________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
૧૯૨
પ્રીત કિયે દુઃખ હોય
‘પણ પંખાની ખૂબી પહેલાં જાહેર ન કરીશ... યોગ્ય ગ્રાહક મળે તો જ બતાવજે.’
પંખો લઈને માલતી ચાર રસ્તા જ્યાં ભેગા થતા હોય ત્યાં પહોંચી, યોગ્ય જગ્યા શોધીને ઊભી રહી...’
‘પંખો લો... સવા લાખ રૂપિયામાં પંખો લો!'
લોકોનું ટોળું જામે છે... કોઈ હસે છે... કોઈ માલતીને ગાંડી માને છે...
‘પંખાની કિંમત તે સવા લાખ રૂપિયા હોતી હશે?' લોકો આપસમાં ચર્ચા કરે છે પણ કોઈ પૂછતું નથી કે ‘અરે માલતી, એવો તો ક્યો જાદુ છે આ પંખામાં કે તું સવા લાખ રૂપિયા માગે છે?'
પહેલો પ્રહર પૂરો થયો, પંખો લેનારો કોઈ મળ્યો નહીં.
બીજો પ્રહર વીતી થયો, પંખાને ખરીદનારો કોઈ મળ્યો નહીં.
ત્રીજો પ્રહર વ્યતીત થઈ ગયો... પંખાની પરખ કરનારો કોઈ મળ્યો નહીં. પરંતુ ચોથા પ્રહરમાં એક શ્રેષ્ઠી માલતી પાસે આવ્યો. તેણે પૂછ્યું:
'હે માલણ, એ તો કહે કે આ પંખામાં એવું તે શું છે કે એની કિંમત સવા લાખ રૂપિયા તું માગે છે?'
‘દાહજ્વરથી પીડાતા જીવનો દાહજ્વર મટાડી દે છે મારો જાદુઈ પંખો!' ‘શું વાત કરે છે? તો ચાલ મારી સાથે મારી હવેલીએ. મારો પુત્ર ઘણા દિવસોથી જ્વરાક્રાન્ત છે. જો એનો દાહજ્વર દૂર થશે તો તને સવા લાખ રૂપિયા રોકડા ગણી દઈશ.'
માલતી પંખો લઈને શ્રેષ્ઠીની સાથે એની હવેલીએ ગઈ. શ્રેષ્ઠીએ બીમાર પુત્ર પર પંખો વીંઝ્યો... જેમ જેમ પંખાની હવા પ્રસરવા માંડી તેમ તેમ શ્રેષ્ઠીપુત્રનો જ્વર શાંત થતો ગયો... તેને નિદ્રા આવવા લાગી.
‘માલણ, તારો પંખો સાચો... પંખો મારો ને રૂપિયા તારા!'
શ્રેષ્ઠીએ સવા લાખ રૂપિયા રોકડા ગણી દીધા. રૂપિયા લઈને ઝડપથી માલતી પોતાના આવાસે આવી. તેનો આનંદ માતો નહોતો. વિમલયશના ખંડમાં આવીને સવા લાખ રૂપિયા વિમલયશની સામે મૂકીને બેસી ગઈ!
‘વેચાઈ ગયો પંખો સવા લાખ રૂપિયામાં! કેવો અદ્ભુત પંખો બનાવ્યો તમે રાજકુમાર? તમે અદ્ભુત કલાકાર છો!’
For Private And Personal Use Only