Aptavani 03

SR No.: 008826
Original Sutra Author: N/A
Author: Dada Bhagwan
Publisher: Dada Bhagwan Foundation
Publication Year: 2003
Total Pages: 166
Language: Gujarati
Classification: Book_Gujarati & Akram Vigyan
File Size: 95 KB

Page 41

આપ્તવાણી-૩
દાદાશ્રી : એ સત્તામાં તો કોઈ ઉપરી જ નહી. પરમાત્મા પણ ઉપરી ના હોય એનું નામ સત્તા કહેવાય.
જ્ઞાતી થકી, સ્વસત્તા પ્રગટ થાય !
તમને મેં તમારી પરમાત્મશક્તિ ‘ઓપન કરી આપી છે. એ જ સંપૂર્ણ સત્તા છે. જે સત્તા પરથી કોઇ ઉઠાડી મેલે એને સત્તા જ કેમ કહેવાય ? સ્વસત્તા આગળ તો પરમાત્મા પણ નામ ના દઇ શકે. અત્યારે તમારી પાસે જે ધન છે તે પરમાત્મા પાસે પણ નથી.
પ્રશ્નકર્તા : એ કઈ રીતે ?
[૫]
સ્વપરિણામ - પરસ્પરિણામ
દાદાશ્રી : પરમાત્મા પાસે રેકર્ડ નથી. બોલવા-ચાલવાની બીજી મિકેનિકલ શક્તિ નથી. એટલે એ બીજાનું કંઇ જ કલ્યાણ ના કરી શકે !
જ્યારે તમે સ્વસત્તા સાથે લોકોનું કલ્યાણ કરી શકો ! માટે વાતને સમજો. કરવાનું કંઇ જ નથી. જ્યાં જ્યાં કરવાનું છે એ મરે છે ને સમજવાનું છે ત્યાં મુક્ત છે. આપણું કોઇ ઘોર અપમાન કરે તો તે બીજાની સત્તા આપણી ઉપર ચઢી બેસવી ના જોઇએ. અપમાને તો શું પણ નાક કાપી લે તો ય બીજાની સત્તા માન્ય ના કરીએ ! એની અસર ના થવા દઇએ.
સ્વપરિણતિ એટલે.. ...
હવે આત્મા પ્રાપ્ત થયા પછી શું ? જેટલો જેટલો શુધ્ધ ઉપયોગ રહે તેટલી સ્વસત્તા ઉત્પન્ન થાય. અને સંપૂર્ણ સ્વસત્તા ઉત્પન્ન થઇ ગઇ તો એ ભગવાન થઇ ગયો ! પુદ્ગલ એ પરસત્તામાં છે. અને આત્મા પણ, જયાં સુધી સ્વરૂપનું જ્ઞાન નથી થયું ત્યાં સુધી પરસત્તામાં જ છે. જ્ઞાની મળે અને આત્મા સ્વસત્તામાં આવે ત્યાર પછી પુદ્ગલનું જોર નરમ પડે અથવા મૃતઃ પ્રાય થાય. જેમ પુરુષાર્થ વધે તેમ પુદ્ગલ નરમ પડતું જાય. એક કલાક શુધ્ધાત્માપદમાં બેસી પ્રતિક્રમણ કરો તો સ્વસત્તાનો અનુભવ થાય.
પરિણતિ એટલે શું? જે સ્વાભાવિક જ થયા કરે, એમાં કશું કરવું ના પડે છે. આ પુદ્ગલની ક્રિયાઓ જે ‘વ્યવસ્થિત કરે છે એમાં ‘હું કરું છુંઆવું ભાન ઉત્પન્ન થવું ના જોઇએ. એ ‘વ્યવસ્થિત'નાં પરિણામ છે, તેને ભગવાને પરપરિણામ કહ્યા. પરપરિણામને પોતે ‘હું કરું છું” એમ માનવું એનું નામ પરપરિણતિ. અને તેનાથી સંસાર રહ્યો છે. સ્વપરિણતિને ભગવાને મોક્ષ કહ્યો છે.
પ્રશ્નકર્તા : સ્વપરિણતિ એટલે શું ?
દાદાશ્રી : “ચંદુલાલ' જે બધું કરે છે તે ‘વ્યવસ્થિત' કરાવે છે, તેને ‘આપણે’ ‘જોયા’ કરવાનું છે, એનું નામ સ્વપરિણતિ. ખરા-ખોટાની ભાંજગડ કરવાની નહીં. તેમાં રાગે ય નહીં કરવાનો ને કે ય નહીં રાખવાનો.