Page Text
________________
૧૩૪
આપ્તવાણી-૩
ઉપરી બનાવવાની મેલો ને પીડા ! આ ભગવાનને ઉપરી બનાવવો તેનાં કરતા આપણી ‘વાઇફને ઉપરી બનાવીએ તો એ ભજિયાં તો બનાવી આપે ! અલ્યા, તું પોતે જ ભગવાન છે. પણ તે જાણતો નથી. જ્યાં સુધી આ જાણતા નથી ત્યાં સુધી ભગવાનને ઉપરી તરીકે માથે રાખે છે, પણ ક્યા ભગવાન ? જો તારે ભગવાનને જ ઉપરી રાખવા હોય તો ક્યા ભગવાનને રાખીશ ? ઉપરવાળાને નહીં. ઉપર તો કોઈ બાપો ય નથી, ઉપર તો ખાલી આકાશ છે. ભગવાન તો મહીં બેઠા છે તે છે. ખરી ‘થિયરી’ તો મહીં બેઠા છે તે જ ભગવાન છે. તેનું નામ “શુદ્ધાત્મા'. તેને ગમે તે નામ આપો, પણ મહીં બેઠેલાની જ તપાસ કરે તો કામ થશે. ભગવાન ઉપર છે, ઉપર છે-એમ ગપ્પાં મારે, કાગળો લખે, વિનંતી કરે કશું વળે નહીં.
બાકી લોકો ભગવાનનું અવલંબન લે છે, પણ તે શાના આધારે? ભગવાનને ઓળખ્યા વગર તેમનું સીધું અવલંબન શી રીતે લેવાય ? ભગવાનની તો પહેલી ઓળખ જોઇએ. જગત આખું ભગવાનને જાણતું જ નથી.
[૧૦] જગસંચાલકની હકીકત !
જેને ભગવાન માને છે ...
... એ તો ‘મિકેનિકલ એડજસ્ટમેન્ટ' !
કોઇ બાપો ય તમારો ઉપરી નથી. કોઇ ઉપરી જ નથી, કોઈ બોસ નથી. વગર કામનો ભડક ભડક કરે છે. અરે, ભગવાને ય તારો ઉપરી નથી. તું પોતે ભગવાન છે, પણ તેનું ભાન થવું જોઇએ. અને જયાં સુધી પોતે ભગવાન છે તેવું ભાન ના થાય, ત્યાં સુધી ભગવાનને ઉપરી માનવા જોઇએ, ત્યાં સુધી ભગત રહેવું જોઇએ અને ભાન થયા પછી ભગતપણું છૂટું !
કોઇ બાપો ય તારો ઉપરી નથી, તેની આ ‘ગેરેન્ટી’ આપું છું. આ તો વગર કામની ભડક ઘૂસી ગઈ છે કે “આમ કરી નાખશે, તેમ કરી નાખશે.” માટે તારે ભડકવાનું કોઇ કારણ નથી, અને તારું ‘વ્યવસ્થિત હશે તો તને કોઇ છોડવાનું નથી. આ ‘ઇન્કમટેક્ષ'વાળાનું કાગળિયું આવ્યું કે શેઠ ભડકી મરે. અલ્યા, આ કાગળિયું તો તારા ‘વ્યવસ્થિત'માંનો એક એવિડન્સ છે. ‘ઇન્કમટેક્ષ'વાળો કઇ સરમુખત્યાર નથી. માટે ભગવાનને
આ જગતને જે શક્તિ ચલાવી રહી છે તેને જ આખું જગત ભગવાન માને છે. ખરેખર જગત ચલાવનારો ભગવાન નથી. એ તો એક ‘મિકેનિકલ એડજસ્ટમેન્ટ’ છે, “કોમ્યુટર’ જેવું છે. “મશીનરી’ વીતરાગ હોય કે રાગદ્વેષવાળી હોય ?
પ્રશ્નકર્તા: વીતરાગ હોય.
દાદાશ્રી : તે આ જગત ચલાવનાર શક્તિ વીતરાગ છે. ‘મિકેનિકલ એટજસ્ટમેન્ટ’ છે તેને લોકો જાણે કે આ જ ભગવાન છે. આ શક્તિમાં વીતરાગતાનો ગુણ ખરો, પણ એ શક્તિ ભગવાન છે જ નહીં, એ તો “ઓન્લી સાયન્ટિફિક સરકમસ્ટેન્શિયલ એવિડન્સ’ છે. પણ લોકોને એનું ભાન નથી, બેભાનપણાથી બધું ચાલે છે. અને પોતાના સ્વરૂપનું જેને ભાન થઇ ગયું ત્યાર પછી તેનો ‘એવિડન્સ' બદલાય છે. એ છૂટો
| SR No. | 008826 |
| Book Title | Aptavani 03 |
| Original Sutra Author | N/A |
| Author | Dada Bhagwan |
| Publisher | Dada Bhagwan Foundation |
| Publication Year | 2003 |
| Total Pages | 166 |
| Language | Gujarati |
| Classification | Book_Gujarati & Akram Vigyan |
| File Size | 95 KB |