Page Text
________________
(૩) પતિ-પત્નીમાં મતભેદ !
૪૫
પતિ-પત્નીનો દિવ્ય વ્યવહાર
મત મને અહીં સોંપી દે.
પ્રશ્નકર્તા : આપી દીધા, દાદા. દાદાશ્રી : હં... સોંપી દે ને ! પ્રશ્નકર્તા ઃ લઈ લો તમે. એટલે મત જ નહીં રાખવો ?
દાદાશ્રી : મત જ નહીં રાખવો જોઈએ. વળી બન્નેએ શાદી કરી પછી મત જુદો કેવો ? બન્નેએ શાદી કરી પછી મત જુદો રખાતો હશે ?
પ્રશ્નકર્તા : રખાય નહીં પણ રહે.
દાદાશ્રી : તે આપણે કાઢી નાખવાનો. જુદો મત રખાતો હશે ? નહીં તો શાદી નહોતી કરવી, શાદી કરી તો એક થઈ જાવ.
પ્રશ્નકર્તા ઃ મત ના રાખીએ તો દુનિયામાં આપણને ગાંડા ગણે. બુદ્ધિ ઓછી છે એવું કહે.
દાદાશ્રી : ભલે ગાંડા કહે, દુનિયા ગમે તે કહે, પણ આપણે ઘેર તો શાંતિ રહે. દુનિયાને તો એમ કરીને ઝઘડા કરાવવા છે. મત ૨ખાવડાવા છે. ગાંડા કહે, નહીં ?
પ્રશ્નકર્તા : હા.
દાદાશ્રી : બીજા ગાંડા હશે નહીં આ દુનિયામાં ? આખું વર્લ્ડ મેન્ટલ હોસ્પિટલ જ છે.
મતભેદ પડે એટલે બહુ મજા આવે, નહીં ? તે ઘડીએ ? પછી જાણે નાસ્તો કર્યો હોય એવું લાગે ! કે ના ગમે ? તું કહેતી નથી, બોલતી નથી કંઈ ?
પ્રશ્નકર્તા : મતભેદ કોઈને ના ગમે.
દાદાશ્રી : તો પછી બંધ કરી દેવા જોઈએ. એવું છે, એમાં સરકારનો અધિકાર નથી આપણી પર દબાણ નથી. જો સરકારનું દબાણ હોય તો ના
જાય, પણ આ તો આપણે આપણી પોતાની મેળે કાઢી નાખવાના છે. એટલે બંધ કરી દેવા એને. ના ગમતા હોય તો બંધ કરી દેવામાં વાંધો શો છે ? ક્યારે બંધ કરી દેશો હવે ?
પ્રશ્નકર્તા : એમને જ પૂછો. દાદાશ્રી : હા.
પ્રશ્નકર્તા: અહીંયાં જ પહેલાં મતભેદ થઈ ગયા. હું કરું કે એ બંધ કરે ?
દાદાશ્રી : હા. એટલે મતભેદ કરીને શું કામ છે, આપણે ભેગું રહેવું, વહેંચવું નથી, વહેંચવું હોય તો વહેંચી નાખો આ ડૉલર કે ભઈ, આટલા ડૉલર તમારા ને આટલા ડોલર મારા, પણ મતભેદ ના કરવા.
પ્રશ્નકર્તા : મતભેદ વગર તો જીવન અશક્ય જ હોય.
દાદાશ્રી : એવું આપણે તો અશક્ય કેમ કહેવાય તે ? કોઈને મતભેદ ના પણ હોય.
પ્રશ્નકર્તા : અપવાદ નથી માન્યામાં આવતું.
દાદાશ્રી : તમને (મહાત્માઓને) મતભેદ છે? કોઈ જાતનો નહીં ? આમને મતભેદ નહીં હોય ? મતભેદ નથી, કહે છે. ખરી વાત કહે છે. તમને માન્યામાં આવે ?
પ્રશ્નકર્તા : નિકાલી મતભેદ હોય, નિકાલી !
દાદાશ્રી : પણ એને મતભેદ જ ના કહેવાયને, નિકાલી એ વસ્તુ મતભેદ જ ના કહેવાય. તે મતભેદ જોયેલો. અહીં સત્સંગમાં આવ્યા ત્યારથી ?
પ્રશ્નકર્તા : નથી જોયો.
દાદાશ્રી : મેંય નથી જોયો આટલા વર્ષોમાં, કોઈ થોડોકેય મતભેદ પડ્યો હોય એવું ! મતભેદ પડે તો કામનું જ શું લાઈફમાં?
| SR No. | 008866 |
| Book Title | Pati Patni No Divya Vyavahar Granth |
| Original Sutra Author | N/A |
| Author | Dada Bhagwan |
| Publisher | Mahavideh Foundation |
| Publication Year | 2007 |
| Total Pages | 293 |
| Language | Gujarati |
| Classification | Book_Gujarati & Akram Vigyan |
| File Size | 80 KB |