________________
| १०८
શ્રી નિશીથ સૂત્ર
२६ जे भिक्खू माउग्गामस्स मेहुणवडियाए आगंतारेसु वा आरामागारेसु वा गाहावइकुलेसु वा परियावसहेसु, वा णिसीयावेज्ज वा तुयट्टावेज्ज वा णिसीयावेतं वा तुयथावेंतं वा साइज्जइ । २७ जे भिक्खू माउग्गामस्स मेहुणवडियाए आगंतारेसु वा आरामागारेसु वा गाहावइकुलेसु वा परियावसहेसु वा णिसीयावेत्ता वा तुयट्टावेत्ता वा असणं वा पाणं वा खाइमं वा साइमं वा अणुग्घासेज्ज वा अणुपाएज्ज वा अणुग्घासंतं वा अणुपाएंत वा साइज्जइ । २८ जे भिक्खू माउग्गामस्स मेहुणवडियाए अण्णयरं तेइच्छं आउट्टइ, आउद्भृतं वा साइज्जइ । २९ जे भिक्खू माउग्गामस्स मेहुणवडियाए अमणुण्णाई पोग्गलाई णीहरइ, णीहरंत वा साइज्जइ । ३० जे भिक्खू माउग्गामस्स मेहुणवडियाए मणुण्णाई पोग्गलाई उवकिरइ, उवकिरत वा साइज्जइ । ३१ जे भिक्खू माउग्गामस्स मेहुणवडियाए अण्णयरं पसुजायं वा पक्खिजायं वा पायंसि वा पक्खंसि वा पुच्छसि वा सीसंसि वा गहाय संचालेइ संचालतं वा साइज्जइ । ३२ जे भिक्खू माउग्गामस्स मेहुणवडियाए अण्णयरं पसुजायं वा पक्खिजायं वा सोयसि कटुं वा किलिंचं वा अंगुलियं वा सलागं वा अणुप्पवेसित्ता संचालेइ, संचालेंतं वा साइज्जइ । |३३ जे भिक्खू माउग्गामस्स मेहुणवडियाए अण्णयरं पसुजायं वा पक्खिजायं वा अयमित्थित्ति कटु आलिंगेज्ज वा परिस्सएज्ज वा परिचुम्बेज्ज वा छिदेज्ज वा विच्छिंदेज्ज वा आलिंगंतं वा परिस्सयंतं वा परिचुंबतं वा छिदंतं वा विच्छिदंतं वा साइज्जइ । ३४ जे भिक्खू माउग्गामस्स मेहुणवडियाए असणं वा पाणं वा खाइमं वा साइम वा देइ, देंत वा साइज्जइ । ३५ जे भिक्खू माउग्गामस्स मेहुणवडियाए असणं वा पाणं वा खाइम वा साइमं वा पडिच्छइ, पडिच्छत वा साइज्जइ । ३६ जे भिक्खू माउग्गामस्स मेहुणवडियाए वत्थं वा पडिग्गहं वा कंबलं वा पायपुंछणं वा देइ, देंतं वा साइज्जइ ।
