Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
તથા સૌન્દર્યને વાસના અને ભોગોની અગનજ્વાળાઓમાં ભસ્મીભૂત થતું બચાવી શકે, તો એને પ્રેમરસ ચાખવાનો મળી શકે છે! વત્સ, આ પ્રેમરસ અમોઘ હોય છે. એ આનંદનો સ્ત્રોત છે, તે વર્ણનાતીત છે. એમાં નથી હોતી આકાંક્ષા નથી હોતી તૃતિ કે નથી હોતી વિરક્તિ! એમાં હોય છે અનંત પ્રવાહયુક્ત શાશ્વત જીવન! અતિ મધુર, અતિ રમ્ય, અતિ મનોરમ. જે કોઈ એ પ્રેમરસ પી લે છે એનું જીવન ધન્ય બની જાય છે...'
ભગવંત, મેં એ પ્રેમરસ ચાખી લીધો!” વત્સ, તું ધન્ય બની ગયો!'
ભગવાન, મારું એ સુખ. મારો એ આનંદ... હું આપને કેવી રીતે બતાવું?” આનંદવિહ્વળ બની શિખીએ કહ્યું
ધીરે ધીરે બંને ગુરુ-શિષ્ય શુન્યમાં સરી પડ્યા. સુદૂર નીલગગનમાં ટમટમતાં નક્ષત્રોની સાક્ષીમાં.. તે વનના એકાન્ત ભૂમિભાગમાં... જાણે કે બંને પાર્થિવ શરીરથી મુક્ત ન થઈ ગયા હોય વાયુની લહરો પર તરતા તરતા જાણે ઉપર આકાશમાં ઊડતા જતાં ન હોય અને જાણે ત્યાં પહોંચી ગયા કે જ્યાં ભૂઃ નથી. જ્યાં ભુવઃ નથી,
જ્યાં સ્વ: નથી... પૃથ્વી નથી, આકાશ નથી. સૃષ્ટિ નથી, સૃષ્ટિનાં બંધન નથી, જન્મ નથી, મૃત્યુ નથી, એક નથી, અનેક નથી. જ્યાં છે માત્ર આનંદ.. પરમાનંદ..
આ રીતે દિવસો વીતે છે, રાત્રિઓ પસાર થાય છે. મહિનાઓ અને વર્ષો પસાર થાય છે. મહાવિદેહ ક્ષેત્રનાં લાખો વર્ષોનાં આયુષ્ય! આચાર્યશ્રી વિજયસિંહનો વૃદ્ધાવસ્થામાં પ્રવેશ થઈ ગયો હતો. શિખીકુમાર મુનિ યૌવનની ઉત્તર અવસ્થાથી થોડા જ દૂર હતા. ગુરુદેવે તેમને આચાર્યપદ પર સ્થાપિત કર્યા હતા. તેમનાં ચરણોમાં સેંકડો મનુષ્યોએ સાધુધર્મ સ્વીકાર્યો હતો. ગામે-ગામ અને નગરી નગરીમાં તેમનો યશ વ્યાપક બન્યો હતો. તેમના જ્ઞાન-ધ્યાનની પ્રશંસા થતી હતી. તેમના સંયમની પ્રશંસા થતી હતી. તેમના ઉપશમ ભાવની પ્રશંસા થતી હતી. આ પ્રશંસા દૂર-સુદૂર કૌશાંબીમાં પણ પહોંચી હતી. પ્રશંસા સાંભળીને બે વૃદ્ધ પુરુષો આનંદિત થયા હતા, હર્ષિત થયા હતા. તે હતા મહામંત્રી બ્રહ્મદત્ત અને વિદ્વાન વિપ્ર પિંગલ!
પિંગલે બ્રહ્મદત્તને કહ્યું: “હે પૂજ્ય, શિખીકુમાર મુનિનાં દર્શન કર્યું હજારો વર્ષ વીતી ગયાં. પ્રતિદિન એમની સ્મૃતિ તો થઈ આવે જ છે, પરંતુ હવે દર્શન કર્યા વિના જીવ અકળાય છે... અવિલંબ એમની પાસે જવું છે.”
બ્રહ્મદરે કહ્યું : “હું પણ એ જ વિચારતો હતો... એમને જોવાની.. મળવાની અને એમની સાથે વાતો કરવાની અદમ્ય ઇચ્છા જાગી ગઈ છે. પણ મેં તને પણ વાત નથી કરી. કારણ તું જાણે છે.”
તે શું હજુ મહાદેવી જાલિનીનો શિખીકુમાર પ્રત્યેનો દ્વેષ ઓછો નથી થયો?' કાઉ
ભાગ-૧ ૪ ભવ ત્રીજો
For Private And Personal Use Only
| SR No. | 008950 |
| Book Title | Samaraditya Mahakatha Part 1 |
| Original Sutra Author | N/A |
| Author | Bhadraguptasuri |
| Publisher | Mahavir Jain Aradhana Kendra Koba |
| Publication Year | 2007 |
| Total Pages | 523 |
| Language | Gujarati |
| Classification | Book_Gujarati & Literature |
| File Size | 15 MB |