________________
૧૬૨
શ્રી સમવાયાંગ સૂત્ર
તેત્રીસમું સમવાય -
DAARUAADDDDDD
परिचय :
આ સમવાયમાં તેત્રીસ સંખ્યાથી સંબંધિત વિષયોનું કથન છે, યથા – તેત્રીસ આશાતનાઓ, અસુરેન્દ્રની રાજધાનીમાં દ્વારોની બંને બાજુ તેત્રીસ તેત્રીસ વિશિષ્ટ ભવન, તથા દેવો અને નારકીઓની તેત્રીસ પલ્યોપમ તથા સાગરોપમની સ્થિતિ અને તેત્રીસ ભવ કરી મોક્ષે જનારા જીવોનું વર્ણન કરેલ છે. १ तेत्तीसं आसायणाओ पण्णत्ताओ, तं जहा
१. सेहे राइणियस्स आसण्णं गंता भवइ, आसायणा सेहस्स । २. सेहे राइणियस्स पुरओ गंता भवइ, आसायणा सेहस्स । ३. सेहे राइणियस्स सपक्खं गंता भवइ, आसायणा सेहस्स । ४. सेहे राइणियस्स आसणं ठिच्चा भवइ, आसायणा सेहस्स । ५. सेहे रायणियस्स पुरओ ठिच्चा भवइ, आसायणा सेहस्स । ६. सेहे रायणियस्स सपक्खं ठिच्चा भवइ, आसायणा सेहस्स । ७. सेरे रायणियस्स आसण्णं णिसीईत्ता भवइ, आसायणा सेहस्स । ८. सेहे रायणियस्स पुरओ णिसीइत्ता भवइ, आसायणा सेहस्स । ९. सेहे रायणियस्स सपक्खं णिसीइत्ता भवइ, आसायणा सेहस्स ।
१०. सेहे रायणियस्स सद्धिं बहिया वियारभूमिं णिक्खंते समाणे पुव्वामेव सेहतराए आगच्छइ पच्छा रायणिए, आसायणा सेहस्स । ११. सेहे रायणिए सद्धिं बहिया वियारभूमिं वा विहारभूमिं वा णिक्खंते समाणे तत्थ पुव्वामेव सेहतराए आलोएइ पच्छा रायणिए, आसायणा सेहस्स । १२. सेहे रायणियस्स राओ वा वियाले वा वाहरमाणस्स अज्जो ! के सुत्ते ? के जागरे? तत्थ सेहे जागरमाणे रायणियस्स अपडिसुणेत्ता भवइ, आसायणा सेहस्स । १३. केइ रायणियस्स पुव्वं संलवित्तए सिया, तं सेहे पुव्वतरागं आलवेइ पच्छा रायणिए, आसायणा सेहस्स ।
१४. सेहे असणं वा पाणं वा खाइंम वा साइमं वा पडिगाहेत्ता तं पुव्वमेव सेहतरागस्स आलोएइ, पच्छा रायणियस्स, आसायणा सेहस्स । १५. सेहे असणं वा पाणं वा खाइमं वा साइमं वा पडिगाहेत्ता तं पुव्वमेव
