________________
श्रुत
-१/अध्ययन-४
। १२१ ।
गंगावत्तगपयाहिणा-वत्ततरंग भंगरविकिरणतरुणबोहियअकोसायंत पउम-गंभीरवियडणाभी अणुब्भडपसत्थसुजायपीणकुच्छी, सण्णयपासा सुजायपासा संगयपासा मियमायियपीणरइयपासा, अकरंडुयकणगरुयगणिम्मल-सुजायणिरुवहयगायलट्ठी कंचणकलसपमाण-समसहियलट्ठचुचुयआमेलग-जमलजुयलवट्टिय-पयोहराओ, भुयंगअणुपुव्वतणुयगोपुच्छ-वट्टसमसहियणमियआइज्जलडहबाहा तंबणहा मंसलग्गहत्था कोमलपीवरवरंगुलिया णिद्धपाणिलेहा ससिसूरसंखचक्कवर सोत्थिय विभत्तसुविरइय पाणिलेहा।
पीणुण्णयकक्खवत्थीप्पएसपडिपुण्ण-गलकवोला, चउरंगुलसुप्पमाणकंबुवर सरिसगीवा, मंसलसंठियपसत्थहणुया, दालिमपुप्फप्पगासपीवरपलंब कुंचियवराधरा, सुंदरोत्तरोट्ठा, दधिदगरयकुंदचंदवासंतिमउलअच्छिद्दविमलदसणा रत्तुप्पलपउमपत्तसुकुमालतालुजीहा कणवीरमउलअकुडिल अब्भुण्णय-उज्जुतुंग-णासा,सारयणवकमल-कुमुयकुवलयदलणिगरसरिस-लक्खणपसत्थ-अजिम्हकंतणयणा आणामियचावरुइल-किण्हब्भराइसंगयसुजायतणुकसिणणिद्ध-भुमगा, अल्लीणपमाणजुत्तसवणा,सुस्सवणा, पीणमट्टगंडलेहा, चउरंगुल-विसालसमणिडाला, कोमुइरयणियरविमलपडिपुण्ण सोमवयणा, छत्तुण्णयउत्तमंगा, अकविलसुसिणिद्धदीहसिरया ।
छत्त-ज्झय-जूव-थूभ- दामिणि-कमंडलु-कलस-वावि-सोत्थिय-पडागजव मच्छ-कम्भ-रहवर-मकरज्झय-अंक-थाल-अंकस-अद्रावयसुपइट्ठअमरसिरिया-भिसेय तोरण-मेइणि-उदहिवर-पवरभवण-गिरिवरवरायंस-सुललियगय-उसभ- सीह-चामरपसत्थ-बत्तीसलक्खणधरीओ।
हंससरिसगईओ कोइलमहुयरिगिराओ कंता सव्वस्स अणुमयाओ ववगय वलिपलितवंग-दुव्वण-वाहि-दोहग्ग-सोयमुक्काओ, उच्चतेण य णराण थोवूणमूसियाओ सिंगारागार चारुवेसा, सुंदरथणजहण-वयणकरचरण-णयणा लावण्णरूवजोव्वणगुणोववेया णंदण वणविवर-चारिणीओ अच्छाराओव्व उत्तरकुरुमाणुसच्छराओ अच्छेरगपेच्छणिज्जियाओ तिण्णि य पलिओवमाइं परमाउं पालइत्ता ताओ वि उवणमंति मरणधम्म अवितित्ता कामाणं । ભાવાર્થ :- યુગોલિકોની સ્ત્રીઓ પણ સૌમ્ય એવં સાત્વિક સ્વભાવવાળી હોય છે. સુજાત, સર્વાગથી સુંદર હોય છે. સ્ત્રીઓના સર્વપ્રધાન શ્રેષ્ઠ ગુણોથી યુક્ત હોય છે. તેના ચરણ–પગ અત્યંત રમણીય,
