Page Text
________________
બાર પ્રકારની હિંસાઓ
તાઈવાનના બજારમાં બાટલી ભરેલું વાઘનું લોહી ૨૮ ડૉલરમાં અને વાઘનું હૃદય ૭૫ ડોલરમાં વેચાતું મળે છે. હોંગકોંગના ગોંગ્સી વિસ્તારમાં ફ્રેન્સી ફૂડનું બજાર છે. તેમાં કલ્પના ય ન કરી શકાય એવી માંસાહારી વાનગીઓ ખાવા દેશવિદેશથી લોકો આવે છે. કાચબાનો સૂપ, વાંદરાનું કલેજું, વાઘનું હૃદય ને દીપડાના ગરમ માંસમાંથી બનાવેલી વાનગી માણનારા ઊંચી કિંમત ચૂકવીને અનોખા માંસાહારને લહાવો ગણે છે. આવા આસુરી આહારના શોખીનોને સંતોષવા ખાતર ચીન, બર્મા, વિયેટનામ અને થાઈલેન્ડમાં જંગલમાંથી પકડેલાં પશુઓની નિર્મમ હત્યા દ્વારા અઢળક કમાણી થાય છે.
એક બાજુ પૃથ્વી પર નામશેષ થઈ રહેલાં પ્રાણીઓનું જતન કરવા કરોડો રૂપિયા ખર્ચ માનવી અભયારણ્ય બનાવે છે તો બીજી તરફ કાળા માથાના એ જ માનવ દાણચોરીના માર્ગે ચોરીછૂપીથી પ્રાણીઓની હેરાફેરી કરી અનેક ઉપયોગ માટે તેનો વેપાર કરીને તેનો વિનાશ નોતરવામાં નિમિત્ત બની રહ્યો છે.
ધરતી પર ખાવાનું ધાન્ય ખૂટી ગયું હોય, માંસાહાર માટે સામાન્ય રીતે ઉપયોગમાં લેવાતાં ઘેટાં, બકરા, ડુક્કર વગેરેની કારમી તંગી વર્તાતી હોય તો આવાં જંગલી પશુઓની હત્યા લેખે લાગે. પરંતુ સ્વાર્થી માનવજાત માત્ર પેટનો ખાડો પૂરવા માટે જ નહી., સૌંદર્ય વધારવા, પોતાનું આરોગ્ય જાળવવા, મનોરંજન મેળવવા કે લકઝરી લાઈફ માણવા મૂંગાં પ્રાણીઓ પર ઘાતકી અત્યાચાર કરે છે. વિવિસેકશન જેવા ફેશનેબલ નામ સાથે વિજ્ઞાનના નામે છતાં તદન અવેજ્ઞાનિક રીતે, કોઈ પણ જાતની બેભાન કરવાની દવા વગર, જીવતાં-જાગતાં પ્રાણીઓ પર જે ખતરનાક પ્રયોગો થઈ રહ્યા છે તે જાણીને આઘાત, અચંબો, અચરજ અને અનુકંપાની મિશ્ર લાગણી સાથે કમકમાં આવ્યા વગર રહેતાં નથી.
નાના ઉદરથી માંડી અનેક પક્ષીઓ, દેડકાં, સસલાં, બિલાડી, કૂતરા, બકરાઘેટાં, વાંદરા, ઘોડા વગેરે પ્રાણીઓ પર વિજ્ઞાનીઓ મનફાવે એવા ત્રાસદાયક અસંખ્ય પ્રયોગો કરે છે. આવા પ્રયોગોમાં જાનવરોને જીવતા થિજાવી દેવાના, ગરમ પાણીમાં ઉકાળવાનાં. ઝેરી કે નશીલાં દ્રવ્યોનાં ઈંજેકશનો આપવાના, કૃત્રિમ રીતે અસહ્ય ગાંઠો કે ચાંદાઓ પેદા કરવાનાં, જુદા જુદા અવયવોને સભાન અવસ્થામાં કાપી નાખવાના અમાનુષી અત્યાચાર થતા જ રહે છે. - હંમેશા તરોતાજા રહેવા ઈચ્છતો મનુષ્ય પોતાની સુખાકારી જાળવવા જે દવાનો આશરો લે છે તેનાં શોધ-સંશોધનમાં લાગેલું આધુનિક મેડિકલ સાયન્સ જ નિર્દોષ
| SR No. | 008888 |
| Book Title | Baar Prakarni Hinsa |
| Original Sutra Author | N/A |
| Author | Chandrashekharvijay |
| Publisher | Kamal Prakashan |
| Publication Year | 2008 |
| Total Pages | 192 |
| Language | Gujarati |
| Classification | Book_Gujarati & Ahimsa |
| File Size | 607 KB |