Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
કરવામાં વ્યગ્ર છું. માટે તમારી સહાય અપેક્ષિત છે.”
અમે આપની સેવામાં સદૈવ તત્પર છીએ મુનીશ્વર! અમને આજ્ઞા કરો.” “આજે માતાએ એની પ્રબળ ઇચ્છા વ્યક્ત કરી કે આપણે સહુ સાધુઓ એના ઘરેથી બધી જ ભિક્ષા ગ્રહણ કરીએ અને ત્યાં જ ભોજન કરીએ...'
ભગવનું, આપે શું પ્રત્યુત્તર આપ્યો?' મેં કહ્યું : “અમારી સાઇમર્યાદા મુજબ અમે આ રીતે આહાર ગ્રહણ ના કરી શકીએ... કે ભોજન ના કરી શકીએ!” ‘ઉચિત છે પ્રત્યુત્તર.” પહેલા “સંવેગ' નામના મુનિ બોલ્યા.
પરંતુ જો આપણે આ રીતે આહાર ગ્રહણ નથી કરતા તો માતાનું મન દુભાય છે.. કદાચ મારા પ્રત્યે એના મનમાં કાષાયિક પરિણતિ જાગી જાય... અહીં આવવાનું પ્રયોજન માર્યું જાય.'
માતાજીને સમજાવવાનો પ્રયત્ન કરીએ તો?” બીજા ‘નિર્વાણ' નામના ગીતાર્થે કહ્યું.
મેં સમજાવવાનો ઘણો પ્રયત્ન કર્યો, પરંતુ હું જાણું છું મારી માતાને... જો એની ઇચ્છા મુજબ કાર્ય ના થાય... તો એને શીધ્ર ક્રોધ આવી જાય છે. હવે હું નથી ઇચ્છતો કે એના મનમાં મારા પ્રત્યે રોષ જન્મે.”
ભગવન, આપણે ગુરુદેવને પુછાવીએ તો?” ત્રીજા મુક્તિરત્ન નામના ગીતાર્થે પોતાનો અભિપ્રાય આપ્યો.
એટલો સમય નથી આપણી પાસે. આવતી કાલે જ જે તે નિર્ણય કરવો પડે એમ છે.'
આપણી સમાચારી માધુકરી વૃત્તિથી ભિક્ષા લેવાની છે.. અને આપણા સ્થાનમાં ભોજન કરવાની છે. આ આપણો મૂળ માર્ગ છે, ઉત્સર્ગ માર્ગ છે... આ ઉત્સર્ગનો અપવાદ માર્ગ પણ છે ને!” ચોથા મહાપ્રજ્ઞ નામના ગીતાર્થે પોતાનું મંતવ્ય જણાવ્યું.
છે અપવાદ માર્ગ, પરંતુ પહેલાં એ નિર્ણય કરીએ કે બે વાતમાંથી કઈ વાતને પ્રધાનતા આપવી. માતાની ઇચ્છા પૂર્ણ કરવાની વાત છે અને બીજું આપણી મર્યાદાની.'
મને તો લાગે છે કે આપણે જે કાર્ય માટે અહીં આવ્યા છીએ તે કાર્ય છે માતા જાલિની દેવીને ઉપદેશ આપી એમના શોકને, એમના રોષને દૂર કરવાનું! હવે એમાં જો ઉત્સર્ગમાર્ગની આપણી આહારપદ્ધતિ અનુકુળ ના આવતી હોય તો અપવાદ માર્ગનું અવલંબન લેવું જોઈએ.'
પાંચમા “તત્ત્વજ્ઞ' નામના ગીતાર્થે કહ્યું. આ મંતવ્યને પુષ્ટ કરતા નિર્વાણનિએ કહ્યું : “આલંબન પુષ્ટ હોય અને આશય વિશુદ્ધ હોય તો અપવાદનું સેવન કરવાની જિનાજ્ઞા છે. માત્ર ઉત્સર્ગ જ જિનાજ્ઞા છે, એવું નથી ને? મારી દૃષ્ટિએ આપનાં
४८४
ભાગ-૧ * ભવ ત્રીજો
For Private And Personal Use Only
| SR No. | 008950 |
| Book Title | Samaraditya Mahakatha Part 1 |
| Original Sutra Author | N/A |
| Author | Bhadraguptasuri |
| Publisher | Mahavir Jain Aradhana Kendra Koba |
| Publication Year | 2007 |
| Total Pages | 523 |
| Language | Gujarati |
| Classification | Book_Gujarati & Literature |
| File Size | 15 MB |