Samaraditya Mahakatha Part 1

SR No.: 008950
Original Sutra Author: N/A
Author: Bhadraguptasuri
Publisher: Mahavir Jain Aradhana Kendra Koba
Publication Year: 2007
Total Pages: 523
Language: Gujarati
Classification: Book_Gujarati & Literature
File Size: 15 MB

Page 170

‘દેવી, ગૃહવાસનો ત્યાગ કરવો સરળ હશે કદાચ, પરંતુ મહાવ્રતોનું પાલન કરવું સરળ નથી જ. કઠોર છે એ શ્રમણ્યનો માર્ગ. તમારો દેહ કોમળ છે.... ટાઢ અને તડકા, કાંટા અને કાંકરા.. તમે સહન નહીં કરી શકો...... શ્રમણ્યનો માર્ગ કષ્ટોથી ભરેલો છે...”
ગુરુદેવની કૃપાથી શ્રામણ્યનાં કષ્ટો સહવાની શક્તિ મળશે. કષ્ટો સહ્યા વિના તો કર્મોની નિર્જરા થવાની નથી.. રાચી-માચીને કરેલાં પાપોનો નાશ... સ્વેચ્છાએ કષ્ટો સહ્યા વિના સંભવિત નથી ને? આપ ચિંતા ના કરો નાથ, આપના પદચિહ્નો પર ચાલવાનો મારો પણ નિર્ણય છે.”
મહારાજા ગુણર્સન, વસંતસેનાનો નિર્ણય સાંભળી સ્તબ્ધ થઈ ગયા, એમણે ક્યારેય કલ્પના કરી ન હતી કે વસંતસેના ગૃહવાસ ત્યજી સાધ્વી બનશે!
દેવી, તમારો નિર્ણય અપ્રતિમ છે. તમારું સમર્પણ અદ્દભુત છે. તમે તમારા ઉત્તમ સત્ત્વની પ્રતીતિ કરાવી છે.”
પરંતુ સ્વામીનાથ, જો કાલે જ અહીંથી પ્રયાણ કરવું હોય તો કુમાર ચંદ્રસેનનો આજે જ રાજ્યાભિષેક કરી દેવો જોઈએ.”
મહારાજાએ કહ્યું : “હજુ મંત્રીમંડળને મારો નિર્ણય જણાવવો બાકી છે. તેમનો અભિપ્રાય પણ જાણવો આવશ્યક છે. કુમારના રાજ્યાભિષેક માટે રાજપુરોહિતને બોલાવી, આજનો દિવસ કેવો છે, એ જાણવું પણ આવશ્યક છે.'
અને રાજપુરોહિત આજના દિવસે રાજ્યાભિષેક કરવાની ના પાડે તો?” ‘તો વહેલામાં વહેલું શુભ મુહૂર્ત કાઢવા કહીશ....' “તો પછી આવતી કાલે આપણે પ્રયાણ...”
નહીં કરી શકીએ. વાંધો નહીં, હવે તમે સાથે છો... તમારા હાથે પ્રજાજનોને દાન અપાવીશ. જિનમંદિરોમાં મહોત્સવ રચાવીશ, નેહી-સ્વજનોને પ્રીતિ-ભોજન આપી તેમનો સત્કાર કરીશ. રાજ્યનાં બધાં જ સ્ત્રી-પુરુષોને બોલાવી તેમનું ઉચિત સન્માન કરીશ. કારાવાસોમાંથી કેદીઓને મુક્તિ આપીશ... અને જ્યારે શુભ મુહૂર્ત આવશે ત્યારે કમારનો રાજ્યાભિષેક કરી, બીજા જ દિવસે અહીંથી, ગુરુદેવ પાસે જવા પ્રયાણ કરી દઈશું!”
યોગ્ય અને ઉચિત છે આપની વાત. હું હવે મારા ખંડમાં જાઉં, આપ મંત્રીમંડળને બોલાવીને વાત કરી લ્યો.”
૦ ૦ ૦
ઉપર
ભાગ-૧ છે ભવ પહેલો