Page Text
________________
આપ્તવાણી-૩
છે. ક્રોધ, માન, માયા, લોભ થાય છે તે પરસત્તાને આધીન થાય છે. તમારી સ્વસત્તા તમે જોઇ નથી, તેનું તમને ભાન નથી. સ્વસત્તાનું ભાન થાય તો તે પોતે પરમાત્મા થઈ શકે છે. એક ક્ષણ વાર પણ સ્વસત્તાનું ભાન થાય તો તે પરમાત્મા થાય!
૩૯
આ બોલવાની ય શક્તિ મારી નથી. આ બોલે છે તે ‘ટેપરેકર્ડ’ છે અને તમે બોલો છો તે તમારું ય ‘ટેપરેકર્ડ’ છે. તમે ‘ઇગોઇઝમ’ કરો છો ને હું ‘ઇગોઇઝમ’ કરતો નથી, એટલો જ ફેર છે.
જીવ શાથી બળે છે ? પોતાની જગ્યાએ બેસે તો કશી જ ઉપાધિ નથી. બીજાના ઘરમાં હો તો બીક ના લાગે ? તમે પરક્ષેત્રે બેઠા છો, પરના સ્વામી થઇ બેઠા છો અને સત્તા ય પરસત્તા વાપરો છો. ‘સ્વ’ને, સ્વક્ષેત્રને અને સ્વસત્તાને જાણતા જ નથી.
પરસત્તાને જાણવી, ત્યાં સ્વસત્તા !
પ્રશ્નકર્તા : સ્વસત્તામાં રહી માણસ અર્થનો માલિક કેમ નથી બની શકતો ?
દાદાશ્રી : શા અર્થનો ?
પ્રશ્નકર્તા : રિધ્ધિ, સિધ્ધિ, સ્ટેટસના અર્થનો માલિક કેમ નથી ?
દાદાશ્રી : ‘પોતે’ એનો માલિક હોય જ નહીં. એ બધી ‘ટેમ્પરરી’ વસ્તુઓ છે. એ તો એની મેળે એનો ઉદય આવે ને પ્રગટ થાય, પણ એ જ્ઞાનનો ધર્મ નથી.
પ્રશ્નકર્તા : સ્થિતપ્રજ્ઞ દશામાં સંયોગોનો માલિક થાયને ?
દાદાશ્રી : જ્યાં સુધી કશાનો ય માલિક છે ત્યાં સુધી સ્થિતપ્રજ્ઞ દશા ના થાય. માલિકીપણું છુટવું જોઇએ.
પ્રશ્નકર્તા : સાથે સાથે ગુલામ પણ રહેવું ના જોઇએ ને ? દાદાશ્રી : ગુલામ છે જ નહીં, ચંદુલાલ ગુલામ. તું પોતે શેનો
આપ્તવાણી-૩
ગુલામ ? દેહધારી માત્ર ગુલામ જ છે. બધા ‘વ્યવસ્થિત'ના ગુલામ છે. તું ‘શુધ્ધાત્મા’ ગુલામ છે જ નહીં.
४०
પ્રશ્નકર્તા : ઇશ્વર આ બધું તેના અંકુશમાં કેમ નથી લેતો ? દાદાશ્રી : ઇશ્વરના હાથમાં જ નથી કંઇ પણ લેવાનું ! પ્રશ્નકર્તા : દિલ કેમ કાબૂમાં નથી રહેતું ?
દાદાશ્રી : કાબૂમાં કશું રાખવાનું જ નહીં. એ રહે પણ નહીં. એ પરસત્તા છે. એને તો ‘જાણ્યા’ કરવાનું કે આ બાજુ કાબૂમાં રહે છે ને આ બાજુ કાબૂમાં નથી રહેતું. જાણે છે એ આત્મા છે.
અહો ! જ્ઞાતીએ સ્વસત્તા કોને કહીં !!
પ્રશ્નકર્તા : ‘ક્ષણે ક્ષણે સ્વ-સત્તામાં રહી સ્વસત્તાનો જ ઉપભોગ કરું.’ તો સ્વસત્તા તો આપે આપી જ છે, તેનો ઉપયોગ શી રીતે કરું ? અને પરસત્તામાં પ્રવેશ ના કરું તો તે કઇ રીતે? એ વિગતથી સમજાવો.
દાદાશ્રી : તમામ ક્રિયામાત્ર પરસત્તા છે. ક્રિયામાત્ર ને ક્રિયાવાળું જ્ઞાન પણ પરસત્તા છે. જે જ્ઞાન અક્રિય છે, જ્ઞાતાદષ્ટા અને પરમાનંદી છે. જે આ બધી ક્રિયાવાળા જ્ઞાનને જાણે છે તે આપણી સ્વસત્તા છે, ને તે જ ‘શુધ્ધાત્મા’ છે.
પ્રશ્નકર્તા : સંસારી માણસોએ સ્વસત્તાનો ઉપયોગ કેવી રીતે
કરવો ?
દાદાશ્રી : જ્ઞાતા, દષ્ટા ને પરમાનંદી રહેવું. મન, વચન, કાયા સ્વભાવથી જ ‘ઇફેકટિવ’ છે. ઠંડીની ‘ઇફેકટ' થાય. ગરમીની થાય, આંખ ખરાબ જુએ તો ચીતરી ચઢે, કાન ખરાબ સાંભળે તો અસર થાય. તે આ બધી ‘ઇફેકટ’ને આપણે જાણીએ. આ બધું ‘ફોરેન ડિપાર્ટમેન્ટ’નું છે, ને આપણું ‘હોમ ડિપાર્ટમેન્ટ' છે.
પ્રશ્નકર્તા : સ્વસત્તા સર્વોપરી હોય ?
| SR No. | 008826 |
| Book Title | Aptavani 03 |
| Original Sutra Author | N/A |
| Author | Dada Bhagwan |
| Publisher | Dada Bhagwan Foundation |
| Publication Year | 2003 |
| Total Pages | 166 |
| Language | Gujarati |
| Classification | Book_Gujarati & Akram Vigyan |
| File Size | 95 KB |