Karmanu Computer Part 1

SR No.: 008956
Original Sutra Author: N/A
Author: Meghdarshanvijay
Publisher: Akhil Bharatiya Sanskrutirakshak Dal
Total Pages: 188
Language: Gujarati
Classification: Book_Gujarati & Karma
File Size: 4 MB

Page 157

તે જ રીતે જે કર્મો તીવ્રપણે પોતાનો પરચો બતાડવાના સ્વભાવવાળા છે, તે કર્મોની તીવ્રતામાં પણ ઘટાડો શાંતિકાળ દરમ્યાન થઈ શકે છે. તો ક્યારેક તે તીવ્રતામાં વધારો પણ થઈ શકે છે.
આત્મામાં પ્રત્યેક સમયે જુદા જુદા ભાવો (અધ્યવસાયો) પેદા થાય છે તેમાંના કેટલાક ભાવો એવા છે કે જે શાંતિકાળમાં રહેલાં કર્મોના સમયમાં અને તેની તીવ્રતામાં વધારો કરવાનું કામ કરે છે. તે અધ્યવસાયોને) શાસ્ત્રમાં (૪) ઉદ્વર્તનાકરણ નામ આપેલ છે.
વળી જે ભાવો શાંતિકાળમાં રહેલા કર્મોના સમયમાં અને તેની તીવ્રતામાં ઘટાડો કરવાનું કામ કરે છે, તે અધ્યવસાયો (૫) અપવર્તનાકરણ તરીકે ઓળખાય છે.
સાધુ ભગવંતને વહોરાવવાનું કે પરમાત્માની સ્વદ્રવ્યથી અષ્ટપ્રકારી પૂજા કરવાનું સુંદર કાર્ય કર્યું. તે કરવાથી પાંચ વર્ષ પછી ૨૫ વર્ષ સુધી લાખોપતિ બનાવે તેવું પુણ્ય બંધાયું. હજુ પાંચ વર્ષ સુધીનો શાંતિકાળ ચાલી રહ્યો છે. તે દરમ્યાન તે આત્મા પોતે કરેલા આ સુંદર ધર્મકાર્યની ભરપેટ અનુમોદના કરે છે. વારંવાર આવા સુંદર કાર્યો કરવાની ભાવના ભાવે છે.
તેનાથી શાંતિકાળમાં રહેલા તે કર્મનો વિપાકકાળ ૨૫ વર્ષના બદલે ૫૦ વર્ષનો થઈ ગયો. અને તેના ઉદયે લાખોપતિ બનવાના બદલે તેને કરોડપતિ કે અબજોપતિ બનાવવાનું નક્કી થયું.
આમ, આ કિસ્સામાં તેના પુણ્યના ઉદયનો સમય જેમ વધ્યો તેમ તેની તીવ્રતા પણ વધી.
શાલિભદ્ર પૂર્વભવમાં સંગમ હતો. તે ભવમાં તેણે ગરુભગવંતને ખીર ભાવથી વહોરાવી. તેમ કરવાથી તેણે શાતાવેદનીયકર્મ (શુભકર્મ) બાંધ્યું. પછી તેણે પોતે કરેલી-આ ગુરુભગવંતને ખીર વહોરાવવા રૂપ-ભક્તિની ભરપેટ અનુમોદના કરી.
અનુમોદનાના તેના ભાવ એટલા બધા ઊછળવા લાગ્યા કે જેના પરિણામે તેના પુણ્યકર્મની સમય અને તીવ્રતા વધતી જ ગઈ, વધતી જ ગઈ.
પરિણામે પછીના ભવમાં તે શાલિભદ્ર બન્યો. રૂપ રૂપની અંબાર, અપ્સરા સમાન ૩૨ કન્યાઓ સાથે તેનાં લગ્ન થયાં.
તે તથા તેની ૩૨ પત્નીઓ એમ કુલ ૩૩ વ્યક્તિઓ માટે ૩૩ પેટી ભોજનની, ૩૩ પેટી વસ્ત્રોની તથા ૩૩ પેટી આભૂષણોની; એમ રોજ ૯૯-૯૯ પેટીઓ દેવલોકથી આવવા લાગી. આજે વાપરેલાં વસ્ત્રો કે આભૂષણો કાલે નહિ વાપરવાના, પણ ગટરમાં ફેંકી દેવાનાં. કાલ માટે બધું જ નવું આવે.
૧૪૮ ] કર્મનું કપ્યુટર