Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
મહારાજાએ રાજપુરોહિતને આજ્ઞા કરી : “આનંદકુમારના રાજ્યાભિષેકનું સારું મુહૂર્ત જોઈને મને કહો.”
રાજપુરોહિતે ત્યાં જ પંચાંગ જોઈને, મુહૂર્તનો નિર્ણય કરીને જણાવ્યું : “આજથી પાંચમા દિવસે - વસંત પંચમીના દિવસે રાજકુમારનો રાજ્યાભિષેક કરવો શ્રેષ્ઠ છે.” મહારાજાએ મંત્રીમંડળને આજ્ઞા કરી : “રાજ્યાભિષેકની તૈયારીઓ કરાવો.'
0 0 0 જ્યારે નીલમણિ-પ્રાસાદના મંત્રણાગૃહમાં મંત્રીમંડળ સાથે મહારાજાની મંત્રણા ચાલતી હતી, ત્યારે કુમાર આનંદના મહેલમાં સામંત રાજા દુર્મતિ સાથે ગુપ્ત મંત્રણા ચાલી રહી હતી. રાજા દુર્મતિ, મહારાજાની શરણાગતિ સ્વીકાર્યા પછી એની રાજધાનીમાં ગયો જ ન હતો. બીજા માર્ગેથી તે જયપુર પહોંચી ગયો હતો. તે કુમાર આનંદના મહેલમાં ઊતર્યો હતો. વાર્તાલાપનો પ્રારંભ કરતાં કુમારે કહ્યું :
“રાજ, ગઈકાલે મને જાણવા મળ્યું છે કે મહારાજા મારો રાજ્યાભિષેક કરવા ઇચ્છે છે... અને અત્યારે મંત્રણાગૃહમાં તેઓ મંત્રીમંડળ સાથે મંત્રણા કરી રહ્યા છે.'
કુમાર, તમે ભોળા ના થશો. જે મંત્રીમંડળ તમને યુવરાજપદ આપવાના પક્ષમાં ન હતું, તે મંત્રીમંડળ તમારો રાજ્યાભિષેક થવા દેશે? અસંભવ!”
“પરંતુ આ રીતે, મને કોઈનું દાન ખપતું પણ નથી. મહારાજા અને રાજ્ય આપે અને હું એનો સ્વીકાર કરી લઉં... એમાં મારું પરાક્રમ શું? પરાક્રમી પુરુષો પોતાના બાહુબળથી રાજ્ય મેળવતા હોય છે. અને એ માટે રાજન, તમારે મને સાથ આપવાનો છે.”
“કુમાર, તમે માગશો ત્યારે સાથ આપીશ... તમે આજ્ઞા કરશો તે પ્રમાણે કરીશ... પછી કંઈ?” દુર્મતિએ કુમારની ચાપલૂસી કરતાં કહ્યું.
તો હું તમને, તમારા રાજ્યના સીમાડા પાસેનાં ૧૦૦ ગામ ભેટ આપીશ... તમને “મહાસામંત'ની પદવી આપીશ.”
આપણી મૈત્રી છે કુમાર. મૈત્રીમાં આવું બધું લેવા-દેવાનું હોય નહીં. આપ મહારાજા બનશો! હું મહારાજાનો અંગત મિત્ર બનીશ, બસ, એથી વિશેષ શું જોઈએ?
રાજનું મહારાજા એમ ને એમ નહીં બની શકાય. એ માટે વર્તમાન મહારાજાનો વધ કરવો પડશે...' કુમારની આ વાત સાંભળીને દુર્મતિ જેવો પુષ્ટ સામંત પણ હચમચી ગયો... તે કુમારના મુખ સામે પહોળી આંખે જોઈ રહ્યો.
રાજ, તમે ડરી ગયા? તમને મારી વાતથી આંચકો લાગ્યો?’ “ના રે ના, કુમાર મહારાજા તમારા પિતા..' પિતા નહીં, દુશમન છે, મને એ દીઠે નથી ગમતો. અને એ જીવે છે ત્યાં સુધી
ભાગ-૧ + ભવ બીજો
For Private And Personal Use Only
| SR No. | 008950 |
| Book Title | Samaraditya Mahakatha Part 1 |
| Original Sutra Author | N/A |
| Author | Bhadraguptasuri |
| Publisher | Mahavir Jain Aradhana Kendra Koba |
| Publication Year | 2007 |
| Total Pages | 523 |
| Language | Gujarati |
| Classification | Book_Gujarati & Literature |
| File Size | 15 MB |