Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
વિશાળ અને સુશોભિત મંત્રણાખંડમાં મહામંત્રી સહિત સર્વે મંત્રીઓ ઉપસ્થિત થયા. મહારાજા ગુણસેને તે સહુનો સત્કાર કર્યો. સહુ પોતપોતાનાં આસનો પર બેઠા. થોડીવાર મૌન છવાયું.
મહામંત્રીએ ઊભા થઈ, મસ્તકે અંજલિ જોડી વિનયથી પૂછયું : “કૃપાનાથ, અમને સહુને કેમ યાદ કર્યા? અમારા યોગ્ય અમને આજ્ઞા કરો.'
મંત્રીશ્વર. મેં ગૃહવાસનો ત્યાગ કરી, ગુરુદેવ આચાર્ય વિજયસેન પાસે જઈ, મહાપ્રવજ્યા સ્વીકારવાનો નિર્ણય કર્યો છે. મારી સાથે, મહારાણીએ પણ એ જ નિર્ણય કર્યો છે.'
સર્વે મંત્રીઓ ગંભીર બની ગયા. મહામંત્રીએ કહ્યું : “મહારાજા, મહાપુરુષો જીવનના ઉત્તરાર્ધમાં આવો જ વિચાર કરતા હોય છે. કારણ કે કમલપત્ર પર રહેલા જલબિંદુમાં પડતું ચંદ્રનું પ્રતિબિંબ જેમ ચંચળ હોય છે, તેવું ચંચળ આ જીવન છે. એવા ચંચળ જીવનમાં શાશ્વત ધર્મની આરાધના કરી લેવા ભવ્ય આત્માઓ પ્રમાદ નથી કરતા. માટે હે પ્રભો, આપને સુખ ઊપજે એમ કરો. શુભ કાર્યમાં વિલંબ ના કરવો જોઈએ.'
રહસ્યમંત્રી યશોધને કહ્યું : “ઘરની ચારે બાજુ આગ લાગી હોય, ત્યારે ઘરમાં રહેલા બુદ્ધિશાળી મનુષ્યને ઘરની બહાર નીકળતાં કોણ રોકે? આધિ-વ્યાધિની અગનજ્વાળાઓથી સંસાર-ઘર સળગી રહ્યું છે. મહારાજા! આપે કરેલા શુભ નિર્ણયને અમે વધાવીએ છીએ...'
સજળ નયને ઊભા થઈ રાજપુરોહિત સોમદેવ બોલ્યા : “અમારા પાલનહાર, આપના શુભ માર્ગમાં વિઘ્ન નથી કરવું. પરંતુ મને લાગે છે કે આપે બહુ વહેલો ગૃહત્યાગનો નિર્ણય કર્યો છે. હજુ વૃદ્ધાવસ્થાનો સ્પર્શ પણ નથી થયો... ત્યારે સંન્યાસ ગ્રહણ કરવાનું. મને નથી ગમતું. મારા નાથ.. આપના વિના આ મહેલ. રાજસભા... નગર.... અને રાજ... બધું જ સૂનું થઈ જશે.. અમે સહુ કોની પાસે જઈને અમારાં સુખ-દુઃખની વાત કરીશું? કોણ અમારી અને આ રાજ્યની પ્રજાની રક્ષા કરશે...? આપ અમને છોડીને ન જાઓ... ન જાઓ મહારાજા.”
સોમદેવ રડી પડ્યા. સર્વે મંત્રીઓ રડી પડ્યા. શોક અને વિષાદનું વાતાવરણ પ્રસરી ગયું.
મહારાજાએ ધીર-ગંભીર સ્વરે કહ્યું : “સોમદેવ, તમે રડો નહીં. મંત્રીશ્વરો, તમે સ્વસ્થ થાઓ. તમે સહુ સુજ્ઞ છો. આ લોક અને પરલોકના હિતને વિચારી શકો છો. આચાર્યદેવશ્રી વિજયસેનના પરિચયથી, એમના ઉપદેશથી અને એમણે આપેલા તત્ત્વજ્ઞાનથી મારો આત્મા જાગ્યો છે. પારલૌકિક હિત સાધી લેવાની તીવ્ર ઇચ્છા શ્રી સમરાદિત્ય મહાકથા
૧૫૩
For Private And Personal Use Only
| SR No. | 008950 |
| Book Title | Samaraditya Mahakatha Part 1 |
| Original Sutra Author | N/A |
| Author | Bhadraguptasuri |
| Publisher | Mahavir Jain Aradhana Kendra Koba |
| Publication Year | 2007 |
| Total Pages | 523 |
| Language | Gujarati |
| Classification | Book_Gujarati & Literature |
| File Size | 15 MB |