Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
અમારા ઘરમાં સંપત્તિનો પાર ન હોતો... અને નંદયંતીને એક માત્ર વસ્ત્રાલંકારોનો મોહ હતો! એને આપતો, એ રાજી રહેતી. પણ એની માગવાની પદ્ધતિ ખોટી હતી. ખોટાં-ખોટાં બહાનાં બતાવીને એ માગતી હતી.
અવારનવાર મારી માતા અને મારી બહેનો મારું ધ્યાન ખેંચતાં હતાં. એમનાથી નંદયંતીનું કપટ સહન થતું ન હતું... છતાં હું એમને સમજાવતો અને શાંત પાડતો..
મેં એને નવાં રત્નકુંડલ બનાવી આપ્યાં. થોડા દિવસ ગયા પછી, એક દિવસ સ્નાન અને અભંગ કરાવવાના સમયે, મારા નામવાળું મુદ્રા-રત્ન નંદયંતીને સાચવવા આપ્યું. તેણે એના અલંકારોના ડબ્બામાં મૂકી દીધું.
મેં સ્નાન કર્યું, અવ્યંગ કરાવ્યું. પછી ભોજન કર્યું, તંબોલ લીધું અને ત્યાર બાદ નંદયંતીના દાગીનાના ડબ્બામાંથી મેં જાતે જ મારું મુદ્રારત્ન લીધું. ડબ્બો ખોલ્યો ત્યારે એમાં મેં પેલી રત્નકુંડલની જોડી જઈ! કે જે ખોવાઈ ગયાની વાત નંદયંતીએ કરી હતી. મને લાગ્યું કે ખોવાયેલી રત્નકુંડલની જોડી મળી આવી લાગે છે! હું એ જોડી જોતો હતો... ત્યાં ગભરાઈ ગયેલી નંદયંતી ત્યાં આવી. તે શરમાઈ ગઈ.. એના મુખ ઉપરનું પરિવર્તન મેં જોયું. હું કંઈ બોલ્યો નહીં અને જલદી ઘરમાંથી બહાર ચાલ્યો ગયો.
એ શૂન્યમનસ્ક થઈ ગઈ. તેને બહુ ભય લાગ્યો. ઘણાં વર્ષો પછી પહેલી જ વાર તેનું કપટ ખુલ્લું પડ્યું હતું. તેના મનમાં વિચારો આવ્યા : “તેમણે રત્નકુંડળ જોઈ લીધાં... હવે જરૂ૨ તેઓ સ્વજનોને વાત કરશે... મારી અપકીર્તિ થશે. પરંતુ હાલ તો તેમણે ઘરમાં આ વાત કોઈને કરી નથી. તેઓ જ્યારે આવશે ઘરમાં... ત્યારે જરૂર વાત કરશે? પછી હું સાસુને, સસરાને. નણંદોને... કોઈને મારું મોં દેખાડવા લાયક નહીં રહું. માટે તેઓ આવે... ઘરમાં, કે તરત જ એમનું મોત થઈ જાય, એવો પ્રયોગ કરું!'
જ્યારે નંદયંતી કુંવારી હતી, પિતૃગૃહમાં હતી, ત્યારે તેને એક જોગણ સાથે પરિચય થયો હતો. તેણે જોગણને સારું ભોજન કરાવેલું, સારાં વસ્ત્ર આપેલા.. તેથી જોગણે તેને કહેલું : “જો તું પરણીને સાસરે જઈશ... ત્યાં ગમે ત્યારે તને તારી સાસુ તરફથી, નણંદ તરફથી કે તારા વર તરફથી દુઃખ આવી શકે. એ વખતે તું શું કરીશ? તારા ઉપર પ્રસન્ન થઈને હું તને એક “કામણ-યોગ” બતાવું છું. તેનાથી તું તારા શત્રુને યમસદનમાં પહોંચાડી શકીશ! નંદયતી ખૂબ ખુશ થઈ ગઈ. તેને જોગણે કામણ-પ્રયોગ શિખવાડ્યો. અને તે ચાલી ગઈ.
આજે નંદયંતીને એ કામણ-પ્રયોગ યાદ આવ્યો.. એણે મને જ યમસદનમાં પહોંચાડવા તે પ્રયોગ કર્યો. તેણે કેટલાંક દ્રવ્યોનું સંયોજન કરી. લાલ વસ્ત્રમાં એને બાંધ્યું. એનામાં બાવળ-વૃક્ષની શુળ પરોવી દીધી... અને એ પોટલીને એણે ઘરના ૨૪
ભાગ-૧ ૪ ભવ બીજો
For Private And Personal Use Only
| SR No. | 008950 |
| Book Title | Samaraditya Mahakatha Part 1 |
| Original Sutra Author | N/A |
| Author | Bhadraguptasuri |
| Publisher | Mahavir Jain Aradhana Kendra Koba |
| Publication Year | 2007 |
| Total Pages | 523 |
| Language | Gujarati |
| Classification | Book_Gujarati & Literature |
| File Size | 15 MB |