Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
શિવદેવ નામના કુલપુત્રની પત્ની યશોધરાના પેટે અવતર્યો. તારું નામ ઇન્દ્રદેવ પાડવામાં આવ્યું. સર્પ મરીને એ જ લક્ષ્મીપર્વત ઉપર સિંહ થયો.
0 0 0 તું જ્યારે યુવાન થયો, તંગલા નગરીના રાજા વીરદેવે તને રાજ્યસેવામાં નિયુક્ત કર્યો. રાજા વીરદેવનાં બધાં જ અંગત કાર્યો તું કરતો હતો. તારા ઉપર રાજાનો વિશ્વાસ હતો.
એક દિવસ રાજા વીરદેવે તને કહ્યું : “ઇન્દ્રદેવ, તારે લક્ષ્મીનિલય નગરમાં જવાનું છે અને રાજા માનભંગને મારો આ સંદેશો આપવાનો છે. તારી સાથે પાંચ સુભટોને લઈ જજે, કારણ કે માર્ગ લાંબો છે.”
સુભટોની સાથે તે લક્ષ્મીનિલય તરફ પ્રયાણ કર્યું. માર્ગના જાણકાર સુભટે કહ્યું : જો આપણે લક્ષ્મીનિલય પર્વત ઓળંગીને જઈએ તો પચાસ યોજના ઓછા થઈ જાય.' મેં કહ્યું : “ભલે આપણે પર્વત ઓળંગીને લક્ષ્મીનિલય નગરે જઈએ!”
તમે લક્ષ્મીપર્વત ચઢવા લાગ્યા. શીતકાળ હતો. ઠંડી ખૂબ હતી. બીજી બાજુ, ચઢતાં ચઢતાં રસ્તામાં જ સૂર્ય અસ્ત થઈ ગયો. તમે બિહડોની વચ્ચેથી, ક્યાંક કોતરોની ઊંડી ખાઈમાં તો ક્યાંક ડુંગરોમાં થઈને પસાર થતા હતા. ત્યાં સુભટોએ કહ્યું : “ઇન્દ્રદેવજી, આપણે હવે આટલામાં જ ક્યાંક રાતવાસો કરીએ. અંધારામાં આગળ વધવું ઠીક લાગતું નથી. તમે ઊભા રહી ગયા. નજીકમાં તેમણે પર્વતની એક ગુફા જોઈ અને ગુફાની બહાર સમથળ ભૂમિ જોઈ તમે સહુ ત્યાં પહોંચ્યા અને રાત પસાર કરવા ત્યાં રહેવાનો નિર્ણય કર્યો.
તેં સુભટોને કહ્યું : “ઠંડી સખત છે અને પહાડી પ્રદેશ છે, એટલે આપણે અહીં તાપણું કરીને બેસીએ. આસપાસ સૂકાં લાકડાં હશે. સૂકાં પાંદડાં હશે. લઈ આવો...' સુભટોએ નાનાં-મોટાં સૂકાં લાકડાં લાવીને ઢગલો કર્યો. તેના ઉપર સૂકાં પાંદડાં નાંખ્યા, અને ચકમક ઘસીને આગ પેદા કરી. - લાકડાંની આગના પ્રકાશમાં તેમણે આસપાસનો પ્રદેશ જોયો. ગુફા પણ જોઈ. પ્રદેશ રમણીય લાગ્યો. તેઓ એક પ્રહર સુધી તાપતા રહ્યા, પછી સુભટો નિદ્રાધીન થયા. તું હજુ જાગતો બેઠો હતો તને ઊંઘ આવતી ન હતી. આગના ભડકા શાન્ત પડી ગયા હતા, પરંતુ લાકડાં સળગતાં હતાં.
તું નિશ્ચિત હતો. શરીર પર બાંધેલા શસ્ત્રો છોડીને તે એક બાજુ મૂક્યાં હતાં તું પગ લાંબા કરીને ડાબા પડખે લાંબો થયો હતો. ત્યાં ગુફા તરફથી કોઈ પશુ આવતું તને દેખાયું. એ બાજુ અંધારું વધારે હતું. તું ઝડપથી બેઠો થયો. તું વિચારે છે કે,
3૮૨
ભાગ-૧ ૪ ભવ ત્રીજો
For Private And Personal Use Only
| SR No. | 008950 |
| Book Title | Samaraditya Mahakatha Part 1 |
| Original Sutra Author | N/A |
| Author | Bhadraguptasuri |
| Publisher | Mahavir Jain Aradhana Kendra Koba |
| Publication Year | 2007 |
| Total Pages | 523 |
| Language | Gujarati |
| Classification | Book_Gujarati & Literature |
| File Size | 15 MB |