Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
શણગાર પૂર્ણ થયા પછી, બીજી બધી સખીઓને પ્રેમથી વિદાય આપી. બધી સખીઓએ એને શ્રેષ્ઠ ભાગ્યોદયની શુભેચ્છાઓ આપી, અને એણે પોતાની અંતરંગ સખી મદનરેખા સાથે ઉદ્યાનમાં પ્રવેશ કર્યો.
મહાસામંત લક્ષ્મીકાંત ઉદ્યાનને ખૂબ જ સુંદર બનાવેલું હતું. અનેક દ્રાક્ષ-લતાઓના મંડપ હતા. ત્યાં મયૂર ઠેલોની સાથે રમી રહ્યા હતા. અશોક વૃક્ષોની હારમાળાઓ ઉપર કોયલો ટહુકી રહી હતી. આમ્રવૃક્ષોની ઘટાઓમાંથી ભ્રમરનો ગુંજારવ ઊઠતો હતો. નિર્મળ જળથી ભરપૂર સરોવરની ચોરસ પાળ, કાળા અને લાલ પથ્થરની બનેલી હતી. પાળ ઉપર, ચારે બાજુ આઠ-આઠ અપ્સરાઓની નૃત્ય કરતી પ્રતિમાઓ ગોઠવવામાં આવી હતી. સરોવરમાં શ્વેત વર્ણના રાજહંસ તરી રહ્યા હતા.
નાગવલ્લીથી વીંટળાયેલાં સોપારીનાં વૃક્ષોની પંક્તિઓ અને માધવી-લતાના મંડપોથી ઉદ્યાન અતિશય આસ્લાદક બનેલું હતું. ધીમા-ધીમા પવનથી ડોલતાં કેળવૃક્ષો. અને એ વૃક્ષોની આસપાસ ઊગેલાં ચંપાનાં, મોગરાનાં, ગુલાબનાં અને જૂઈનાં ફૂલોની આવતી મઘમઘતી સોડમ.. સહેલાણીઓને રસતરબોળ કરતી હતી. ઠેર-ઠેર વહેતાં પાણીનાં ઝરણાં અને એ ઝરણાંઓની પાસે ઊભેલાં હરણીઓ અને તેમનાં નાનાં નાનાં બચ્ચાંઓ.... સ્વચ્છંદપણે ઊછળકૂદ કરી રહ્યાં હતાં. સંતાકૂકડી રમતાં ધોળાં-ધોળાં સસલાંઓ... નિર્દોષ પ્રમોદ પમાડતાં હતાં.
કુસુમાવલીનું આ પ્રિય ઉદ્યાન હતું. રોજ એ પોતાની અનેક સખીઓ સાથે ઉદ્યાનમાં એક-બે કલાક આનંદ-પ્રમોદ કરતી હતી. પરંતુ આજે એ બીજા જ પ્રયોજનથી અહીં આવી હતી. આજે એને એના ભાવી ભરથારને મળવાનું હતું. એને રીઝવવાનો હતો. પરંતુ આ વિષયમાં એ અનભિજ્ઞ હતી. ક્યારેય એણે કોઈ યુવક સાથે વાત સરખી પણ કરેલી ન હતી...!
એની મૂંઝવણ એની સખી મદનરેખા જાણતી હતી. મદનરેખાએ કુસુમાવલીને કહ્યું કે મારી પ્રિય સ્વામિની! પ્રિયજનનો સંયોગ પુણ્યકર્મના ઉદયથી થાય છે, એ સંબંધને ટકાવવા માટે હું તને કેટલાક ઉપાય બતાવું છું. મુખ પર ઈષતું સ્મિત સાથે પ્રિયજનને બોલાવવો. એને ગમે, પ્રિય લાગે એવાં વચનોથી વાત કરવી. પછી પુષ્પગુચ્છ ભેટ આપવો. પાન-તંબોલ આપવું! તેની કુશળતાની પૃચ્છા કરવી. અનુરાગપૂર્ણ દષ્ટિથી એની સામે જોવું... કસમાવલી શાન્તચિત્તે સાંભળતી હતી. મદનરેખાએ કહ્યું : “જો આજે તું, તારા
શ્રી સમરાદિત્ય મહાકથા
૨૦૧
For Private And Personal Use Only
| SR No. | 008950 |
| Book Title | Samaraditya Mahakatha Part 1 |
| Original Sutra Author | N/A |
| Author | Bhadraguptasuri |
| Publisher | Mahavir Jain Aradhana Kendra Koba |
| Publication Year | 2007 |
| Total Pages | 523 |
| Language | Gujarati |
| Classification | Book_Gujarati & Literature |
| File Size | 15 MB |