Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
લુછી. કુસુમાવલીએ પાણીથી આંખો ધોઈ... આવીને રાણીની એક બાજુ ઊભી રહી ગઈ. રાણીએ તેનો હાથ પકડીને પોતાની પાસે ખેંચી એને વહાલ કર્યું. કુમાર સામે જોયું. કુમાર પૂર્વ દિશાની બારી પાસે ઊભો રહી.. અનંત આકાશને જોઈ રહ્યો હતો.
કુમાર.. બેટા.” મહારાણીએ કુમારને બોલાવ્યો. કુમાર આવીને માતાનાં ચરણોમાં બેસી ગયો.
મારી સામે જો બેટા...' કુમારની ઉદાસ આંખોમાં માતાનું પ્રતિબિંબ ઝિલાયું. વત્સ, તને અમારો નિર્ણય ના ગમ્યો?' “મા, નિર્ણય સારો છે, માર્ગ શ્રેષ્ઠ છે. અમને ન ગમવાનો પ્રશ્ન નથી.. પ્રશ્ન છે આપના વિયોગને સહવાનો. આપના વિના જીવવાનો..” કુમારનો સ્વર ગળગળો થઈ ગયો.
હજારો વર્ષોથી મા, મેં તને ખૂબ ચાહી છે. તારી સાથે અગાધ પ્રેમ કર્યો છે... તારા સાગર જેવા નેહમાં ડૂબકી મારી છે... પાર વિનાનું તેં સુખ આપ્યું છે... જીવવા માટે સંસ્કારો આપ્યા છે... કહે, તું જ કહે મા, તારો વિયોગ મારાથી સહન થઈ શકશે?”
કુમારે રાણીના ખોળામાં મસ્તક મૂકી દીધું.
“બેટા, સ્નેહનાં બંધન લોહનાં બંધન કરતાંય વધારે વસમાં હોય છે. પરંતુ એક દિવસ એ બંધન તોડવાં જ પડે છે. મનુષ્ય નથી તોડતો તો કાળ અને કર્મ એને તોડાવે છે.”
મહારાણી મૌન થયાં. ખંડમાં ભારેખમ શાન્તિ પથરાઈ.
“વત્સ, જ્યાં સુધી તું સ્વીકૃતિ નહીં આપે ત્યાં સુધી તારા પિતાજી તારા રાજ્યાભિષેકની ઘોષણા કેવી રીતે કરાવે? રાજ્યાભિષેકનું મુહૂર્ત પણ જોવડાવવાનું છે... તારો રાજ્યાભિષેક કરીને પછી જ અમે ગૃહત્યાગ કરીશું... જ્યાં ગુરુદેવ અમિતગતિ હશે, ત્યાં જઈને ચારિત્રધર્મ સ્વીકારીશું...” - કુમાર કંઈક સ્વસ્થ બન્યો. તેણે માતાની સામે જોયું.. ગદ્ગદ સ્વરે તેણે કહ્યું : “માતા, તમારા માર્ગમાં હું વિજ્ઞભૂત નહીં જ બનું... કારણ... આચાર્ય શ્રી ધર્મઘોષનો ધર્મોપદેશ હું કેટલાક દિવસોથી સાંભળી રહ્યો છું. સંસારની વાસ્તવિકતાનો મને બોધ થયો છે... સાધુધર્મ શ્રેષ્ઠ છે, ઉત્તમ છે. પવિત્ર છે.. એ વાત નિઃશંકપણે મેં માની છે... આપ બંને એ માર્ગે જાઓ છો. આપનો માર્ગ પ્રશસ્ત બને... આપ એ કઠિન સાધધર્મનું શ્રેષ્ઠ પાલન કરી... આત્માને કર્મોનાં બંધનોથી મુક્ત કર... એ જ મારી ભાવના રહેશે.
વત્સ, તારી પાસેથી અમે આ જ પ્રત્યુત્તરની અપેક્ષા રાખી હતી. તું વિવેકી છે.” પિતૃભક્ત અને માતૃભક્ત છે.. બસ,
૨૮૪
ભાગ-૧ % ભવ બીજો
For Private And Personal Use Only
| SR No. | 008950 |
| Book Title | Samaraditya Mahakatha Part 1 |
| Original Sutra Author | N/A |
| Author | Bhadraguptasuri |
| Publisher | Mahavir Jain Aradhana Kendra Koba |
| Publication Year | 2007 |
| Total Pages | 523 |
| Language | Gujarati |
| Classification | Book_Gujarati & Literature |
| File Size | 15 MB |