Samaraditya Mahakatha Part 1

SR No.: 008950
Original Sutra Author: N/A
Author: Bhadraguptasuri
Publisher: Mahavir Jain Aradhana Kendra Koba
Publication Year: 2007
Total Pages: 523
Language: Gujarati
Classification: Book_Gujarati & Literature
File Size: 15 MB

Page 34

અગ્નિશર્માને લઈને ચાલ્યો જઈશ... મને એના વિના ચેન નહીં પડે. એ રડે છે ને મને મજા પડે છે, એ ચીસો પાડે છે ને હું નાચી ઊઠું છું... એ ટળવળે છે... આળોટે છે... ને હું તાલીઓ પાડી નાચી ઊઠું છું. એને રિબાવવામાં.. ત્રાસ આપવામાં મને આનંદ મળે છે... હું એ કરીશ... પછી જે થવું હોય તે થાય...'
તે પહોંચ્યો કુષ્ણકાન્તની હવેલીમાં. કૃષ્ણકાન્ત ભોજન કરીને ઊભો થયો હતો. કુમારે તેના હાથ પકડીને કાનમાં કહ્યું : “હમણાં જ શત્રુઘ્નને અને ઝેરીમલને બોલાવી લાવ. આપણે મહત્ત્વની વિચારણા કરવાની છે.”
કુમાર કૃષ્ણકાંતના ગુપ્ત મંત્રણાગૃહમાં જઈને બેઠો. કૃષ્ણકાંત બે મિત્રોને બોલાવવા ગયો. કુમારના મનમાં રાજા પ્રત્યે અને મહાજન પ્રત્યેનો રોષ ઘૂંટાતો હતો.
મોહ અને અજ્ઞાનથી ઘેરાયેલો મનુષ્ય, બીજું શું કરે?
કૃષ્ણકાંત શત્રુ અને ઝેરીમલને લઈને આવી ગયો. ગુણસેન ત્રણે મિત્રોને ભેટ્યો. ચારે મિત્રો ગોળાકારે બેઠા. ગુણસેન બોલ્યો :
મિત્રો, વાત મહારાજા સુધી પહોંચી ગઈ છે. મહારાજાએ મારા જીવનમાં પહેલી જ વાર મને ઉપાલંભ આપ્યો. અગ્નિશર્મા સાથે નહીં રમવાની આજ્ઞા કરી...”
ઝેરીમલે પૂછયું : “મહારાજાને કોણ વાત કરી?' ગુણસેને કહ્યું : “મહાજને.”
શત્રુઘ્ન બોલ્યો : “નગરમાં સર્વ સ્થળે આપણી જ ચર્ચા ચાલી રહી છે. મને પણ મારા પિતાજીએ આ અંગે પૂછુયું હતું.'
તેં શો પ્રત્યુત્તર આપ્યો?' કુમારે પૂછ્યું. મેં કહ્યું કે વાત સાચી છે, પરંતુ અમને જેમ મહારાજકુમાર કહેશે તેમ કરીશું.' ‘તમે ત્રણે મારા વિશ્વાસપાત્ર મિત્રો છો.' ઝેરીમલે કુમારને પૂછયું : “હવે આપણે શું કરવાનું છે, એ કહો!' “આપણે આપણું કામ ચાલુ રાખવાનું છે!' પણ મહારાજા...”
મહારાજને મારી માતા સંભાળી લેશે... માતા આપણા પક્ષમાં છે, એટલે ચિંતા નથી....'
પણ મહાજન આડું આવશે તો?' કૃષ્ણકાન્ત પૂછુયું. નગરના બ્રાહ્મણો પણ વીફરેલા છે!” શત્રુને કહ્યું. મહાજનોને અને બ્રાહ્મણોને એ અગ્નિશર્મા માટે ખૂબ હેત ઊભરાઈ આવ્યું છે..
ભાગ-૧ ૪ ભવ પહેલો