Samaraditya Mahakatha Part 1

SR No.: 008950
Original Sutra Author: N/A
Author: Bhadraguptasuri
Publisher: Mahavir Jain Aradhana Kendra Koba
Publication Year: 2007
Total Pages: 523
Language: Gujarati
Classification: Book_Gujarati & Literature
File Size: 15 MB

Page 245

ચોરીનું કલંક ચઢાવવાની યોજના ઘડી.
અમારા નગરમાં, મારા પિતાના જેવા જ સમૃદ્ધ અને રાજમાન્ય સાર્થવાહ ચંદન શ્રેષ્ઠી વસતા હતા, તેમનો મારા પિતાજી સાથે સારો સંબંધ હતો. ચંદન શ્રેષ્ઠી મારા પિતાને ચાહતા હતા. મારા પિતાજીના ગુણોના તેઓ પ્રશંસક હતા.
યજ્ઞદ ચંદન શ્રેષ્ઠીના ઘરમાં ચોરી કરી. સોનાના અલંકારો, સોનાનાં ભાજનો, રનોના અલંકારો, મોતીની માળાઓ વગેરે મૂલ્યવાન વસ્તુઓની તેણે ચોરી કરી. ચોરીનો માલ એક કોથળામાં ભરીને વહેલી સવારે તે મારા ઘરે આવ્યો. મેં એને પૂછ્યું : 'મિત્ર, આટલી વહેલી સવારે કેમ આવવું પડ્યું?'
તેણે કહ્યું : “મિત્ર, હું કેટલીક મૂલ્યવાન વસ્તુઓ લાવ્યો છું. તે તારે તારા ઘરમાં સાચવી રાખવાની છે. મારું આટલું કામ તારે કરવું જ પડશે.”
મને શંકા પડી, મેં વિચાર્યું : “આ સમયે... આટલી બધી મૂલ્યવાન વસ્તુઓ લઈને આવ્યો છે... શું આ બીજા કોઈની તો નહીં હોય?’ મેં એને પૂછ્યું : “આ બધો માલ કોનો છે?”
તેણે કહ્યું : મારો જ છે. તું ચિંતા ના કર, યોગ્ય સમયે હું લઈ જઈશ...' તે કોથળો મને સોંપીને ચાલતો થયો.
મિત્ર-દાક્ષિણ્યના કારણે હું ઘસીને ના પાડી શક્યો નહીં. મેં એ કોથળો મારા ખંડમાં મૂકી દીધો.
દિવસનો એક પ્રહર પૂરો થતાં, નગરમાં વાત ફેલાણી કે “ચંદન શ્રેષ્ઠીની હવેલીમાં ચોરી થઈ છે. આ વાત સાંભળીને મારા પેટમાં ફાળ પડી. મારી શંકા દૃઢ થઈ: ‘શું યજ્ઞદત્ત ચોરીનો માલ તો મને આપી નથી ગયો? એના ઘરમાં આટલી બધી સંપત્તિ તો છે નહીં એ ક્યાંથી લાવ્યો હશે?”
હું તરત યજ્ઞદત્તના ઘેર ગયો. યજ્ઞદત્તને એકાંતમાં મેં પૂછ્યું “તું જે વસ્તુઓ મને આપી ગયો, તે કોની છે? સાચું બોલ. તેં શા માટે આમ કર્યું?
તેણે કહ્યું : “શું તને મારા પર વિશ્વાસ નથી? તું બીજો કોઈ ખોટો વિચાર ના કર. એ વસ્તુઓ પિતાજીથી છુપાવીને રાખવા માટે મેં તને સોંપી છે. હું તને સાચી વાત
યજ્ઞદને એ રીતે મને વાત કરી કે મારી શંકા દૂર થઈ ગઈ. મેં એના પર વિશ્વાસ મૂક્યો.
ચંદન શ્રેષ્ઠી મહારાજા ચંડશાસન પાસે ગયા. રાજાને કહ્યું : “મારા ઘરમાં ચોરી થઈ છે.' શ્રી સમરાદિત્ય મહાકથા