Karmanu Computer Part 1

SR No.: 008956
Original Sutra Author: N/A
Author: Meghdarshanvijay
Publisher: Akhil Bharatiya Sanskrutirakshak Dal
Total Pages: 188
Language: Gujarati
Classification: Book_Gujarati & Karma
File Size: 4 MB

Page 154

(ઉદીરણાને) અટકાવવાના પ્રયત્નો કરવા સાથે દુઃખોને સામેથી વધાવીને પાપકર્મોની ઉદીરણા કરવાના પ્રયત્નો કરવા જોઈએ.
સાત સાત દીકરાની મા હોવા છતાંય એકે ય દીકરો પોતાના ખોળે ખૂંદનાર બની શક્યો નહોતો, તેથી દેવકી દુઃખી હતી. છેલ્લે ખોળે ખુંદનાર મળ્યો તેને આઠમો દીકરો ગજસુકુમાલ. ખરેખર અત્યંત સુંવાળી તેની કાયા હતી. માનો એ લાડકવાયો હતો. શ્રીકૃષ્ણનો તે લાડલો નાનો ભાઈ હતો. દોમ દોમ સાહ્યબીમાં તે ઊછર્યો હતો.
પણ પરમાત્મા નેમીનાથના સમવસરણમાં તે જઈ ચડ્યો. સંસારની અસારતાનું તેને ભાન થયું. સળગતા આ સંસારમાં એક ક્ષણ પણ રહી ન શકાય તે વાત સમજાઈ. અત્યંત નિષ્ફર અને ક્રૂર હોય તે જ વ્યક્તિ છકાય જીવોની કલેઆમ ચલાવતા આ સંસારમાં ક્ષણ માટે રહી શકે. તેની તો ઈચ્છા થઈ મોક્ષને પ્રાપ્ત કરવાની. સર્વ દુઃખો અને સર્વ કર્મોમાંથી મુક્ત બનવાની. તે માટે સર્વવિરતિ જીવન સિવાય કયો માર્ગ હોઈ શકે ? ભાવના જાગી દીક્ષા લેવાની. સાધુ જીવન જીવીને કર્મોનો બુકડો બોલાવવાની માતા દેવકી પાસે આરઝુ કરી રજા માંગી. સંયમપંથે જવાની અનુમતિ આપવા કાકલૂદી કરી.
માતાએ અનેકવિધ સવાલો કરીને તેના વૈરાગ્યની કસોટી કરી, કારણ કે વૈરાગ્ય વિના ત્યાગ લાંબો સમય ટકી શકતો નથી. ગજસુકુમાલના વૈરાગ્ય નિતરતા જવાબો સાંભળીને જૈન શાસનને પામેલી માતા દેવકી આનંદવિભોર બની ગઈ. ગજસુકુમાલને અંતરના આશિષ આપ્યા. તેના મોઢામાંથી જાણે કે શબ્દો સરી પડ્યા,
મુજને તજીને વીરા, અવર માત મત કીજે રે
કર્મનું ઈધણ બાળીને, મુક્તિ વહેલી લીજે રે....” હે બેટા ! આ સંસારમાં તું મને છેલ્લી મા બનાવજે. તમામ કર્મોને બાળી નાંખીને જલદી આ જ ભવમાં મોક્ષ પામજે. જેથી તારે ફરી જન્મ લેવો ન પડે. ફરી મા બનાવવી ન પડે. અને તારા જેવા મોક્ષગામી આત્માની છેલ્લી મા બનવાનું સદ્ભાગ્ય મને મળે.
મા હો તો આવી હોજો. જે દીકરાના આત્મકલ્યાણની ચિંતા કરે. આત્મકલ્યાણમાં સહાયક બને. તે માટે અંતરના ય અંતરથી આશિષ પાઠવે. પણ ધર્મારાધનામાં કદીય અટકાયત તો ન જ કરે.
પરમાત્મા નેમીનાથ ભગવાનના ચરણોમાં ગજસુકુમાલે જીવનને સમર્પિત કરી દીધું. પરમાત્માને કહે છે, હે પરમાત્મન્ ! મને એવી સાધના બતાવો કે જેથી મારો મોક્ષ થાય.
આઠ કરણ ૧૪૫