Samaraditya Mahakatha Part 2

SR No.: 008951
Original Sutra Author: N/A
Author: Bhadraguptasuri
Publisher: Mahavir Jain Aradhana Kendra Koba
Publication Year: 2007
Total Pages: 507
Language: Gujarati
Classification: Book_Gujarati & Literature
File Size: 15 MB

Page 353

કોણ કરશે અમારો ન્યાય?' રાજા તાડૂક્યો. પ્રજા કરશે, મહાજન કરશે.' રાજા અને તેના ત્રણ મિત્રો હાથ ચોળતાં પડ્યાં રહ્યાં અને સેનાપતિ પોતાના સહાયક સાથે મહેલમાંથી બહાર આવી ગયા.
૦ ૦ ૦ રાજાને એના મહેલમાં જ નજરકેદ કરવામાં આવ્યો.
નગરશ્રેષ્ઠીની હવેલીમાં મહાજન અને મંત્રીમંડળ ભેગું થયું. સેનાપતિએ સમગ્ર ઘટના સ્પષ્ટ શબ્દોમાં કહી સંભળાવી, સૌ સ્તબ્ધ થઈ ગયા. સેનાપતિએ કહ્યું : “હવે આપ સહુની સમક્ષ, મહારાજાના આ પાપકાયના સાગરીતોને ઉપસ્થિત કરું છું. પૂર્વે પણ સ્વ. મહારાજાના સમયમાં આ જ ત્રણ સાગરિતો હતા કુમારના.” પોતાના સહાયક સૈનિકને ઇશારો કર્યો. તરત જ બાજુના ખંડમાંથી ઝેરીમલને, કોમળદત્તને અને કમલકાત્તને બહાર લાવવામાં આવ્યાં. ત્રણેને મજબૂત દોરડાઓથી બાંધેલા હતા. તેમના મોઢાં કાળાં પડી ગયાં હતાં. દષ્ટિ જમીન પર હતી.
નગરશ્રેષ્ઠીએ કહ્યું : “રે કુલાંગાર, કહો, તમે જ કહો, તમને શી સજા થવી જોઈએ?
ઉપ-સેનાપતિ ધવલે કહ્યું : “આ ત્રણે કાળા નાગ છે. મહારાજાને ખોટા રસ્તે ચઢાવનારા આ છેઆ ત્રણેને નગરની વચ્ચેના ચોકમાં શૂળી પર ચઢાવી દેવામાં આવે, તો આ નગરમાં કાયમ માટે શાન્તિ રહેશે અને મહારાજા સન્માર્ગે આવશે. જો મહાજને આ ત્રણને ક્ષમા આપી તો...'
ના, ના, આ દુષ્ટો ક્ષમાને પાત્ર જ નથી. એકસાથે સહુનો અવાજ ઊઠ્યો. સર્વાનુમતે આ ત્રણે અપરાધીઓને નગરના ચોકમાં શૂળી પર ચઢાવવાની સજા સંભળાવવામાં આવી.
બીજા જ દિવસે એ ત્રણેને શૂળી પર ચઢવી દેવામાં આવ્યા. રાજા વિજય ધ્રુજી ગયો. મહાજનની સત્તાનો એને ખ્યાલ આવી ગયો. મહાજને એને સંભળાવી દીધું : કાં તો તમે પ્રતિજ્ઞા કરો કે પ્રજાની મા-બહેનો અને દીકરીઓ ઉપર તમે કુદૃષ્ટિ નહીં કરો, કાં આ મહેલ, આ નગર છોડી ચાલ્યા જાઓ..'
રાજાએ કહ્યું : “બસ, પ્રતિજ્ઞા કરું છું. હવે જો ક્યારેય ભૂલ થાય તો મને કૂતરાના મોતે મારજો..”
વિજયકુમારના કાકા સામંત રાજાએ કહ્યું : “હવે, તમે વિલંબ કર્યા વિના વિજયને પરણાવી દો. એને જોઈએ તો ભલે આઠ કન્યાઓ સાથે પરણે કે બત્રીસ... પછી આવા ઉપદ્રવો નહીં થાય.' રાજા વિજય શરમાઈ ગયો.
એક સે .
શ્રી સમરાદિત્ય મહાકથા
૮૭