________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
હસવાનુંય આવે ને રડવાનુંય આવે..”
બેટા, એવી રમત ન રમવી જોઈએ કે જેમાં બીજા જીવોને રિબાવાનું થાય. તમે એ અગ્નિશર્માને રિબાવો છો. રડાવો છો.. ને ઘોર ત્રાસ આપો છો...”
કારણ કે અમને એ બધું કરવામાં આનંદ આવે છે... યુવાનીના ઉંબરે પગ મૂકી રહેલો ગુરાસન, પિતાની મર્યાદા મૂકીને બોલી ગયો અને આસન પરથી ઊભો થઈ ગયો.
બીજાઓને ત્રાસ આપવામાં તને આનંદ આવે છે? હું કહીશ કે તને ત્રાસ આપવામાં મને આનંદ આવે છે... તો તું માનીશ?”
કુમાર ઊભો રહ્યો. થોડી ક્ષણો મૌન રહીને તેણે રાણીને પૂછયું : “મા, આ વાત પિતાજી પાસે કોણ લાવ્યું? મહાજન...” રાણીએ બોલી નાંખ્યું.
હું એ મહાજનના બચ્ચાને જોઈ લઈશ...” હવામાં મુઠી ઉછાળીને કુમાર બરાડી ઊઠ્ય.
કુમાર, હજુ તું મહાજનોની શક્તિને જાણતો નથી, માટે આવાં કઠોર અને અયોગ્ય વચનો બોલે છે. મહાજન ધારે તો રાજાને રાજસિંહાસન પરથી નીચે ઉતારી શકે. રાજાને દેશનિકાલની સજા કરી શકે... એવા મહાજનને તું શું કરી લેવાનો છે? તારું શું ગજું છે?
“બેટા, મહાજન વિરુદ્ધ એક શબ્દ ન બોલીશ... નહીંતર બહુ મોટો અનર્થ થઈ જશે.' રાણીએ ગુણસેનના માથે હાથ મૂકતાં કહ્યું.
સાચી વાત કહેનાર પર ક્રોધ કરવો, તે મનુષ્યની નબળાઈ છે. તું અને તારા મિત્રો, એ બિચારા બ્રાહ્મણ-પુત્ર ઉપર ત્રાસ ગુજારો છો, એ વાત સાચી છે ને?” મહારાજાએ કુમારને સીધો પ્રશ્ન કર્યો.
અમે રમીએ છીએ, અમને એની સાથે રમવામાં મજા આવે છે. આનાથી વિશેષ મારે કંઈ કહેવું નથી.”
અને હું કહું કે આવી રમત બંધ કરવાની છે, તો?” મહારાજાએ કુમારની સામે... એની નજીક જઈને કરડાકીથી પૂછ્યું. પરંતુ ગુણસેન મૌન રહ્યો. તેણે જમીન પર દષ્ટિ સ્થિર કરી દીધી.
મહારાજા ત્યાંથી પોતાના શયનખંડ તરફ ચાલ્યા ગયા. માતા અને પુત્ર, એમને જતા જોઈ રહ્યાં...
૦ ૦ ૦.
ભાગ-૧ % ભવ પહેલો
For Private And Personal Use Only
