Prit Kiye Dukh Hoy

SR No.: 008923
Original Sutra Author: N/A
Author: Bhadraguptasuri
Publisher: Mahavir Jain Aradhana Kendra Koba
Publication Year: 2009
Total Pages: 307
Language: Gujarati
Classification: Book_Gujarati & Story
File Size: 9 MB

Page 62

પર
પ્રીત કિયે દુઃખ હોય શ્રેષ્ઠી ધનાવહની ગગનચુંબી હવેલીમાં આનંદ હિલોળા લઈ રહ્યો હતો. નગરના અનેક શ્રેષ્ઠીઓ ધનાવહ શેઠને ધન્યવાદ આપવા આવી રહ્યા હતા. - અમરકુમારને અનેક મિત્રોએ ઘેરી લીધો હતો... બાલ્યકાળના સહપાઠી મિત્રો બાલ્યકાળની ઘટનાઓ યાદ કરી વાર્તા-વિનોદ કરી રહ્યા હતા. અમરકુમારના હૃદયમાં પારાવાર આનંદ ઘૂઘવી રહ્યો હતો.
જેની ઝંખના હતી પરંતુ આશા ન હતી. એવું મળી ગયું હતું. પછી આનંદ કેમ ન ઊછળે? આશાતીતની સહજ પ્રાપ્તિ.. પુરુષાર્થ વિના થયેલી પ્રાપ્તિ મનુષ્યને હર્ષથી ગદ્ગદ્ કરી દેતી હોય છે.
ભોજનનો સમય થઈ ગયો હતો. માતાએ અમરકુમારને ભોજન માટે બોલાવ્યો. પિતા-પુત્રને શેઠાણી ધનવતીએ પાસે બેસીને ભોજન કરાવતાં કહ્યું :
અરિહંત પરમાત્માની અને ગુરુજનોની અચિન્ય કૃપા વિના આવું ન બને! આપણા ઘરમાં રાજકુમારી પુત્રવધૂ બનીને આવે... એ શું સામાન્ય વાત
તમારી વાત સાચી છે. ચંપાનગરીના ઇતિહાસમાં આવી ઘટના આ પહેલી છે. કે રાજપરિવારની કન્યા વણિકકુળમાં પુત્રવધૂ થઈને આવે! મહારાજાએ મને મહેલમાં બોલાવીને જ્યારે આ વાત કરી ત્યારે હું તો સ્તબ્ધ જ થઈ ગયો હતો!'
ખરેખર, સુરસુંદરી તો સુરસુંદરી જ છે. આખી ચંપામાં એવી બીજી કન્યા જોવા નથી મળતી...”
ચંપામાં જ નહીં. ચંપાના રાજ્યમાં એવી કન્યા નથી – એમ જાણકારો કહે
શેઠ-શેઠાણી હૈયાના ઉમળકાથી વાતો કરે છે. અમરકુમાર મૌન છે.. ભોજન કરે છે... પણ મન સુરસુંદરીના વિચારોમાં મદઘેલું બનેલું છે. જલદી જમી લઈને તે પોતાના ખંડમાં પહોંચી ગયો. સુરસુંદરીની કલ્પના-મૂર્તિ એની સમક્ષ પ્રગટ થઈ.. અમર એની સાથે વાતો કરવા લાગ્યોપોતાના ભાગ્યને અભિનંદવા લાગ્યો. ભાવિ જીવનની સુખદ કલ્પનાની-ઇમારતો રચવા લાગ્યો...
શ્રેષ્ઠી ધનાવહે શ્રેષ્ઠ લગ્નોત્સવ ઊજવવાની યોજનાઓ ઘડી કાઢી. એકના એક પુત્રનો લગ્નોત્સવ ખૂબ ભવ્યતાથી ઊજવવાનો મનોરથ પ્રેમાળ અને ઉદાર પિતાના હૈયે પ્રગટે તે સ્વાભાવિક હતું. તેમાંય આ તો રાજાના વેવાઈ બન્યા હતા! પાસે અઢળક સંપત્તિ હતી.. પછી કસર શા માટે રાખે?