________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
હાથે રોપેલી પ્રિયંગુમંજરીનું કર્ણફૂલ બનાવીને કુમારને આપજે ને કહેજે પ્રિયંગુમંજરી મારું ગમતું ફૂલ છે.. મારા ગમતા પ્રિયતમને ભેટ આપું છું...” કુસુમાવલીએ મદનરેખાના મોઢા પર હાથ મૂકીને કહ્યું : “અરે, આવું તે કંઈ બોલાતું હશે? તું મને ખોટું ખોટું ના શખવી'
ખોટું નથી શીખવતી મારી સખી! હવે આવું બધું તારે શીખવું જ પડશે! પ્રેમ કરતાં તો તને આવડી ગયો, પ્રેમને ટકાવવાનું તારે શીખવું પડશે!'
પછી તારે નાગરવેલનું પાન-બીડું તૈયાર કરીને આપવાનું. હું એ બધી સામગ્રી લઈ આવી છું!
મારી પ્રિય સખીની જેવી આજ્ઞા!' કુસુમાવલી હસી પડી.
એટલું જ નહીં, સિકુમાર ચિત્રકળાના અનુરાગી છે. અને તે શ્રેષ્ઠ ચિત્રકાર છે! એક સુંદર ચિત્ર કુમારને આપવું જોઈએ.'
કેવું ચિત્ર કુસુમાવલીએ પૂછ્યું.
વિયોગથી ઝરતો હંસ, અને તેને મળવા માટે તલસતી એવી રાજહંસિકા! સરસ કલ્પના છે ને?”
મારી વહાલી સખીની કલ્પના મુજબનું ચિત્ર મારા ચિત્રકળાના ખંડમાં લટકે છે, મેં બે દિવસ પૂર્વે જ બનાવેલું છે, તે તું લઈ આવ.” મદનરેખા એ ચિત્ર, દોડતી જઈને લઈ આવી.
હવે એક છેલ્લી વાત-કુમારના ચિત્તને આનંદ પમાડે એવું એક નાનકડું ચમત્કૃતિ ભરેલું કાવ્ય બનાવીને આપ!'
એ કામ તો મારી સખીનું છે! તારા જેવી કવયિત્રી મારી સખી હોય... પછી મારું આટલું કામ તું ન કરી આપે?”
ભલે હું કાવ્ય બનાવી આપું છું...” “એ કાવ્ય આ ચિત્ર ઉપર લખવાનું! એટલે કે આ ચિત્રને અનુરૂપ કાવ્ય બનાવી દે!” મદનરેખાએ કાવ્ય બનાવી દીધું. ચિત્રની ઉપર એ લખી દીધું.
૦ ૦ ૦ રાજકુમાર ઉદ્યાનમાં આવીને માધવી લતા-મંડપમાં બેઠો હતો. ત્યાં સૌન્દર્ય હતું. સુવાસ હતી અને શીતલતા હતી. કુમારને ઉદ્યાન ગમી ગયું.
મદનરેખાએ રાજકુમારને લતામંડપમાં પ્રવેશતા જોઈ લીધા હતા. તેણે કુસુમાવલીને જાણ કરી.
૨૦૨
ભાગ-૧ * ભવ બીજો
For Private And Personal Use Only
