________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
તેમણે કહ્યું : “રાત્રિના પ્રથમ પ્રહરમાં.” તે પછી પાછા નથી પધાર્યા?' ના જી.' ચન્દ્રસેને આખો મહેલ જોઈ નાંખ્યો. એ ચિંતાગ્રસ્ત બની ગયો.
મહેલના પટાંગણમાં હજારો સ્ત્રી-પુરુષો મહારાજા-મહારાણીને વિદાય આપવા ભેગા થઈ ગયા હતા. મહારાજાના નામનો જયજયકાર કરી રહ્યા હતા.
મહામંત્રીની સાથે મંત્રીમંડળે મહેલમાં પ્રવેશ કર્યો. ચંદ્રસેને મહામંત્રીને વાત કરી. મહામંત્રી ચિંતા અને આશ્ચર્યથી સ્તબ્ધ થઈ ગયા. સહુ મહારાણી પાસે આવ્યા.
મા, સમગ્ર મહેલને જોઈ નાંખ્યો. ક્યાંય પિતાજીને જોયા નથી.' તો પછી તેઓ ક્યાં જાય?' સમજાતું નથી.'
ત્યાં જ દ્વારપાલે આવીને કહ્યું : “મહારાજા, ઉદ્યાનપાલક દોડતો આવ્યો છે, ને કહે છે. મારે અત્યારે જ મહારાજાને મળવું છે... ખૂબ ભયભીત લાગે છે એ.’
એને તરત જ અહીં લઈ આવ.” દ્વારપાલ ગયો અને ઉદ્યાનપાલકને લઈ આવ્યો. આવતાની સાથે જ પોક મૂકીને રડી પડયો. ને જમીન પર માથું પછાડવા લાગ્યો. ચન્દ્રસેને તેને પકડીને ઊભો કર્યો, પૂછયું : “કેમ રડે છે? શું થયું છે?' “મહારાજા... ભયંકર ઘટના બની ગઈ છે... ઉદ્યાનમાં... મહેલની પાછળ જ..” શું ઘટના બની?” જલદી બોલ...” મહારાજાને જોયા... જમીન પર પડેલા...'
છલાંગ મારતો ચંદ્રસેન ખંડની બહાર નીકળી ગયોએની પાછળ મહારાણી... પ્રભંજના.... મહામંત્રી વગેરે બધાં જ દોડી ગયાં.
મહેલનો પાછળનો દરવાજો ખુલ્લો હતો. ચન્દ્રસેન બહાર નીકળી ગયો. ઉદ્યાનપાલક તેની પાછળ જ હતો. તેણે જ્યાં રાજર્ષિ ગુણસનનો મૃતદેહ પડ્યો હતો, તે જગા બતાવી.
સહુ દોડીને ત્યાં ગયા..
ધૂળના ઢગલામાં રાજર્ષિનું અડધું શરીર દટાયેલું હતું. અડધું શરીર ઢગલા પર ઢળી પડેલું હતું... મહારાણી વસંતસેના કલ્પાંત કરતી ધૂળના ઢગલા પર ચઢી ગઈ. રાજર્ષિના મૃતદેહ પાસે બેસી પડી. “સ્વામીનાથ..... આ શું થઈ ગયું?” બોલતી જ્યાં શરીરને સ્પર્શ કરે છે... રાખ બની ગયેલું શરીર. તેમાંથી રાખ ખરવા માંડે છે. શ્રી સમરાદિત્ય મહાકથા
૧૭3
For Private And Personal Use Only
