Samaraditya Mahakatha Part 1

SR No.: 008950
Original Sutra Author: N/A
Author: Bhadraguptasuri
Publisher: Mahavir Jain Aradhana Kendra Koba
Publication Year: 2007
Total Pages: 523
Language: Gujarati
Classification: Book_Gujarati & Literature
File Size: 15 MB

Page 78

આવો ત્યાં સુધી હું કુલપતિ પાસે બેસી તેઓનો ધર્મોપદેશ સાંભળીશ.”
મહામંત્રી અશ્વારૂઢ બની નગર તરફ ઊપડી ગયા. મહારાજા ગુણને કુલપતિની પર્ણકુટીમાં પ્રવેશ કર્યો. મહાત્મન, હું આપને પ્રણામ કરું છું.” રાજન, તારું કુશળ હો...”
ભગવદ્, મારી ઇચ્છા આપની ભક્તિ-પૂજા કરવાની છે. એટલા માટે મેં મંત્રીને નગરમાં મોકલ્યા છે. મારો પરિવાર અને ભક્તિપૂજાની સામગ્રી આવી પહોંચે ત્યાં સુધી હું આપના ચરણોમાં બેસી શકું? આપના ધર્મકાર્યમાં અંતરાય તો નહીં થાય ને?' રાજન, ધર્મોપદેશ આપવો, એ પણ ધર્મકાર્ય જ છે.”
ભગવનું, મને ધર્મોપદેશ આપી, મારા પાપી આત્માને પુણ્યશાળી બનાવવાની કૃપા કરો.”
“રાજન, પ્રતિદિન અતિથિને, સાધુ-સંન્યાસીને ભક્તિ અને બહુમાનથી દાન દેવું જોઈએ. ગરીબોને, અનાથોને, અપંગોને અને અસહાય લોકોને દયાથી દાન આપવું જોઈએ.
હંમેશાં બીજા જીવોના ગુણ જોવા, ગુણાનુવાદ કરવો અને ગુણવાનની પ્રશંસા કરવી. કોઈના દોષ જોવા નહીં. કોઈના દોષ બોલવા નહીં. સદૈવ પ્રિય અને સત્ય વચન બોલવાં. હિતકારી અને કલ્યાણકારી વચન બોલવાં.
મનમાં સારા વિચારો કરવા. પરમાત્માનું ધ્યાન કરવું. પુરુષોનો સમાગમ રાખવો. જ્ઞાની પુરુષોને માન આપવું. જ્ઞાની પાસેથી જ્ઞાન મેળવવું.
સહુ જીવોને મિત્રો માનવા. કોઈનેય શત્રુ માનવો નહીં. બીજા જીવોનાં દુઃખો દૂર કરવા પ્રયત્ન કરવો.”
૦ ૦ ૦. મહારાણી વસંતસેનાનો રથ તપોવનમાં પ્રવેશ્યો. આગળ મહામંત્રીનો અધ હતો. કુલપતિની પર્ણકુટી આગળ આવીને રથ ઊભો રહ્યો. મહારાણી વસંતસેનાએ રથમાંથી ઊતરીને કુલપતિની પર્ણકુટીમાં પ્રવેશ કરી, કુલપતિનું અભિવાદન કરી કુશલપૃચ્છા કરી. કુલપતિએ રાણીને આશીર્વાદ આપ્યા.
પરિચારિકાએ રથમાંથી એક પછી એક અગિયાર સ્વર્ણમય થાળ લાવીને પર્ણકુટીમાં મૂક્યા. રત્નજડિત સ્વર્ણકલશોમાં કેસર-ઇલાયચી-મિશ્રિત દૂધ હતું. અગિયાર કલશો પણ પંક્તિબદ્ધ ગોઠવી દીધા.
રાજાએ સર્વપ્રથમ સુગંધી જલથી કુલપતિનું ચરણ પ્રક્ષાલન કર્યું. ત્યાર બાદ દૂધ અને પક્વાન્ન અર્પણ કર્યા. તે પછી સંન્યાસીઓને ઉચિત એવાં ભગવાં વસ્ત્રો અર્પણ
ભાગ-૧ ( ભવ પહેલો
90