SearchBrowseAboutContactDonate
Page Preview
Page 18
Loading...
Download File
Download File
Page Text
________________ કોમનસેન્સની પૂ. દાદાશ્રી વ્યાખ્યા કરે છે કે ‘એવરીવેર એપ્લીકેબલ, થીયરેટિકલ એઝ વેલ એઝ પ્રેકિટકલી !' જોઇએ.” “આપણું હોવું જોઇએ. ઘરનાં ઊંધું કરે ત્યારે પોતે છતું કરે એ સમક્તિની નિશાની. પરણવાનો વાંધો નથી. સંસાર તો ‘ટેસ્ટ એકઝામિનેશન’ છે. તેમાં ‘ટેસ્ટેડ’ થાય તો જ મોક્ષે જવાય. ભરત ચક્રવર્તીને તેરસો રાણીઓ હતી છતાં તે મોક્ષે ગયા ! મતભેદ થવાનું કારણ ઘોર અજ્ઞાનતા ! પુરુષમાં ‘વક્કર’ના હોય તો જ સ્ત્રી પુરુષને ના ગાંઠે. પહેલાં પુરુષે ‘વક્કર’ પાડવો જોઇએ. સ્ત્રીની કેટલીક ભૂલો પોતે સમજીને સમાવી લે તો તેનો સ્ત્રી પર પ્રભાવ પડે. આ તો દાળમાં મીઠું ઓછું હોય તો ય કકળાટ કરે પછી પ્રભાવ ક્યાંથી રહે ? ! સ્ત્રી પ્રકૃતિને પૂરે પૂરી પિછાણી પછી જ તેની સાથે વ્યવહાર કરાય. સ્ત્રીઓ માનભંગ થાય તે મરતાં સુધી ના ભૂલે ને રીસ રાખે. પાછી સ્ત્રીઓ દેવીઓ પણ છે. સ્ત્રી વગરના પુરુષનો સંસાર દીપે નહીં. સ્ત્રી-પુરુષ એકબીજાના ડીપાર્ટમેન્ટમાં જરા ય હસ્તક્ષેપ ના કરાય. ‘ઘરમાં શું ખૂટયું, કેમ વધારે વપરાયું’ એવું પુરુષથી સ્ત્રીને ના પૂછાય ને સ્ત્રીથી પુરુષને “ધંધામાં કેમ ખોટ ખાધી’, તે ય ના પૂછાય અને એકબીજાની ભૂલો મોટું મન કરી નભાવી લેવી પડે. સ્ત્રીને કોઈ દિવસ મરાય નહી, અનંત અવતાર ભટકવાનું કારણ છે એ ! આપણે આશ્રયે આવેલાને કેમ કરીને કચડાય ? ! ઘરનાંને સહેજ પણ દુઃખ ન દે તે સાચો સમજદાર. પરણતા પાત્રની પસંદગી કરતાં આજકાલ છોકરાં છોકરીઓ જે ચૂંથામણ કરે છે એ કંઈ લગ્ન કરવાની રીત કહેવાય ? ખરી રીતે તે છોકરો કે છોકરી જોતાં જ આકર્ષણ થાય તો નક્કી ઋણાનુબંધ પાકે છે ને આકર્ષણ ના થાય તો બંધ રાખવું. એમાં ઊંચી, નીચી, જાડી, પાતળી, ગોરી, કાળીને ક્યાં સ્થાન હોય છે ? તાળું ગમે તેવું ટાયેલું હોય પણ ચાવી નાખતાં જ ઊઘડી જાય એનું નામ ‘કોમનસેન્સ’. ‘કોમનસેન્સ’વાળા ક્યાંય ઘરમાં કે બહાર મતભેદ પડવા ના દે. તો એવો તો કોઇ જ હોય. આખી જિંદગી બૈરીને સીધી કરવામાં ગઈ ને જયારે મરતાં મરતાં સીધી થઇ રહી ત્યારે બીજા ભવમાં બીજાને ભાગે જાય ! કરમ જુદા તેથી વીખરાઇ જ જાય ને ! આ ક્યાં કાયમનું સહિયારું છે ? ! એક ભવ પૂરતું જ ને ! માટે જે મળ્યું તેને એડજસ્ટ’ કરી લેવું. જેટલાં ‘એડજસ્ટમેન્ટ’ લેવાય તેટલી તેની શક્તિ ખીલે. સામાની સો ભૂલો થાય તો ય ત્યાં જાય કે કાયદો જોવાનો નથી. સમાધાન કેમ કરીને થાય તે જ જોવાનું છે. કુદરતના ન્યાયની બહાર તો કશું જ થવાનું નથી ! દરેકના વિચારોની ‘સ્પીડ’ જુદી જુદી હોય. ઓછાં ‘રિવોલ્યુશન’ વાળાને વધારેવાળાની વાત પહોંચે નહિ. માટે વધારે ‘રિવોલ્યુશન'વાળાએ વચ્ચે ‘કાઉન્ટર પુલી’ નાખવાની શીખી લેવી જોઇએ. પછી અથડામણ ના થાય. કચકચ કરવાથી બન્નેનું બગડે. સમ્યક્ રીતે કહેતાં ના આવડે તો મૌન બહેતર ! ટકોર એવી રીતે કરાય છે જેથી સામાને દુઃખ ના થાય. નહિ તો ટકોર કરવાનું માંડી વાળવાનું. અથડામણની જગ્યાએ ટકોરને બદલે અહીં પ્રતિક્રમણ કરવું એ ઉત્તમ ઉપાય. અબોલાથી વાતનું ‘સોલ્યુશન નથી થતું, પણ સમભાવે નિકાલ કરવાથી જ ‘સોલ્યુશનથાય. સરળની સાથે સરળ તો સહુ કોઇ હોય, પણ સંપૂર્ણ અસરળની સામે સરળ થાય તો જગ જિતાય ! કોઇ લાલ વાવટો ધરે તો તેનો દોષ ન જોતાં આપણી શી ભૂલ થઇ, તેની તપાસમાં પડાય તો નવો દોષ બંધાતો અટકે ને જૂનો પોતાનો 35 36
SR No.008826
Book TitleAptavani 03
Original Sutra AuthorN/A
AuthorDada Bhagwan
PublisherDada Bhagwan Foundation
Publication Year2003
Total Pages166
LanguageGujarati
ClassificationBook_Gujarati & Akram Vigyan
File Size95 KB
Copyright © Jain Education International. All rights reserved. | Privacy Policy