________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
તેઓ ખંડમાં ગયા. શરીર પરથી બધા અલંકારો ઉતારીને પલંગ પર મૂક્યા. એક માત્ર અધોવસ્ત્ર રાખીને બાકીનાં બધાં વસ્ત્ર ઉતારી નાંખ્યાં. તેઓ મહેલના પાછળના દ્વારે પહોંચ્યા. દ્વારમાંથી બહાર નીકળી ઉદ્યાનમાં આવ્યા.
એક નિર્જીવ વિશુદ્ધ જગ્યા જોઈને ત્યાં ઊભા રહી ગયા. “હું મન-વચન-કાયાથી સર્વથા હિંસાનો ત્યાગ કરું છું. હું મન-વચન-કાયાથી સર્વથા મૃષાવાદનો ત્યાગ કરું છું. હું મન-વચન-કાયાથી સર્વથા ચોરીનો ત્યાગ કરું છું. હું મન-વચન-કાયાથી સર્વથા પરિગ્રહનો ત્યાગ કરું છું. હું સર્વે પરભાવોનો ત્યાગ કરું છું. સર્વે પરદ્રવ્યોના મમત્વનો ત્યાગ કરું છું. હું-સ્વ-ભાવમાં સ્થિર થાઉં છું. હું આ સ્થાને ઊભો રહીશ, સૂર્યોદય થશે ત્યાં સુધી. હું મૌન ધારણ કરીશ, સૂર્યોદય થશે ત્યાં સુધી. હું શુભ ધ્યાનમાં સ્થિર રહીશ, સૂર્યોદય થશે ત્યાં સુધી. હું જ્ઞાનમય આત્મા છું. હું કર્મોથી મુક્ત વિશુદ્ધ આત્મા છું. હું વીતરાગ છું. વીતષ છું. મારો આત્મા સ્વાધીન છે, સ્વતંત્ર છે. હું અનંત શક્તિનો પૂંજ છું. હું અરૂપી છું... અનામી છું.. હું જન્મ-મૃત્યુથી મુક્ત છું. મારાં સર્વ દુઃખો નાશ પામ્યાં છે. હું સુખમય છું... આનંદમય છું. મારા સર્વ વિકાર નાશ પામ્યા છે. હું નિર્વિકાર છું. નિરંજન છું. મારા સર્વ ક્લેશો નાશ પામ્યા છે. હું પરમ શાન્ત છું. પ્રશાંત છું. મારા સર્વે ભયો દૂર થયા છે. હું નિર્ભય છું.. ભયમુક્ત છું. અહો.. અહો... મને આત્મદર્શન થયું... ક્ષેત.. ધવલ જ્યોતિસ્વરૂપ આત્માનું દર્શન થયું...! હું ઘન્ય બન્યો! હું કૃતાર્થ બન્યો! મેં પરમ આનંદ અનુભવ્યો. અનંત જન્મોમાં નહીં અનુભવેલો આનંદ મેં આજે અનુભવ્યો!
મારાં સર્વે કન્ડો નાશ પામ્યાં... શ્રી સમરાદિત્ય મહાકથા
996
For Private And Personal Use Only
