Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
થયો. જીવનના જંગ માટે ભેટ બાંધતા પોતાના તરુણ પુત્ર સામે એક દૃષ્ટિ નાંખી, તેમણે આચાર્યદેવને કહ્યું: ‘આપે કહ્યું તે બધું યથાર્થ છે ભગવંત! એમાં હવે મને કોઈ શંકા રહી નથી. પુત્રમોહની મારી અવદશા. દયનીયતા અને કરુણતા દૂર કરી આપે મને સાધુતાની ભવ્યતાનાં દર્શન કરાવ્યાં. મારું મોહનું ધુમ્મસ વીંધી નાંખ્યું. આપે મારી ચેતનાને જગાડી. મનુષ્ય જીવનની વિધવિધ સમસ્યાઓને પ્રત્યક્ષ કરી એમાંથી સાચા જીવનતત્ત્વને સારવી લેવા સુંદર માર્ગદર્શન આપ્યું.”
બ્રહ્મદત્તના ચિત્તમાં જાણે સંજીવની ફૂટી, ગુરુદેવનું તેમને સાન્નિધ્ય મળ્યું. તેમણે વિચાર્યું : શિખીએ ગૃહત્યાગનો જે નિર્ણય કર્યો છે તે યથાર્થ છે. ખરેખર, સંસાર... ઘરવાસ દુઃખરૂપ જ છે.... સાધુતા-શ્રામસ્થ જ સુખરૂપ છે.. અને એ સાધુતા સ્વીકારવા શિખી થનગની રહ્યો છે. અલબત્ત, એના ઉપર આચાર્યની દેવી અને નિર્મળ પ્રેમશક્તિનો પ્રભાવ પડ્યો છે. અને એ કંઈ ખોટું નથી. ભલે ને શિખી આવા દૈવી પુરુષની આંગળીએ વળગીને એક અજબ, અવનવી અને જીવનની સૌથી પાવનકારી, સંયમયાત્રાનો પ્રારંભ કરી જો કે મને આ વાતનો અણસાર પણ ન હોત. ગુરુદેવના વિરાટ વ્યક્તિત્વનાં અગમ ઊંડાણોમાં વિહરવાનું અને એમના અણમોલ શબ્દોમાં એમનું દર્શન પામવાનું મને પણ મહાભાગ્ય લાધી ગયું. ખરેખર, અંતર મનને હચમચાવી નાંખનારો આજે અનુભવ થયો. ગુરુદેવના ઉત્કટ સ્નેહનો ધોધ અવિરત વહેતો અનુભવ્યો.”
અશોકવનમાં એ દિવસે શ્રેષ્ઠ સૂર્યાસ્ત જોવા મળ્યો. વાદળાંઓમાંથી ગળાતા તેજના આધારે લાલ કસુંબલ અગનગોળો ઊતરી આવ્યો, બે વાદળ વચ્ચે પૂરો દૃશ્યમાન બન્યો. પછી લાલ સુરંગી છોળો પાથરતો પાથરતો એ ક્ષિતિજમાં સરી ગયો. પાછળ ચોમેર રેલાઈ રહીં એની લાલિમાં.
બ્રહ્મદત્તના મુખમાંથી શબ્દો સરી પડ્યા : મુજ હૈયે તમને પધરાવું. શી રીતે હે જગબંધુ!
૦ ૦ ૦ પિંગલ!
તેનું મન મહેકી ઊઠ્યું. તેના મનમાં આચાર્ય તરફનું ગૌરવ સ્થાપિત થયું. તેનું મન આચાર્યની પ્રશંસા કરવા લાગ્યું. તેના ચિત્તની ઉગ્રતા, વ્યગ્રતા અને આક્રોશ શાન્ત થયો. તેના મુખમાં સહજ રીતે પ્રીતિ-વચન પ્રગટ થયાં.
પિંગલે પૂછ્યું : “ભગવંત, આટલો વિપુલ અને સમૃદ્ધ જ્ઞાનખજાનો આપની પાસે જ જોયો. મારી શંકાઓની ભીંતો તૂટી પડી. જ્ઞાનનો સાચો પ્રકાશ પ્રાપ્ત થયો. ગુરુદેવ, મારી એક જિજ્ઞાસા છે : પુય અને પાપનો ભેદ કેવી રીતે જાણી શકાય?” એ જ મધુનીતરતી વાણી વરસવા લાગી :
ભાગ-૧ ( ભવ ત્રીજો
For Private And Personal Use Only
| SR No. | 008950 |
| Book Title | Samaraditya Mahakatha Part 1 |
| Original Sutra Author | N/A |
| Author | Bhadraguptasuri |
| Publisher | Mahavir Jain Aradhana Kendra Koba |
| Publication Year | 2007 |
| Total Pages | 523 |
| Language | Gujarati |
| Classification | Book_Gujarati & Literature |
| File Size | 15 MB |