Samaraditya Mahakatha Part 1

SR No.: 008950
Original Sutra Author: N/A
Author: Bhadraguptasuri
Publisher: Mahavir Jain Aradhana Kendra Koba
Publication Year: 2007
Total Pages: 523
Language: Gujarati
Classification: Book_Gujarati & Literature
File Size: 15 MB

Page 345

હું રાજા નહીં-બની શકું. મંત્રીમંડળ મને રાજા નહીં બનવા દે...'
“કુમાર, ગમે તે હોય, પરંતુ મહારાજાનો વધ કરવો એ કોઈ ખાવાના ખેલ નથી. મહારાજા અદ્વિતીય યોદ્ધા છે. પોતે એકલા એક હજાર સુભટોને ભારે પડે એવા છે...”
આપણે ક્યાં યુદ્ધભૂમિ પર જઈને લડવું છે? આપણે તો છલ-કપટનો સહારો લઈને એમને..”
છલ-કપટ? કુમાર... ભલે મેં મહારાજાની આજ્ઞાનું ઉલ્લંઘન કર્યું છે, પણ ક્યારેય મેં છલ-કપટ નથી કર્યું..”
ભલે હવે હું તમને છલ-કપટ શિખવાડીશ. રાજનું, રાજનીતિમાં છલ-કપટ ઉપાદેય મનાયેલા છે.”
સામંત દુર્મતિ ઊંડા વિચારમાં પડી ગયો. કુમાર ખંડમાં આંટા-ફેરા મારવા લાગ્યો. દુર્મતિએ કહ્યું :
‘કુમાર, જે કંઈ પગલું ભરો, તે સમજી-વિચારીને ભરજો. કારણ કે મહાસેનાધિપતિ જયપાલને તમે ઓળખો છો? એ કાળનો પણ મહાકાળ છે. મહારાજાનો અનન્ય મિત્ર છે. મહારાજા પ્રત્યે શત્રુતા રાખનારા બે સામંત રાજાઓને ઘડીના છઠ્ઠા ભાગમાં એણે યમસદન મોકલ્યા છે, એનો હું સાક્ષી છું...”
રાજનું, તમારી સામે મેં દોસ્તીનો હાથ શા માટે લંબાવ્યો છે? આ જ પ્રયોજન છે. તમારા જેવા પરાક્રમી પુરુષ મારી સાથે હોય, પછી મને ચિંતા ના રહે. તમારે મારી પાછળ જ રહેવાનું છે. એ સેનાપતિનો બચ્ચો મારા ઉપર પ્રહાર કરે, એ પહેલાં તમારે એને પતાવી નાંખવાનો...” ‘કુમાર, એ કામ સહેલું નથી..” જાણું છું સહેલું કામ હોત તો તમને બોલાવત નહીં ને!' કુમાર હસી પડ્યો. તેના હાસ્યમાં ક્રૂરતાના પડઘા પડતા હતા.
રાજનું, યોગ્ય સમયની આપણે પ્રતીક્ષા કરીશું. જ્યારે યોગ્ય સમય આવશે ત્યારે કામ પતાવી દઈશું....'
બસ, હું આ જ વાત કહેતો હતો. આવા કામમાં ઉતાવળ ના કરવી જોઈએ. ધીરજથી કામ કરવું જોઈએ.”
પણ ત્યાં સુધી તમારે અહીં જયપુરમાં જ રહેવું પડશે. અને તમારા ખાસ વિશ્વાસપાત્ર પરાક્રમી સો જેટલા યોદ્ધાઓને પણ જયપુરમાં બોલાવી લેવા જોઈએ...'
તો કામ બગડી જશે... જયપુર રાજ્યના ગુપ્તચરોથી કંઈ છૂપું રહેતું નથી. અહીં અત્યારે આપણા ઉપર પણ કોઈ ગુપ્તચરની નજર ફરતી હશે!”
“ગુપ્ત-છદ્મવેશમાં બોલાવી લો સુભટોને. સુભટની જરૂર પડવાની જ. કારણ કે શ્રી સમરાદિત્ય મહાકથા
3છ