Karmanu Computer Part 1

SR No.: 008956
Original Sutra Author: N/A
Author: Meghdarshanvijay
Publisher: Akhil Bharatiya Sanskrutirakshak Dal
Total Pages: 188
Language: Gujarati
Classification: Book_Gujarati & Karma
File Size: 4 MB

Page 136

અને લાચારીને દૂર કરીને પુરુષાર્થનું શૂરાતન જગાડનાર છે.
આપણા આત્માને જયારે જયારે કામણ રજકણો ચોટે છે, ત્યારે ત્યારે તરત જ તે કાર્મણ રજકણો પોતાનો સ્વભાવ બતાડવાનું શરૂ નથી કરતી.
ધારો કે બીજા જીવોને ત્રાસ આપતાં આપણે જે કાર્મણ રજકણો બાંધી તે કાર્પણ રજકણોનો સ્વભાવ કેન્સરની ગાંઠ કરવાનો નક્કી થયો હોય અને તે રજકણો ૧૦૦ વર્ષ સુધી આત્માની સાથે રહેવાની છે તે તેનો કાળનિશ્ચય થયો હોય તોપણ તે રજકણો બંધાતાંની સાથે તરત જ કેન્સરની ગાંઠ ન કરે. થોડોક સમય તે રજકણો પોતાનો સ્વભાવ બતાવ્યા વિના શાન્ત બેસી રહે. ત્યાર બાદ જ તે પોતાના પરચા બતાડવા શરૂ કરે.
બે મિત્રો વચ્ચે, (કેરીનો) વધારે રસ કોણ પી શકે ? તેની સ્પર્ધા લાગી. એક મિત્રે પોતાના શરીરની ય દરકાર કર્યા વિના ઉપરાઉપરી રસ ગટગટાવવા માંડ્યો. અને પ્રથમ નંબરે આવ્યો.
રસ પીવામાં અતિરેક કર્યો હોવાના કારણે તેના પેટમાં વાયુ અવશ્ય પેદા થવાનો છે. પણ શું તે વાયુ તરત જ પેદા થાય ખરો?
ના, બે-અઢી કલાક તો તે રસ પેટમાં એમને એમ પડી રહે છે. ત્યાર પછી જ વાયુનું અજીર્ણ થાય છે.
કો’ક માણસે અન્ય કોઈનું ખૂન કરી દીધું. શું તેને તરત તેની સજા મળી જાય છે? ના, કોર્ટમાં કેસ ચાલે, હીયરિંગ થાય, પછી જજમેન્ટ મળે. જયાં સુધી જજમેન્ટ ના આવે ત્યાં સુધી તેના તે ગુનાની સજા તેને મળતી નથી.
બસ, આપણે બાંધેલાં કર્મોનું પણ તેવું જ છે. જે ક્ષણે બાંધ્યા તે જ ક્ષણે તેઓ પોતાનો સ્વભાવ બતાડવા માંડતાં નથી. થોડોક સમય તો શાન્ત પડ્યાં રહે છે. પછી જ પોતાનો પ્રભાવ બતાડે છે.
આ કર્મોને ટાઈમબોમ્બ જ સમજી લો ને! સવારના સાત વાગે કોઈક ટાઈમબોમ્બ ગોઠવ્યો, પણ તેમાં દસ વાગ્યાના સમયે તે ફૂટે તેવું એજસ્ટમેન્ટ કરેલું. તો હવે શું થાય? શું ગોઠવતાંની સાથે તરત જ તે ટાઈમબોમ્બ ફૂટે ? ના. ત્રણ કલાક તો તે બૉમ્બ એમ ને એમ જ પડ્યો રહેશે. જયારે બરોબર દસ વાગશે ત્યારે જ ફૂટશે. બરોબર ને?
આમ, ટાઈમબોમ્બ થોડો સમય શાન્ત પડી રહે, ત્યારબાદ તે પોતાનો પ્રભાવ બતાડે. તે રીતે કાર્મણ રજકણો પણ થોડો સમય આત્માની સાથે શાન્તપણે ચોટેલી. રહે. ત્યારપછી તે પ્રભાવ બતાડે.
કર્મોનો કાળ | ૧૨૦