Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
એ જ ચંડાલણીના પેટમાં ગર્ભરૂપે પહોંચી જશે.
ચંડાળ-પુત્રી તરીકે તેનો જન્મ થશે. ઘરમાં કે બહારમાં, કોઈને તે પ્રિય નહીં બને. સહુ તેનો તિરસ્કાર કરશે... ચંડાલણી એને રોજ મારશે. પરંતુ ખાવાનું નહીં આપે, હજુ તો માંડ છ-સાત વર્ષની થઈ હશે... ત્યાં એક દિવસ ગામની બહાર ઉકરડામાં રમતી હશે ત્યારે લીલોછમ વિષધર કરડશે.. ને ત્યાં જ એનું પ્રાણપંખેરું ઊડી જશે.
ફરી પાછું એ જ ઊયદત્ત ધોબીનું ઘર ધોબીની “દનિકા' નામની દાસી છે. એ દાસીના પેટે જન્મ લેશે. ન સ્ત્રી, ન પુરુષ. નપુંસક હશે એ. જન્મથી જ અંધ હશે.” એની ઉંમર વધશે પણ શરીર નહીં વધે. એનું શરીર એક હાથનું જ રહેશે.
ઠીંગણો, આંધળો અને નપુંસક છોકરો કોને ગમે? એમાંય પાછો અભાગી, નિપુણ્યક અને નિ:સત્વ! નહીં માતા-પિતાને ગમે, નહીં ધોબી-ધંબણને ગમે.. ઠોકરો ખાશે. જમીન પર પટકાશે, માથું ફૂટશે. લોહી નીકળશે..... રુદન કરશે... પરંતુ કોઈ એની સાર-સંભાળ નહીં લે. જ્યાં જ્યાં એ જશે, લોકો એનો તિરસ્કાર કરશે. આ રીતે જીવન જીવતાં એક દિવસ આગમાં બળી મરશે.
પુનઃ ઊષદત્ત ધોબીના જ ઘરમાં જન્મશે.
એ જ દાસીના પેટે જનમશે. પગ વિનાની છોકરીરૂપે જનમશે. દાસીને આંખમાં પડેલા કણાની માફક તે ખૂંચશે. છોકરી પીઠને ઘસીને ચાલશે. “પીઠસર્પ' કહીને સહુ બોલાવશે. પેટ પૂરતું ખાવાનું નહીં મળે. શાન્તિથી સૂવાનું નહીં મળે. માતા-પિતા રોજ એને કટુવચનો સંભળાવશે, મારશે. કડકડતી ઠંડીમાં રાતભર એને ઘરની બહાર રાખશે..
અને એક દિવસ, પીઠના સહારે ઘસડાતી-ઘસડાતી એ રાજમાર્ગ પરથી પસાર થતી હશે ત્યારે કોઈ ઉન્મત્ત હાથી દોડતો આવશે, અને આ છોકરીને કચરી નાંખશે. એનું મૃત્યુ થશે.
મરીને પાછી એ જ ધોબીના ઘરમાં જન્મ લેશે. ઊષદત્તની પત્ની “કાલાંજનિકા ધોબણના પેટે પુત્રીરૂપે જનમશે. પારાવાર દુઃખ, ત્રાસ અને વેદનાઓ સહતીસહતી તે મોટી થશે. યૌવનનો પ્રારંભ પણ નહીં થયો હોય ત્યારે ધોબી એને ઉષરક્ષિત” નામના અતિ દરિદ્ર યુવક સાથે પરણાવી દેશે. ગર્ભવતી બનશે.... પ્રસૂતિના સમયે ઘોર પીડા ઊપડશે. તેનું મૃત્યુ થશે.
પુનઃ એ જ “કાલાંજનિકા” ધોબણના પેટે પુત્રરૂપે એનો જન્મ થશે. એનું નામ કિરાત' પાડવામાં આવશે. એનાં પાપ-કર્મ ઘણાં ઘણાં ભોગવાઈ ગયાં હશે, એટલે આ જન્મમાં એને માતા-પિતાનો થોડો સ્નેહ મળશે... પરંતુ આયુષ્ય લાંબું નહીં હોય.
ભાગ-૧ ૪ ભવ પહેલો
૧0
For Private And Personal Use Only
| SR No. | 008950 |
| Book Title | Samaraditya Mahakatha Part 1 |
| Original Sutra Author | N/A |
| Author | Bhadraguptasuri |
| Publisher | Mahavir Jain Aradhana Kendra Koba |
| Publication Year | 2007 |
| Total Pages | 523 |
| Language | Gujarati |
| Classification | Book_Gujarati & Literature |
| File Size | 15 MB |