Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
મહારાજા, રાજમહેલના મુખ્ય પ્રવેશદ્વારમાં દાખલ થયા એટલે મહેલમાં જ પ્રવેશ કર્યો કહેવાય.’
પ્રભો, મારા પ્રમાદથી મને ઘણી શરમ આવે છે. તીવ્ર તપથી આપને કેટલી અને કેવી ઘોર શરીર-પીડા થતી હશે? ભગવંત, ખરેખર, એનાથી પણ અધિક પીડા હું અનુભવી રહ્યો છું.....” રાજાની આંખો ભીની થઈ.. આંસુ ઊભરાયાં.... ગગદ સ્વરે તે બોલ્યા :
મહાત્મનું, સંતાપની આગમાં હું બળી રહ્યો છું. મને લાગે છે કે મારું હૃદય બંધ પડી જશે... મારી વાણી સ્કૂલના પામે છે.. જીભ થોથવાય છે. હું મહાપાપી છું... હું શું કરું? ક્યાં જાઉં?”
નગરના વિરાટ પ્રવેશદ્વારના મધ્ય ભાગમાં એક આસન પર અગ્નિશમાં અને બીજા આસન પર મહારાજા ગુણસેન બેઠા હતા. સુભટોએ અવરજવરને રોકી દીધી હતી. ચારે બાજુથી મંત્રીઓએ એ બંનેને ઘેરી લીધા હતા.
ગુણસેનની પ્રાર્થના અને ગુણસૈનનો પ્રશ્ચાત્તાપ જોઈને.. સાંભળીને અગ્નિશર્મા વિચારે છે : “અહો આ રાજાની કેવી મહાનુભાવતા છે! મારું પારણું ના થયું તેથી એ કેટલો સંતાપ પામી રહ્યો છે! ખેદ પામી રહ્યો છે.. ગુજ્જનો પ્રત્યે કેવી અપૂર્વ શ્રદ્ધા અને ભક્તિ છે.
મેં રાજમહેલના પટાંગણમાં અનેક હાથી-ઘોડા અને સુભટો જોયા હતા... રાજા પણ શસ્ત્રસજ્જ છે. જરૂર, અચાનક દેશ પર કોઈ આપત્તિ આવી પડી લાગે છે.... યુદ્ધયાત્રાએ જતા રાજાને કોઈએ કહ્યું હશે... મારા આગમનના સમાચાર આપ્યા હશે. બિચારો દોડતો આવ્યો છે. અલબત્, આજે મેં ઉતાવળ કરી પાછા ફરવામાં, પરંતુ જો કોઈ હાથીના કે ઘોડાના પગ નીચે આવી ગયો હોત તો?
જ્યાં સુધી રાજાના મહેલમાં હું પારણું નહીં કરું ત્યાં સુધી એ મહાનુભાવનો સંતાપ દૂર નહીં જ થાય. પૂર્વ કુલપતિની સમક્ષ પણ આ જ વાત રાજાએ કરી હતી અને કુલપતિની આજ્ઞાથી એ વાત મેં સ્વીકારી હતી.
હજુ એનાં આંસુ બંધ થતાં નથી. એક વિશાળ સામ્રાજ્યના અધિપતિ આ રીતે દુઃખી થાય. મારાથી દેખાતું નથી. સહન થતું નથી.' આમ વિચારીને તેણે રાજાને કહ્યું:
મહારાજા, સ્વસ્થ થાઓ. સંતાપ ત્યજી દો. જો કોઈપણ બીજું નિમિત્ત ઊભું નહીં થાય તો હવે જે પારણું આવશે તે પારણું તમારા ઘરે કરીશ. તમારી પ્રાર્થના સ્વીકારું છું. હવે તમે દુઃખ ના લગાડો...” જમીન ઉપર પંચાંગ પ્રણિપાત કરી રાજા ગુણસેન ગદગદ સ્વરે બોલ્યા :
ભગવંત, મારા ઉપર આપે ઘણો ઉપકાર કર્યો. આપ નિષ્કારણ વત્સલ છો. આપ નિર્મળ જ્ઞાનદૃષ્ટિવાળા છો. મારા દુઃખને દૂર કરવાનો આપે સાચો ઉપાય
ભાગ-૧ ૮ ભવ પહેલો
For Private And Personal Use Only
| SR No. | 008950 |
| Book Title | Samaraditya Mahakatha Part 1 |
| Original Sutra Author | N/A |
| Author | Bhadraguptasuri |
| Publisher | Mahavir Jain Aradhana Kendra Koba |
| Publication Year | 2007 |
| Total Pages | 523 |
| Language | Gujarati |
| Classification | Book_Gujarati & Literature |
| File Size | 15 MB |