Samaraditya Mahakatha Part 1

SR No.: 008950
Original Sutra Author: N/A
Author: Bhadraguptasuri
Publisher: Mahavir Jain Aradhana Kendra Koba
Publication Year: 2007
Total Pages: 523
Language: Gujarati
Classification: Book_Gujarati & Literature
File Size: 15 MB

Page 33

રાણી કુમુદિની કુમારને પોતાના ખંડમાં લઈ ગઈ. પોતાની પાસે પલંગ પર બેસાડી, એના માથે પ્રેમથી હાથ પસારવા લાગી. થોડી ક્ષણો મૌનમાં વીતી. રાણીએ મન તોડ્યું.
બેટા, તારા પિતાજી સામે તારે આ રીતે નહોતું બોલવું જોઈતું. એમને તેં નારાજ કર્યા, તે મને ના ગમ્યું.”
માતા પિતાજીને મારા પર પ્રેમ નથી.” “ખોટી વાત..” સાચી વાત છે. નહીંતર લોકોની વાત સાંભળીને મને તેઓ આ રીતે ઠપકો ન
આપે.”
‘લોકોની વાત સાંભળીને તને નથી કહ્યું, મહાજનની વાત સાંભળીને કહ્યું છે... અને મહાજનની વાત સાંભળવી જ પડે. મહાજનને સંતોષ આપવો જ પડે.”
તું પણ મા, પિતાજીના પક્ષમાં બેસી ગઈ?'
ના, તું જાણે છે કે દરેક વાતમાં તારો પક્ષ લઈને હું તારા પિતાજીની અપ્રિય બની ગઈ છું. છતાં મને એની ચિંતા નથી. મને ચિંતા છે પિતા-પુત્રનાં સંબંધની. તારે એમની વાત સાંભળી લેવી જોઈએ, પ્રત્યુત્તર ન આપવો જોઈએ. તો બીજી વાત હું સંભાળી લઉં...”
“પણ હું એ બ્રાહ્મણના બચ્ચાને નહીં છોડું... એની સાથે રમવામાં, ક્રીડા કરવામાં મને ઘણો આનંદ મળે છે. રોજ-રોજ અમે નવી-નવી રમતો શોધીને રમીએ છીએ.. અરે મા, તું પણ એ વિદૂષકને જુએ તો પેટ પકડીને હસ્યા કરે!”
‘તમે તમારે રમ્યા કરજો..... હું તારા પિતાજીને સમજાવીશ, મનાવીશ. પણ તારે એમની સામે બોલવાનું નહીં. એમની મર્યાદા તોડવાની નહીં.”
પરંતુ, તું પિતાજીને સમજાવીશ, પેલા મહાજનને કોણ સમજાવશે? એ અમારા રંગમાં ભંગ પાડશે ને? એ પિતાજી પાસે આવીને ફરિયાદ કર્યા કરશે ને?'
“એટલે કહું છું કે થોડા દિવસ તમે એ બ્રાહ્મણપુત્રને છોડી દો. એની સાથે રમવાનું બંધ કરો. એટલે મહાજનને વિશ્વાસ પડશે... વળી પાછી તમારી રમત ચાલુ કરજો...'
પુત્રને ખુશ રાખવા, માતા પુત્રને અકાર્ય કરવામાં સંમતિ આપે છે! પુત્રને ઉન્માર્ગે જવામાં સહાય કરે છે.
મહાજનની ધમકીથી ડરીને હું રમત બંધ નહીં રાખું. પિતાજીને જે કરવું હોય તે કરે. મને અહીંથી કાઢી મૂકશે તો દેશ છોડીને ચાલ્યો જઈશ, પરંતુ પેલા શ્રી સમરાદિત્ય મહાકથા