Baar Prakarni Hinsa

SR No.: 008888
Original Sutra Author: N/A
Author: Chandrashekharvijay
Publisher: Kamal Prakashan
Publication Year: 2008
Total Pages: 192
Language: Gujarati
Classification: Book_Gujarati & Ahimsa
File Size: 607 KB

Page 49

બાર પ્રકારની હિંસાઓ
૪૯
છે. વળી જે ઈંડાં નિર્જીવ હોય તે ખાવામાં વેજીટેરીઅન લોકોને કશો વાંધો ન હોવો જોઈએ એમ પણ જોરશોરથી પ્રચારાઈ રહ્યું છે. આ વાત પણ સાવ જૂઠી છે. ચાલીસ વર્ષ પૂર્વે કોઈ અમેરિકને બહાર પડેલા પુસ્તકમાં વૈજ્ઞાનિક રીતે સાબિત કરવામાં આવ્યું છે કે, “નિર્જીવ કહેવાતાં ઈંડાંમાં પણ શ્વાસોચ્છવાસની પ્રક્રિયા સતત ચાલતી હોય છે. જ્યાં શ્વાસોચ્છવાસ ચાલતા હોય તે વસ્તુ નિશ્ચિપણે સજીવ હોય. વળી જીવ નીકળી ગયો હોય તેથી જો તે “નિર્જીવ' કહીને ખાવાને લાયક બની જતાં હોય તો કોઈ માનવ-મડદું પણ નિર્જીવ છે એટલે શું તે શાકાહારી લોકોને ખાવા લાયક બની જશે! કેવી હાસ્યાસ્પદ વાત !
પૂર્વે તો એવી વાત થતી હતી કે, ભારતની માંસાહારી પ્રજા માટે કતલખાનાં ચલાવવા પડે છે. હવે તો, પરદેશનું હૂંડિયામણ પામવા માટે પણ પુષ્કળ પ્રમાણમાં પશુ-કતલ કરાય છે. જો પહેલે તબક્કે માંસ-નિકાસને સદંતર બંધ કરી દેવાય તો ય ઘણી બધી પ્રાણીહિંસા અટકી જાય! પણ અફસોસ! ભારત સરકારને હૂંડિયામણનો હડકવા લાગુ થઈ ગયો છે ત્યાં બીજી શી આશા રાખી શકાય! માંસ દઈને ધન કમાતી આ સરકાર પેલા નીચ કશાય લોક જેવી નથી લાગતી? વળી આ વિદેશી-નાણાંનો ઉપયોગ તો શ્રીમંતોના ઉદ્યોગોની મશીનરી આદિ મેળવવા માટે જ થતો હોય છે !
ધોરણ અગિયારથી જ તમામ બાળકોને (ડોક્ટરની લાઈન ન લેવી હોય તો પણ) દેડકાં વગેરેનું “ડસેક્શન' એકદમ ફરજિયાત બનાવાયું છે. એની પાછળનો હેતુ કહેવાય છે કે તેમ કરવાથી માનવ અંગોનો અભ્યાસ કરવા મળે; પરંતુ આ નર્યું જૂઠાણું છે. ખરેખર તો ભારતીય પ્રજા પોતાના હાથે પ્રાણીઓને ચીરતી થઈ જાય એટલે એનું દયાર્દુ હૈયું ખતમ થાય. બસ પછી તેને માંસાહારી બનાવતાં ઝાઝી વાર ન લાગે. જો પ્રજા માંસાહારી બને તો પછી તેને ક્રિશ્ચિયન બનાવતાં ય ઝાઝી વાર ન લાગે. વિદેશી ગોરાઓ વિશ્વમાં એક જ ઈસાઈ ધર્મ અને એક જ ગોરો વર્ણ ઊભો રાખવાના દઢ સંકલ્પને વરેલા છે. એ લક્ષથી જ આ બધું હિંસક તંત્ર ગોઠવાઈ રહ્યું છે.
આ કાવતરાબાજો તો દૂધને પણ “પ્રાણીજ' કહીને પોતાને મહાઅહિંસક કહેવા લાગ્યા છે અને દૂધ પીતા હિન્દુઓને માંસાહારી કહેવા લાગ્યા છે! આની પાછળ પણ તેમની એક એવી ભેદી ચાલ છે કે આ રીતે તેઓ દૂધનો ઉપયોગ બંધ કરાવી દે તો દૂધ જ દેતાં ગાય, ભેંસ વગેરે પ્રાણીઓ તદ્દન નકામાં બની જાય. એમ થતાં એમની કતલ કરી નાંખવાનું કામ સાવ સહેલું બની જાય.