર્ટે તેમની તે સજામાં કોઈ જ ફેરફાર ન કર્યો.
છ મહિનાની જેલની સજા ભોગવતા નરેશનું સુંદર વર્તન જોતાં. તેણે કરેલી અરજી સ્વીકારીને કોર્ટે તેને પેરોલ ઉપર વચ્ચે એક મહિના માટે છૂટો કર્યો. એક
૧૫૬ : કર્મનું કમ્યુટર
